ايه رايك فى كلام البنت دى ؟

[big bốss]

دا كومنت بنت حطاه





طبعاً حضرتها شايفه ان البنت الى تسمع كلام خطيبها او زوجها

تبقى بنت معندهاش شخصيه و دلدوله ، و ان لازم يكون لها شخصيه

و متخليش الراجل يفرض رايه عليها

طبعاً دى عندها نقص و عقده و واحده بالاسلوب او التفكير دا

عمر ما حد هيتجوزها و لا هيبصلها

لان الراجل راجل و الست ست

الاختلاف بينهم فى الراى بيكون من اجل الكمال

مش من اجل اثبات الذات و الشخصيه و الكلام الخايب دا

و بعدين الفيس و الواتس انا من حقى احافظ على خطيبتى او مراتى منه

و مش تملك انها ترفض لان النت اول بوابة الانحراف و الكل عارف

ايه رايكم فى كلام البنت دى ؟

[سارة سرسور]

عدو المرأة
بدام عارف أن الفيس النت الواتس أب طريق انحراف بتدخله ليه ؟!
يعني ايه مش تملك ترفض ؟!
هي مش عابدة
هي بني آدمة لها حرية شخصية زيك بالضبط
هو عاوز يلغي شخصيتها ورأيها واستقلالها
اللي عاوز ينحرف ويمشي عوج فيه مليار طريق يوصله لهذا الهدف
لو أنا وحش هستعمل مواقع التواصل بالطريقة الخطأ لأني عاوز كده
نقطة تانية الخطيب لو شايف أن خطيبته بتعمل حاجة خطأ مجتمعياً ينصحها مانفعش يسيبها لكن يتحكم فيها لأ مش من حقه لأنه مالوش كلمة عليها هي لسه مش على ذمته
الزوج حقه يتدخل في كل كبيرة وصغيرة وهي كذلك بالمثل لأن الحياة الزوجية مشاركة بين اتنين مش الجواز عبارة عن راجل فقط
المرأة هي الأساس
الراجل اللي يطبق الدين الشرع العقل المنطق مع شريكة حياته مش هيتعب في حياته
نقطة أخرى أكتر الرجال اللي بيتحكموا بطريقة مستفزة لدرجة يقولها لا أصحاب لا نت لالالالالالا بيكون خايف لأنه عمل مصايب وبلاوي وخايف تترد فيه وهتترد كله سلف ودين وكذلك الست
الثقة موجودة الحياة هتمشي مفيش ثقة ولا احترام للإنسان اللي معاك يبقى أول سلمة في طريق المشاكل والخناق والهم

المرفوض عدم التعميم
لأن فيه ناس كويسة
لكن السيء هو اللي بيعًُم

[رآقيہ بأخلاقـى]

انا هبدأ من حيث انتهيت يا نور
النت مش زى ما انت قولت اول ابواب الانحرف
النت سلاح ذو حدين وكل واحد واستخدامه له
اللى هيحسن استخدامه ياخد منه ثقافه وعلم بلا حدود
واللى هيسئ استخدامه اكيد هيكون كل ابواب الانحراف
.....
اما بقى بخصوص البنت دى ورأيها فى صحبتها
فـ أنا معاها ومش معاها
معاها فـ إن مينفعش الزوج او الخطيب او الحبيب
يفرض رأيه على خطيبته او ... إلخ
لان فى رجالة فعلاً كدة بتحب تفرض رأيها مش حفاظ على خطيبته لا
انما للتحكم فيها واحساسه برجولته وبس
اما بقى انا مش معاها لان ممكن البنت اللى مخطوبه دى
متبقاش بـ شخصيه ضعيفه وتقول حاضر وخلاص
لازم يكون فى نقاش بينهم وحوار واراء وهات وخد
يعنى يكون فى تفاهم بينهم ولو هى مقتنعه باللى بتعمله
وعارفه انها مش بتعمل حاجة غلط تحاول تقنعه
اما بقى لو هو عرف يقنعها من غير فرض السيطرة يبقى تمام
.....
من الاخر بقى يا نور اطلع انت منها وهى تعمر
وخليك انت فى فرض السيطره يا مسيطر

[big bốss]

