مــــــش حلــــوة

[شاعر الحب الحزين]

مـــش حلــوة ولا روشـــة ولا فيهـا حاجــة تشــــد

بس طيبة قلبها ضحكتها الجميلة الحنيــن والــــود

خلونـي مش شايف غيرها قدامي

كتبوني ونسيــوا يشوفــوا كلامــي

ما تتجملش غير ليا ما تتكلمش غير عليا

بتحاول تسعدني بكلامها بتوعدني دي بتبني ولا بتهد

من أدبها وأخلاقها لما اغازلها بكلمة حلوة تمشي وبتمد


إنتي بتقولي مش حلوة طبيعي تشوفيها كده

جواب نهائي يعني بتقوليهــا وإنتــي متأكـــده

أصل اللي بكلمك عنها تبقى إنتي

بطلي غيرة ونفسنة بقى يا بنتي

إنتي أحلا بنت ف الدنيا يا حبيبتي

يلا اضحكي بقى منحبوش نشوفوكي متنكــده



شــــــــــــــــــــــــــــــــ . حـــــــــــــــــــــــــــــــــــــ

[السفيره عزيزه]

هى كده فيها كل جديد
وما هي مثل بنات كتير وانت القلت بالتحديد
لسة فى بناااات النظرة منهم عيد
لسة الخجل لسة من لخبطيتها تعمل النقيض
روشة ايه بس .لسة ه نقول ونعيد
كل حركة منك دى بمثابة البريد
بتقول رساله وحياءك اجمل شيء ودا اكيد


دمت بخير
السفيرة

[*soma*]

كلام حلو اوي
حقيقي مبدع : )

تحياتي لقلمك

[أنين الليل]

عمر الجمال ما كان كل حاجه لأنو لو كان كدا مكنش ربنا جل علاه نوعنا اشكال والوان

كلمات جميله

[انت احلى الناس]

كالعاده يا خالد كلماتك تفوق الوصف
تسلم ايدك

[همس الحنين]

الجمال جمال الروح

مش بس شكل ورسمه والوان

جمالها فى عينيك كان خلاب

ادب اخلاق ودلال

زيها زى كتير من البنات

جمالها رمزه الحياء

رائعه كلماتك خالد

[أميرة محمود]

الفكرة لذيذة
والتعبير جذاب
عجبتنى اوى يا شاعر
سلم الابداع

[عماد الدين زنكي]

الجواب النهائي
انك شاعر رائع
دام ابداعك

[عاشق ولهان]

حرف سلس كالسلم الموسيقي

ابداع جميل منك يا شاعر

كل الشكر والتقدير لقلمك المبدع

خالص تحياتي وتقديري

[شاعر الحب الحزين]

اقتباس المشاركة الأصلية كتبت بواسطة السفيره عزيزه هى كده فيها كل جديد وما هي مثل بنات كتير وانت القلت بالتحديد لسة فى بناااات النظرة منهم عيد لسة الخجل لسة من لخبطيتها تعمل النقيض روشة ايه بس .لسة ه نقول ونعيد كل حركة منك دى بمثابة البريد بتقول رساله وحياءك اجمل شيء ودا اكيد دمت بخير السفيرة

أشكرك سفيرة الأخلاق

للمرور والتفاعل الجميل والحضور الأصيل

أسعدتيني بنقاء تواجدك هنا

الله يوفقك ويسعدك