جمبرى بالخضار / مسابقة مطبخك معانا

[.Lamar]

1/ 2 كيلو جمبري 2 فص ثوم مفروم 2 ملعقة زيت زيتون كرفس وزعتر 2 حبة فلفل ألوان حبة جزر حبة كوسة حبة بطاطس حبة بصل متوسطة ملح وفلفل فلفل حامي ملعقة صغيرة كمون 1/ 2 كوب صلصة طماطم 1- قطّعي البصل شرايح رفيعة، وبعدين شوّحيه في الزيت مع الثوم المفروم لحد ما يبقى لونهم دهبي، وقطّعي الكرفس والزعتر قطع صغيرة، وحطّيهم مع البصل وشوّحيهم مع بعض. 2- قطعي الجزر والفلفل والبطاطس والكوسة والفلفل الحامي صوابع رفيعة، وحطيهم مع البصل، وشوحي كل الخضار مع بعض لحد ما يستوي نصف تسوية. 3- بعد كده حطّي معاهم الجمبري بقشره، وتبّليهم بالملح والفلفل والكمون، وحطي عليهم عصير الطماطم، وقلبيهم على النار لمدة 5 دقائق. 4- بعد ما تستوي نصف تسوية، حطي ورق فويل في صينية، واقلبي عليه الجمبري بالخضروات وعليهم 1/ 4 كوب ميه أو صلصة طماطم، وبعدين اقفلي الفويل عليه. 5- دخّلي الصينية في الفرن لمدة 10 دقائق، وبعدين طلّعيه من الفرن وقدّميه.. بالهنا والشفا.

[رآقيہ بأخلاقـى]

[سارة بنت مصر]

وصفه جميله

تسلمى

[العاشق الذى لم يتب]

وصفات جميلة وخفيفة وشهية ومغذية
تسلم الايادى
ويدوم التميز