اقتباس المشاركة الأصلية كتبت بواسطة سارة سرسور عدو المرأة بدام عارف أن الفيس النت الواتس أب طريق انحراف بتدخله ليه ؟! يعني ايه مش تملك ترفض ؟! هي مش عابدة هي بني آدمة لها حرية شخصية زيك بالضبط هو عاوز يلغي شخصيتها ورأيها واستقلالها اللي عاوز ينحرف ويمشي عوج فيه مليار طريق يوصله لهذا الهدف لو أنا وحش هستعمل مواقع التواصل بالطريقة الخطأ لأني عاوز كده نقطة تانية الخطيب لو شايف أن خطيبته بتعمل حاجة خطأ مجتمعياً ينصحها مانفعش يسيبها لكن يتحكم فيها لأ مش من حقه لأنه مالوش كلمة عليها هي لسه مش على ذمته الزوج حقه يتدخل في كل كبيرة وصغيرة وهي كذلك بالمثل لأن الحياة الزوجية مشاركة بين اتنين مش الجواز عبارة عن راجل فقط المرأة هي الأساس الراجل اللي يطبق الدين الشرع العقل المنطق مع شريكة حياته مش هيتعب في حياته نقطة أخرى أكتر الرجال اللي بيتحكموا بطريقة مستفزة لدرجة يقولها لا أصحاب لا نت لالالالالالا بيكون خايف لأنه عمل مصايب وبلاوي وخايف تترد فيه وهتترد كله سلف ودين وكذلك الست الثقة موجودة الحياة هتمشي مفيش ثقة ولا احترام للإنسان اللي معاك يبقى أول سلمة في طريق المشاكل والخناق والهم المرفوض عدم التعميم لأن فيه ناس كويسة لكن السيء هو اللي بيعًُم

مفيش وجه تساوى او مقارنه بين الولد و البنت يا ساره

اذا كان ربنا فرق بين الولد و البنت فى الميراث و الجواز و الانفاق

و حتى فى الانبياء

يبقى ازاى احنا البشر عايزين تساوا بينهم

وزى ما بيعمل الولد يبقى تعمل البنت

[big bốss]

اقتباس المشاركة الأصلية كتبت بواسطة رآقيہ بأخلَآقـى انا هبدأ من حيث انتهيت يا نور النت مش زى ما انت قولت اول ابواب الانحرف النت سلاح ذو حدين وكل واحد واستخدامه له اللى هيحسن استخدامه ياخد منه ثقافه وعلم بلا حدود واللى هيسئ استخدامه اكيد هيكون كل ابواب الانحراف ..... اما بقى بخصوص البنت دى ورأيها فى صحبتها فـ أنا معاها ومش معاها معاها فـ إن مينفعش الزوج او الخطيب او الحبيب يفرض رأيه على خطيبته او ... إلخ لان فى رجالة فعلاً كدة بتحب تفرض رأيها مش حفاظ على خطيبته لا انما للتحكم فيها واحساسه برجولته وبس اما بقى انا مش معاها لان ممكن البنت اللى مخطوبه دى متبقاش بـ شخصيه ضعيفه وتقول حاضر وخلاص لازم يكون فى نقاش بينهم وحوار واراء وهات وخد يعنى يكون فى تفاهم بينهم ولو هى مقتنعه باللى بتعمله وعارفه انها مش بتعمل حاجة غلط تحاول تقنعه اما بقى لو هو عرف يقنعها من غير فرض السيطرة يبقى تمام ..... من الاخر بقى يا نور اطلع انت منها وهى تعمر وخليك انت فى فرض السيطره يا مسيطر

تمام يا نور

كلام جميل و كلام معقول مقدرش اقول حاجه عنه

لكن تقول ان البنات دلدوله و ضعيفة شخصيه لو رضخت للولد

امال يعنى الولد لو سمع كلام البنت يبقى ضعيف شخصيه بقا

و مينفعش يبقى راجل و لا زم البنات تتساب على حل شعرها

و تعمل الى عايزاه

لازم فى حدود و تمشي على خطى زوجها

منوره يا نور

[.Lamar]

طيب نقول ان الرد له وجهتين نظر

الاولى ان البنت لازم تسمع كلام خطيبها او زوجها

طاعته من طاعة رب العالمين

و ما دام فيه حوار و نقاش و اقناع

ان السبب هو الخوف عليها و على علاقتهم سوا

يبقى عادى

و لكن الجزء التانى

مش مقبول ابدا ينقال لو معملتيش دة هسيبك

كأنه بيمن عليها و لا مغصوب عليها

اسلوبه هنا غلط

بالاسلوب الصح يقدر ياخد اللى هو عايزه

بالحب و انه يحسسها بحرصه عليها مش انه بيفرض رأيه وخلاص


موضوع جميل اخى

شكرا ليك

تحياتى

[big bốss]

