يوميات .. أنا ومطبخى ..

[حَرفُُ هجآءّ]

السلام عليكم
كيفكم .. اخباركم
عارفه انى مقصرة الايام دى
بس الامتحانات بئا

المهم أنا ومطبخى بنعمل عمايل
بتودى المستشفى على طول

النهاردة قولت اغير جو روتين الاكل
زهق بئا وكده

المهم انى مش عارفه اسمى الاكله دى ايه
بس هى خفيفة أووى وخصوصا للى بيعملو دايت
لان مش فيها اى دهون

اسيبكم مع الطريقة والمكونات

المكونات

جلاش على حسب العدد اللى هتعمليه
بيض على حسب العدد اللى هتعمليه
جبنة موتزريلا
زيتون شرائح
بروكلى
سوسيس ( واللى عايز يغيره عادى بس تكون حاجة سهلة السوا )
فلفل الوان
واطباق شوربه صغيرة





هناخد وحده من الجلاش نقسمها بالطول اتنين
ونطبق كل جزء على اتنين






وناخد طبق وندهنه بسيط اووى بزيت عشان مش يلزق
ونحط الجلاش فى الطبق ياخد شكل الطبق من جوا






وبعدين نحط بيضة





وبعدين نحط السوسيس






وبعدين نحط الفلفل






ونحط الزيتون





واخر حاجة نحط الجبنة الموتزريلا والبروكلى






وانا هنا عملت 3




ونحطهم فى الميكرويف أو فى الفرن






وبعد ما استوت طبعا الجلاش كان مقرمش
وخد شكل الطبق






وبالراحة أووى سكلتها بالسكينة وطلعتها فى طبق تانى
مع شوية حركات







زووووووووووووووووم







الاكله دى بئا تنفع فطار أو عشا
زى ما تحبو


نيجى بئا لاسئلة الحلقة

1- الاكلة دى نسميها ايه ؟

2-ليه الحمار الوحشى مخطط والنمر منقط ؟
هههههههههه السؤال ده اتسئلته من بنتى
وطبعا كنت مزبهله

حد يموت البنت دى

بس جبته بردوا
يلا اهو الواحد مهما كبر لسه بيتعلم

3-ايه رأيكم بئا فى العك اللى عملته ده ؟

[واد حبيب]

هوه كل واحد بيغيب يرجع يقولي الامتحان
انتي في سنه كام يا شاطره
بما ان الاكله دي اول مره اشوفها فانا تقدر اقولك ان هيجي منك في الطبيخ طول ما انتي بتخطرعي تبقا كويسه بس يارب ناكل وتعدي علي خير
نورتي المنتدي يا خالتو

[العاشق الذى لم يتب]

الاول اقولك حمخدالله على السلامة
وبعدين اقولك تصدقى بالله وهو شهيد بتوحشيناوبننشغل عليك
وبعدين اقولك ربنايعينك ويوفقك فى الامتحانات
وليه بس تتعبى روحى وتتجوزى وتخلفى قبل ماتخلصى الدراسة
نروح لحكاية الأكلة
اقترح تسميها أكلة مشكلة
يعنى بمزاج مشكل ومجموعة أكلات فى بعض
نروح على الاسئلة
الحمارالوحشى مخطط علشان نقدرنفرق بينه وبين الحمارالبلدى
عرفتى ليه ربناخلقه كده
والنمرمنقط
علشان تاخدى جلده وتعمله جاكت تتباهى بيه قدام صحباتك
وبعدين حبيبك النى تقولى عليه الصلاة والسلام قال
اطلبواالعلم من المهد إلى اللحد
يعنى مهمايكبرسنك هتفضلى تتعلمى
واخيراسلمى على بنتك وبنت اختك
ربنايخلهملك
وتسلمى

[غالي الأثمان]

بالتوفيق ليك ولمطبخك . ^ ــــ*

[ساحر الأحزان]

لا عك من الاخر

انتى محتاجة تاخدى كورس

مطبخى

من عند فتافيت السكر هانم

[اميره الشعر الشجين]

عوده من بعد غيبه يا اسيل
اكله خفيفه وسهله
مشكووووووووره يا حبيبتى وربنا يوفقك

[رآقيہ بأخلاقـى]

دى الاكله اللى ما تتسمى يا اسيل
حمد لله على السلامه
وبجد تسلم ايدك على الاكله دى
حلوة شكلها بيقول انها لذيذه

[هادية]

فكرة جامدة اووووووووووووووى بجد

انا حعملها ان شاء الله

تسلم الايادي يا قمر

وربنا معاكى فى الامتحانات

[جنون قلب]

تُحفظ بعيدآ عن مُتنَـآول الاطفَــآل
أيه اللى إنتى ب تِعملى ده .,
هو انتى عشَــآن مقصره فى حق القسم شويه ..
تُودينــآ المستشفى ..
لآ وإيه كمــآن .. مصورآهــآ
دآ آنتى لو بتجيبى ليهــآ عريش مش هتزوقيهــآ كده .



بس احسن حـآجه انهــآ خفيفه
عشان اللى بيعملوآ دآيت
وآلآحسن بقى انى مبعملش دآيت ..
وب النسبه ل سؤآل بنتكـ .. فلآزم ده يكون سؤآل منهــآ
هههههههههه
ده كفــآيه انهــآ بنتكـ



منوره اختى حرف هجَــآء
بجد حسستينى انى فى قنــآه ام بى سى سفره
وفى سؤآل هو اللى هيجــآوب
هيـآخد هديه ..
بس يارت الهديه تكون بعيد عن الاكله دى