حبيب وبوص رد اعتبار

[اميره الشعر الشجين]

السلام عليكم يا احلى منتدى فى الدنيا
نظراً للأوضاع الغير مستقره فى منتدانا الغالى ودا بعد ما البوص اعلن الحرب على البنات وطبعاً صحبه الواد حبيب بيدعمه بس مكنتش اتوقع انو يحصل كدا وان الصداقه
المتينه الا مابينهم تنهار كدا فى لحظه المهم انا سمعت صوت صريخ جي من قسم
اليوميات انا جه فى بالى ان سندس وسوما مسكو نور وضبوه او يمكن الواد الحبيب
دا ادعور وهو طالع من قسم الخزعبلات وصواميله فكت ولكن اتضح ان الموضوع
اكبر من كدا بكتير تعالو نشوف حصل ايه

أنا/ ايه يا سوما نور بيصرخ ليه كدا
سوما/ اصلو بينضرب يا اوختشى
أنا/ الهوووى ليه كيدا طااااااااه
سوما/ مفيش جى بيسألنى بيقولى الا حمام الرجاله منين
انا طبعاً استغربت ايه دا هو احنا معانا رجاله فى المنتدى مش مهم كملى
سوما/ مفيش قولتلو اسأل سندس عشان انا جديده هنا ومش عرفه حاجه
أنا/ وسندس هي الاضربته
سوما/ انبى ماعرف روحى اسأليها

انا اخدت نفسى طوالى وعلى عضوتنا العثوله سندس وسألتها

أنا/ هو نور حصله ايه ياسندس عملتي فيه ايه
سندس / معملتش حاجه يا يويو والله انا بس وديته الحمام
أنا/ ايوه يعنى برضو مفهمتش حصل ايه
سندس / انا قلتلو روح الطريق طوالى هتلاقى حمام الرجاله جمب قسم النقاش
أنا/ ايوه وبعدين
سندس / نسيت ان دا حمام البنات يايويو واهو استلقى وعده
الضحيه الاولى ابسط يا رأفت هيجيلك ونس

المهم اخدت نفسى من هنا وقولت اروح اشوفه امال ايه مهو مهما كان البيج بوص
وهُنا كانت الصدمه

أنا/ نور ايه الا بهدلك كدا
نور/ نور مين يا عينيه انا نووووووره
أنا/

ولقيته قام واقف وماسك جدران القسم الاجمبه وماسك فى طرحتى ويصرخ
نور/ عريس ياماااااااااااااااااااااااااااااااااااى
أنا/ لالالالا ايه انت صواميلك فكت ولا ايه
نور/ طخه بس متعوروووش يابووووووى
أنا/ ايه ياعم لالا النظرات دى مش طبيعيه انت اتقلبت ولا ايه

وفجأه لقيتلكم الحبيب طالع با البندقيه ويقول سيبونى اخد فرصتى
انا بجد كنت هتهبل من منظرهم واتاريها المخرجه أنين الليل جيه تاخد فرصتها
ودا كان حوارى معاها

أنا/ ايه دا يابت بتعملى ايه يوووه انوووور اوعى الطرحه
أنين/ ايه انتى مش عرفه انى مخرجه ولازم اتمرن على مشروع تخرجى
أنا/ انتى عملتى فيهم ايه يختاااااااااااى خد الطرحه اعم مش عيزاها
نور/ حبيب حبيبى شفتنى وانا بالطرحه


حبيب/ صو كيوت أبابى

انا وأنين كنا عملين كدا بالظبط
بصراحه كان منظرهم هما الاتنين مسخره وكمان انين قالتلى انهم شاطرين
وقررت تعملهم فيلم البحث عن مديحه والبوستر بتاع الفيلم نزل

كمان يانور دانتا هتبقى مشهووووور اوووووى
أنين الليل/ بجد موهوب جداً
وفجأه مخرجتنا يويو جالها اتصال وحسيت انها كانت متعصبه

أنا/ مالك يابت فى ايه
أنين/ نصيبه مخترع التلفزيون قدم بلاغ ضد فيلم البحث عن مديحه
أنا/ يادى الفضيحه يعنى راحت ع الحبيب ونور
ولقينا العضوه سندس وسوما بيجرو علينا وبيقولو افتحو التلفزيون بسرعه

جريت بسرعه افتح التلفزيون ولقيت مخترع التلفزيون بيلعن اليوم الاخترعه فيه
انا اتصلت عليه ايوه مهو لازم نور ياخد فرصه الله

أنا/ اييييه يابا احنا هنهرج كلو الا الكهربه يامعلم
مخترع التلفزيون / يعنى دى وشوش تطلع التلفزيون

