ايه انطباعك على الصوره دى ؟

[big bốss]

هى الصوره لا تحتوى على شىء غير عادى

و لكن بها شىء غريب على مجتمعنا و هو محجبه بتركب عجله

ايه رايك

هل انت مع او ضد التصرف دا ؟

انا شايفها عادى بس فيه ناس شيفاها غير عادى

فهل ركوب العجله من مراه محجبه فعل اثم ام عقول المجتمع هى المؤثمه ؟

[أنين الليل]

انا عن نفسى بركب عجل وعجلتى موجوده معايا فى اى مشوار قصير
ومبيهمنبيش اى نظره لانو لاحرام ولا عيب
وهتلى اى نص قرائنى او حديث يحرم دا
هو شيئ عادى وحريه شخصيه كمان طالما مش بتئذى حد

[هادية]

لو كبرنا دماغنا وكل واحد خلا نفسه في حاله

وانشغل عن الناس بنفسه وعن عيوب الناس بعيوبه

حنلاقي الصورة عادية جدا ومفيهاش اى حاجة

[Lamees]

مش عارفة بس عقلي مش متقبلها

[نسيم الربيع]

واضح انها رياضه.... والرياضه للجميع ... وهذه المرأه لا تفعل شيئا محرما.... فلا يظهر منها شيئا يثير الفتنه....فلا يوجد ما يدعو للجدل ,,,,, والله تعالى اعلي واعلم

[*soma*]

هو شئ عادي
وكل واحد يعمل اللي يريحه

بس حاجه انا شخصيا ماتقبلهاش
هي مش محجبه بس دي منقبه كمان
واللي تبقي متنقبه لازم تحترم النقاب
وتصرفات كتير متعملهاش احتراما للنقاب اللي هي لابساه

[big bốss]

اقتباس المشاركة الأصلية كتبت بواسطة أنين الليل انا عن نفسى بركب عجل وعجلتى موجوده معايا فى اى مشوار قصير ومبيهمنبيش اى نظره لانو لاحرام ولا عيب وهتلى اى نص قرائنى او حديث يحرم دا هو شيئ عادى وحريه شخصيه كمان طالما مش بتئذى حد

عادى حضرتك

هو لا عيب و لا حرام

بس سيبنا من كلمة حريه شخصيه لانها نافذه لمحظورات كتير

[أنين الليل]

اقتباس المشاركة الأصلية كتبت بواسطة big bốss عادى حضرتك هو لا عيب و لا حرام بس سيبنا من كلمة حريه شخصيه لانها نافذه لمحظورات كتير

هي اكيد نافذه لمحظورات كتير ومع الاسف الحريه الشخصيه بتتفهم غلط
نتيجه استغلال البعض ليها غلط

[واد حبيب]

شي عادي جداااا يا نور
انت ممكن تشوف السبب اللي خلها تركب عجله في الشارع
هتلاقي الموضوع اسهل بكتير ان الواحد يقول عيب ولا حته ينظر عليها انها محجبه وركبه عجله في الشارع
ممكن تكون ست علي قدها ومش معاها فلوس كل يوم موصلات
فيه اسباب كتير يا نور

[big bốss]

اقتباس المشاركة الأصلية كتبت بواسطة هادية لو كبرنا دماغنا وكل واحد خلا نفسه في حاله وانشغل عن الناس بنفسه وعن عيوب الناس بعيوبه حنلاقي الصورة عادية جدا ومفيهاش اى حاجة

عندك حق فى كلامك

بس انتى مش عايشه لوحدك

و اى فعل بيحصل من فرد له تاثير على باقى المجتمع

لو مكنش بالتقليد هيكون بسبب حب التجربه

منوره يا هاديه