اقتباس المشاركة الأصلية كتبت بواسطة لمار* طيب نقول ان الرد له وجهتين نظر الاولى ان البنت لازم تسمع كلام خطيبها او زوجها طاعته من طاعة رب العالمين و ما دام فيه حوار و نقاش و اقناع ان السبب هو الخوف عليها و على علاقتهم سوا يبقى عادى و لكن الجزء التانى مش مقبول ابدا ينقال لو معملتيش دة هسيبك كأنه بيمن عليها و لا مغصوب عليها اسلوبه هنا غلط بالاسلوب الصح يقدر ياخد اللى هو عايزه بالحب و انه يحسسها بحرصه عليها مش انه بيفرض رأيه وخلاص موضوع جميل اخى شكرا ليك تحياتى

ما هو المشكله فى البنت

لو بتيجى بالاقناع و الكلام مش هيقول كدا

لكن لازم تجادل فبيضطر يغصب عليها و يهددها

فالبنت هى الى بتحدد طريقة تعامل زوجها معاها او خطيبها

نورتى لمار

[™Amiliya]

هو لازم نفرق بين اني اسمع كلامو عن اقتناع ولا اسمعو لمجرد السمع والتنفيذ باوامر ولا اسمعو عشان اريح نفسي من المشاكل واشتري دماغي ولا اسمعو حب واحترام
سعتها هعرف اعمل ايه بالظبط واحدد وقتها الي يرضيه ويرضيني

[Aya 7ekaya]

اولا ي نور ومن غير زعل انت من الناس اللى مش بحب اسمع رايهم ف المواضيع دى بالخصوص لسبب واكتر من مرة مش مرة واحدهفى حاجة اسمها تفاهم وثقه بكلمه ان النت بوابه الانحراف دى تدل انك بتحكم على كل بنت بتستخدم النت انها مش كويسه وده شىء مرفوض
نظرة الشاب ال ممكن يكون بيكلم البنت ووفى نفسه شايفها مش كويسه ده ال عنده نقص
تانى حاجة من حق خطيبى او جوزى يخاف عليا من حقه انه يكون الشخص الوحيد ف حياتى لكن فى حاجة اسمها تفاهم فى حاجة اسمها ثقه لو حضرتك مش واثق ف خطيبتك وعارف اخلاقها يبقى مالوش لزوم وكل واحد ف حاله من الاول وبلاش تعب قلب
لما تلاقيها بتعمل حاجة غلط قولها لا لكن مش منع لمجرد المنع لمجرد فرض الشخصيه
فى فرق بين ان يكون ليا شخصيه وانى اسمع كلامه .. بمعنى انا بسمع كلامة احتراما ليه وده ابدا ما ينقصش من شخصيتى

[سندس]

بص يا نور هي البنت جزء من كلامها صح و جزء غلط
و هو كمان اللي عمله صح و غلط
اولا انا معاك وعايزة اقول ان سبب فشل كثير من العلاقات ان البنت عايزة تساوي نفسها بالولد
و تعمل راسها براسه
بس برضو لازم يكون في شوية ثقة بين الطرفين مينفعش يقولها مفيش لا فيس و لا واتس و لا مش عارفة ايه اذا كانت مبتعملهمش عليهم حاجة غلط و لا هي مقضياها انحراف يبقي يمنعها ليه انها تتواصل مع اصحابها و تستمتع بوقتها مادام بتراعي ربنا فيه
و عايزة اقول ان اللي عايزة تنحرف هتنحرف من غير فيس و لا اي حاجة
فلازم يكون في شوية ثقة يا اما الارتباط مش هينفع يكمل

تاني حاجة ماهو كمان ممكن ينحرف عن طريق الفيس و يعرف بنات كتير عليها و ده مش من حقه برضو و لا انت شايف ان ده من حقه ؟
يبقي هي كمان لو مش واثقة فيه و شايفة انه ممكن يستخدم الفيس غلط ممكن ترخم عليه مش هقول تمنعه لكن ممكن بشكها تنكد عليه