الشعر .. رسالة ..........

[قلب وكلمات]

{ الشعر عندي رسالة }

لما قلت أني ناوي


لما حسيت أني غاوي


أكتب الشعر بحوره .. تلالي


تعدل المقلوب .. تطبطب ،، تداوي


تعزف على وتر المحبة


تجمع الصحبة ،، تردد غناوي


وازن حروفي بميزان الحق


أشهد على قولي ..


رب السما والخلق


أصل الشعر عندي رسالة


مش كلام معسول .. وحاله


لا عمري كنت جبان


ولا خفت من النهاية


رغم الوجع اللي عايش
.. جوايا ..

.. وساكن من سنين


بكتب للغلابة .. للناس الطيبين


لصوت الحق اللي أنظلم


رغم الألم .. رغم الأنين


حامل على كتفي الأمانة


أصل الشعر عندي رسالة


مش كلام معسول .. وحاله


الشعر هدف نبيل وغاية


هي دي أصل الحكاية


وعهد قلمي من البداية


لما قلت أني ناوي


لما حسيت أني غاوي

القيصــر

[هادية]

جميل جدا لما الشعر يبقي رسالة

وله هدف عايز يحققه

وقتها يبقي جمع بين الحسنيين

الكلام الجميل والرسالة النبيلة

تحياتى لكلماتك يا شاعرنا الكبير

[الزبير]

قيصرنا يا رائع
تحياتى

والشعر فعلا رساله=
مش كلام معسول وحاله=
والشعر ده كلام جميل=
لمه تسمعو يازميل=
تلقى نفسك غير ماتشعر=
تنتفض طربا تميل=
وتذكر الحى ذو الجلاله=
والشعر فعلا رساله=

[.Lamar]

جميل انه تحمل على عاتقك امانة الكلمة

رغم الصعوبة فى كتير من الاوقات

كلمات حلوة كتير

كل الشكر اخى

تحياتى

[الأميرة رودي]

أصل اﻻمانه ومغزى الرساله دائما نجدهم فى قلمك وتعبيرك أشرف .
معنى اﻻبداع الحقيقي وسخاء الموهبه لديك يمتعونا ب سيل من كتابات تروق لنا فى كل حاﻻتها..

اشكرك لجمال اطروحاتك .
تمنياتى لك بكل التوفيق والسداد.

[قلب وكلمات]

اقتباس المشاركة الأصلية كتبت بواسطة هادية جميل جدا لما الشعر يبقي رسالة وله هدف عايز يحققه وقتها يبقي جمع بين الحسنيين الكلام الجميل والرسالة النبيلة تحياتى لكلماتك يا شاعرنا الكبير

شكراً هادية للمرور الأكثر من رائع