من بعدها ما تكلمت بقلمى

[أنين الليل]

وقعت السماعه من ايديها
لما قالولها كان بيسأل عليها
وطلب يشوفها وسبلها رساله
ولما فتحت الرساله كتبلها
أنا عارف زعلانه منى وبلومك
بعدتى عنى وانا عمرى ماقدر اخونك
دورت وسألت ولما سألت
من صدمتى مفتحتش عيونى
وبعد ماقدرت بساعات
أفتح وألقى الوقت فات
وأسأل عليكى وأقول دى جت
وأكتم دموعى من سكات
فضلت قاعد مستنيكى لدقيقه
دى دقيقه كانت فضله من عمرى
ورغم انى مقولتش غير الحقيقه
ديرتى وشك ولاسمعتى وبعدتى عنى
طيب أنا طول عمرى وبقول عليكى
بكره هتيجى تصالحينى وتحنى
سكت الكلام
وجرت بأقوى ما عندها
الغرفه كام
وكام دقيقه عندها
وصلت ولكن الوقت فات منها
فتحت أوضه كانت اشبه بالوجع
سواد فى سواد مفيش لون تانى
ودخلت لقت اغلى حبيب عندها
فى اوضه ضلمه مغيمه وحدانى
مستغربه مفيش ولا لمبه منوره
فضلت بالغرفه متلخبطه
وتبصلو وتمسك ايده فى كفها
تحضنها مره ومره تانيه بتبوسها
وتصحى فيه انا جيت خلاص
مالك حبيبى مابتردش ليه
لسه زعلان منى
طيب خلاص ابوس ايديك
ممكن تسامحنى
هتسبنى اتكلم كدا واهون عليك
طب كلمه وحده بس وطمنى عليك
لقت الكفوف محطوطه على كتفها
متللقه فى الحرف موش عرفه تقولها
مالو نايم كدا ومش بيرد
ولاشيفه فيه دكتور ولا اى حد
وتبصلو من تانى وتهز فيه
خلاص سبيه
خلاص سبيه متهزهوش
خلاص عمره كدا انتهى
فضل يسأل عليكى كتير
لحد صوته ما أختفى
فات الوقت وبعد ايه
ودقيقه كانت هتفيد بأيه
ولسه بتبص عليه وعليه جرت
مسكت كتافو وتصرخ فيه اتجننت
خلاص مشيت خلاص روحت وسبتنى
ومن بعدها ومن بعده تانى ما اتكلمت

[قــصــة مــنــســيــة]

الله ينور ايه الحلاوة دي
استمري

[السفيره عزيزه]

لازم تتكلم لا زم تنطق لازم تسترجع
ولازم كمان تِسلم انه عمرة ما يرجع
ولازم تعرف ان فيي ناس حكايتها افظع
ولازم تسيب قلبها يبكي وعيونها تدمع
وما تحبس جوها نااار لضلعها توجع
وبكرة هناااك تتقبلوا صحيح والله ينفع
يلا استرجعى واصبري وادعيلوايسمع
وهي دي الست دنيا وامتى بقة منها نخلع


كده .كل دة وجع وانين
ما كانت الصور احلى وكلها امل
من بكرة على السطوح وهاتى لنا
صورة فرحة وعروسة وطرحة وطيور سرحة

دمت بكل سعادة وهنا
السفيرة

[شاعر الحب الحزين]

إحساس الفراق صعب جدا جدا

فما بالك لو شفناه ف عنينا وحسيناه صعب جدا جدا جدا

كلمات قمة الحزن وإحساس مؤلم جدا

عيشتينا قصة واقعية بطريقة مناسبة لسردها وتعبير حزين

جميل يا آية تمكنك من إحساسك والسير بخطى ثابتة لفكر متجدد

ربي يوفقك ويسعدك ويبعد عنك كل حزن

[رآقيہ بأخلاقـى]

آيه انا كدة عرفت الاسم المستعار اختارتيه بناء على ايه
على حزن عميق جواكى والدليل هى كتاباتك
حتى تصاميمك بحس فيها بالحزن
كلماتك كلها الم ووجع وما اصعب الفراق بين قلبين
جمع بينهم الحب الصادق الطاهر
..
مبدعة آيـه سلمت اناملك
دمتِ بخير وراحة بال

[اميره الشعر الشجين]

خلاص سبيه
خلاص سبيه متهزهوش
خلاص عمره كدا انتهى
فضل يسأل عليكى كتير
لحد صوته ما أختفى
فات الوقت وبعد ايه
ودقيقه كانت هتفيد بأيه
...............................
ياه على قمه الوجع الا فى الجزء دا
تعرفى يا أنين مش بس بتكتبى اغانى حلوه
ولاول مره اعرف عن موهبتك فى القصص
بجد انتى انسانه رقيقه اوى وكل يوم بكتشف جديد فيكى
عجبتنى اوى اوى اوى
فى انتظار جميلك حبيبتى

[قلب وكلمات]

وها أنا هنا بقلب يشارك الاحساس

وقلم تجتاحه المشاعر ، كيف لي الرد لا أدري

ولكن سيدتي إن الله سبحانه وتعالي يبدل الحال

فلا تركني إلي الحزن فهو سقيم ،، أسعد الله قلبك

قلمكِ سيدتي راقي يملك السلاسة وروعة التصوير

اتمني أن تكتبي بعيداً عن الحزن وأنا واثق أنه سيكون رائع البيان

لكِ كل التقدير وخالص التحايا

القيصــر

[أنين الليل]

اقتباس المشاركة الأصلية كتبت بواسطة قــصــة مــنــســيــة الله ينور ايه الحلاوة دي استمري

النور نورك اخى
نورت

[أنين الليل]

اقتباس المشاركة الأصلية كتبت بواسطة السفيره عزيزه لازم تتكلم لا زم تنطق لازم تسترجع ولازم كمان تِسلم انه عمرة ما يرجع ولازم تعرف ان فيي ناس حكايتها افظع ولازم تسيب قلبها يبكي وعيونها تدمع وما تحبس جوها نااار لضلعها توجع وبكرة هناااك تتقبلوا صحيح والله ينفع يلا استرجعى واصبري وادعيلوايسمع وهي دي الست دنيا وامتى بقة منها نخلع كده .كل دة وجع وانين ما كانت الصور احلى وكلها امل من بكرة على السطوح وهاتى لنا صورة فرحة وعروسة وطرحة وطيور سرحة دمت بكل سعادة وهنا السفيرة

ديما بتحرجينى بردك سفيره
ربنا يخليكى يارب
ويديم مرورك الجميل على اى موضوع ليا

[أنين الليل]

اقتباس المشاركة الأصلية كتبت بواسطة شاعر الحب الحزين إحساس الفراق صعب جدا جدا فما بالك لو شفناه ف عنينا وحسيناه صعب جدا جدا جدا كلمات قمة الحزن وإحساس مؤلم جدا عيشتينا قصة واقعية بطريقة مناسبة لسردها وتعبير حزين جميل يا آية تمكنك من إحساسك والسير بخطى ثابتة لفكر متجدد ربي يوفقك ويسعدك ويبعد عنك كل حزن

الفراق موت
وخاصه لو حد غالى اوى
ومعتاد وجوده جمبك

ربنا يخليك ياشاعر ويديم طلتك