رحلة

[™Amiliya]

عارفين احساس انك حاس بحاجة جديدة في حياتك بتخليك منطلق ومقبل ع الحياة بطريقة مختلفة
وكلها ايجابية بعد ترة ضغط نفسي مرت عليك
حبستك جواها بكل قوتها وحاولت تخرج منها ومعرفتش وفاجاة يجيلك حد يقولك يلا نسافر
والرحلة دي تكون لاحب مكان ع قلبك وروحك وعارف انك لو رحت المكان دا هترجع متجدد ومختلف

عارفين الاحساس الي بيمر عليها في لحظات اختياراتنا الغلط او الغير مدروسة والغير مهيئة وتاخد قرار فيها
بدون تفكير عميق ومتقن ولانك تحت ضغط الي حواليك تقوم تطاوعهم عشان تخلص من زنهم او اصرارهم؟
ونفسي تتكلم واتخرست وبقيت لا عارف تنطق ولا تدافع عن روحك ولا تنقذها منهم

عارفين كمان الاحساس الي بيخليك واقف مكانك سر في مشاعرك لا عارف تتحرك لقدام ولا ترجع عنها
حاسسها بس مش سعيد بيها عايزها بس مش مبسوط انها اقتحمت حياتك ؟

عارفين الشعور الي بيكبر جواك ناحية حد ونفسك توقفو ومش عارف وتستلم وتكمل وانت مش راضي
وفي الف فرق هيقف في طريقكم في يوم الجد

عارفين المواقف الي نحط نفسنا فيها من غير وعي كامل مننا ونندم ونعيط ونبعد بس مفيش فايدة من كل تصرف

عارفين يعني ايه كتر الالم يموت الاحساس

:

هو دا بداية رحلة الى قاع المشاعر المضطربة الغير متوازنة الي ممكن تخسرك نفسك قبل متخسر حد

/

رؤية

ايميليا

[Lamees]

هي احاسيس بتمر علينا اوقات نستسلم واوقات نقاوم
ولكنها قد تسيطر علينا تبعاً لقوتها ومدى تأثيرها فينا

راقية هي فضفضتك ايمي
تحيتي

[الأميرة رودي]

رؤيتك دايما تلمس مشاعرنا وتجدد احاسيس مرينا بيها ومازلنا.
فضفضه بقلم واحساس راقي.
شكرا ايميليا
*****

[الفيلسـوف]

اهلا بيكى من جديد
ف حاجه عايز اقولها ياايميليا انى المشاعر المتناقضه كتير بتقابلنا
واكيد الحياه فيه حلو وفيه وحش بس قبل مانتكلم ونقول لازم نعرف احنا رايحين فين
وماشين ع فين ولكن نحن من نصنع القرارا احيانا بتكون قرارات صعبه احيانا
بس دائما هى الحياه به الجميل وبها الصعب وبها المولم وبها الخير
دمتى بكل ود ايميليا

[أنين الليل]

رؤيه جميله منك ايمى تسلمى

[.Lamar]

عارفين يعني ايه كتر الالم يموت الاحساس

جملة راقتنى كثيرا ايمليا و توقفت لاحس وقعها داخل نفسى
نعم قد يميت الالم الاحساس و ربما يولد احاسيس جديدة غريبة
و ربما نعتاد على الالم و يصبح ملاصق للاحساس
حسب الموقف و عمق الاحساس

اعجبتنى رؤيتك كانت فضفضة جميلة من القلب
شكرا ليكى
مودتى

[SaMa.]

كل الل قولتيه عارفاه وحسيتو
وسعات كتير بكون عارفه ان طريقي نهايتو جرح
وبردو بمشي فيه حاجه جوانا بتفرض علينا ده
اقوي من عقلنا
حلو اوي كلامك ايميليا