انا بصراحه فكرت فى كلامه وقولت فعلا دى مش وشوش خالث مالث

انت ابن ستين مش كلب واحد

ودا الحبيب فى مشهد من الفيلم

بس طبعاً انهارت كل احلام نور وحبيب ونور بجد كان صعبان عليا دخل اوضه وحبس
نفسه وعمال يعيط وهنعرف من حبيب ايه السبب دلوقت
وياعيط معلش يا نور روح لسندس عمله بيض محروق كدا عشانك
وفجأه لقيت الحبيب بيتصل عليا ودا كان الحوار

الواد / الحقينى يادكتوووووره
أنا/ ايه يا حبيب صواميلك فكت انت كمان ولا نور كسر عليك البلاص
الواد/ الاداره ادتنى كارت احمر عشان ....... وسكت وقفل السكه
طبعا صحافه المنتدى صيتته سندس وسوما ولقيت الصوره منشوره وتبين لكم فعلته الفاضحه

ياعم مش عيزين يابوسو ياعم زنبو ايه الكمبيوتر تكسرو
عمتاً هكلم الاداره وانت ونصيبك
وطبعاً بعد الفضيحه دى حبيب بقى فاضى ومش لاقى حاجه يعملها فقال اما اعلق البت سندس
ع الشات وقام متصل بالبج بوص وقالو على خطه الانتقام
وطبعا من حفر حفره للبنات وقع فيها والصوره مش بتكدب

هههههههههه ان اقولت نوره فيها حاجه مش طبيعيه ااقصد نووور
وهو انا بصراحه مش عرفه هما عملو ايه فى بعض بعد اكتشافهم انهم كانو بيشتغلو بعض بس هو كل ال ااقدر اقالو انى كـ دكتوره لسه تحت التمرين عملت الاعليه
وجارى البحث عن بنكرياس الواد حبيب وقرنيه نوور

اما امشى بقى لحسن أتأخرت على رأفت

[ساحر الأحزان]

كدة يا نور

عملتها انت والحبيب

وفتحت طريقة لاميرة اليل

تخش فينا وتضحك

[رآقيہ بأخلاقـى]

حسبى الله ونعم الوكيل فيكى يا آيه
ايه يابت ده خزعبلايه دى ولا مسلسل هندى
ده انا عقبال ما كملت باقى الحوار كنت نسيت اوله
روحى يا شيخه .. وتعالى بسرعه

[هادية]

ههههههههههههههههههه

يا لهوى على كده

الله يكون في عون اللى يقع تحت ايدك يابنتى

نايس خزعبلاية بجد بجد

[العاشق الذى لم يتب]

كل ده حصل
صراحة الموضوع خطيرجدا
ماشاءالله عليك يويو
طلعتى خطيرة جدا
منورة الخزعبلات

[شاعر الحب الحزين]

ههههههههههههههههاي جالك يوم يا نور هههههههههاي

بجد ضحكتني الخزعبلاية جدا يا آية

لا مش رغاية الا شوية بس كلام كله بيضحك وخزعبلاية جميلة خالص

ايوة كده عايزين تاني من خزعبلاتك اللي بتضحكنا دي

منورة الدنيا يا آية

[big bốss]

دا انتى طلعتى مصيبه و كارثه و بلوه

كل دا عملتيه فيا و هنت عليكى

دا انتى شرتينى و عملتى مسلسل عليا

روحى يا شيخه ربنا يلم عليكى عبيده ^_^

بس احلا حاجه اخت طرحتك ههههههههههه

و عمالين تصاميم و شغال عالى و سباكه الموضوع 100 %

لا بجد هتدمرى يا يويو

بس مين صاحب التصميمات دى لانى هعوره بجد

[انجي_1]

هههههههههههههههههههههههههههههه
يلهوي عالكلام
روحي ربنا يخليكي للولايا يا اوختشي
ابصراحة صعوب عليا الواد نور
وكت اتمنى واد حبيب اللي يلبس الطرحة يعني
انا شايفة انك كنتي مركزة على نور وبهدلتيه
ياريت تورينا يوم ف واد حبيب لو سمحتي
روعة يا مبدعة استمري

[ايمان طلعت]

انتي طلعتي مصيبه بجد
هههههههههههه
فصلتيني ضحك والله
ايوة كدة اوعي حد يسيب حقه
بالذات من البوص والحبيب
تسلمي غاليتي للضحكه
تحياتي

[The MaSster]

اشرب بئى يا نور بصراحه انا شايف ان ليهم حق
بعد حملة المواضيع اللى انت نزلت ها
هههههههه
حلوه الخزعبلاويه
بانتظار باقى الهجمات
والتصاميم كلها حصريه يعنى الموضوع واخد وقت
تسلمى أميرة الشعر الشجين