الكوسة بالصلصة البيضاء / مسابقة مطبخك معانا

[.Lamar]

1ك كوسة نقشرها ونقطعها حلقات نص كيلو جزر نقشره ونقطعه حلقات نص كيلو صدور فراخ مخلية نقطعها قطع صغيرة بصلة كبيرة نص حزمة كرفس زيت ذرة ملح وتوابل مقادير الصلصة البيضاء 3 معالق دقيق 2 كوب لبن زيت ذرة اللى يحب يطبخ بسمن او زبده براحته نفرم البصلة ونشوحها فى زيت الذرة وبعد كده نضيف الفراخ ونقلب لمده 5 دقائق ثم نضيف الجزر ونقلب لحد مايبقى طرى الى حد ما ثم الكوسة ونفضل نقلب لو احتاجت ميه نحط كمية بسيطة لما تقرب تستوى نحط الكرفس المفروم والملح والتوابل ونسيهم على النار 5 دقائق وبعد كده نصبهم فى قالب بايركس علشان كل الالوان والمكونات الجميلة تبقى باينة ونصب عليها الصلصة البيضا وتكون سايلة شوية لانها المفروض تتخلل الخضار ويستوى بيها مش يغطيها زى المكرونة وندخلها الفرن ولما الوش يحمر نطلعها وبالهنا والشفا طريقة عمل الصلصة البيضا نسخن زيت الذرة ونحط الدقيق ونقلبه لحد مايصفر بس وبعد كده نحط اللبن السخن ونقلب لحد مالقوام يتخن بس مش قوى يعنى تكون سايلة شوية

[رآقيہ بأخلاقـى]

زى الكوسه بالبشامل
حلوة اووى

[العاشق الذى لم يتب]

وصفات جميلة وخفيفة وشهية ومغذية
تسلم الايادى
ويدوم التميز