الورك اولا

[™Amiliya]

موضوع قرايته وحابة جدا انكم تقراوه وتستفيدو منه سواء ادم او حواء

الورك اولا

طويله بس ليها معانى كتير

نشوف الموضوع وقولولي وصلتو لايه؟

/




فى الصالون ...!

هو :- أنتى بتحبى أنهو أكتر فى الفرخة .... الصدر وللا الورك ؟؟
هى :- نعم ؟؟!! smile رمز تعبيري
هو :- باقول لك بتحبى أنهو أكتر فى الفرخة .... الصدر وللا الورك ؟؟ ... وجاوبينى بصراحة وأنا كمان حجاوبك بصراحة
هى :- الورك smile رمز تعبيري
هو :- بس انا كمان بحب الورك !
هى :- بصرة
هو :- طب باذن الله لو ربنا سهل ... وبعد الجواز انتى طبختى فرخة .... حتاخدى الورك وللا الصدر ؟؟
هى :- وانا آخد الصدر ليه !! ... حاخد الورك طبعا
هو :-بس أنا قلتلك أنى باحب الورك !!
هى :-خلاص مش مشكلة .... بدل ما نشترى فرخة على بعضها ... نشترى أوراك بس smile رمز تعبيري
هو :- هو ده حل المشكلة عندك بالبساطة دى ... نشترى أوراك بس ؟؟
هى :- أومال حضرتك عايز ايه طيب ؟؟
هو :- انا كنت معتقد أنك حتقوليلى بألف هنا وشفا الأوراك .... وأنتى حتاكلى الصدر !!
هى :- وانا ايه اللى يخلينى أعمل كده ؟؟!!
هو :- عشان أنتى مراتى وبتحبينى وعايزه ترضينى !
هى :- حضرتك انا ولا مراتك ولا بحبك .... ولا عايزه أرضيك !
هو :- انا مش قصدى دلوقتى ... .أنا قصدى بعد كده ...
هى :- طب وأنا عشان أرضيك .... أزعّل نفسى ؟؟
هو :- تزعّلى نفسك ؟؟ المفروض أنك تكونى فرحانة باللى عملتيه وسعيدة بيه وباحساسك أنك جيتى على نفسى عشان حبيبك !
هى :- طب وأنا آجى على نفسى ليه ؟؟
هو :- عشان أنا حبيبك !
هى :- بس حضرتك مش حبيبى !!
هو :- ياستى أنا أقصد بعد كده
هى :- طب وهو لو كنت بتحبنى صحيح كنت قدرت تبلع الورك وأنت عارف أنى باحبه وعينى فيه .... وحتتعايش بصورة طبيعية مع فكرة أنك تاكل حاجة أنا عينى فيها ؟؟ وتبقى سعيد بالحاجة اللى انا محرومة منها لمجرد ارضاءك ؟؟
هو :- يااااااااه .... ماكنتش متخيل أنك حترفضى تتنازلى عن حاجة بسيطة زى كده عشان جوزك وحبيبك !
هى :- هو أنا حكون ساعتها مراتك وحبيبتك ؟؟
هو :- طبعا !
هى :- يااااااااه .... ماكنتش متخيلة أنك حترفض تتنازل عن حاجة بسيطة زى كده عشان مراتك حبيبتك !
هو :- الست هى اللى بتتنازل ... الراجل ما بيتنازلش !
هى :- اشمعنى ؟؟!!
هو :- عشان احنا اتربينا على كده !! الست بتتنازل عشان تحافظ على بيتها ... لكن الراجل يتنازل ليه ؟
هى :- عشان يحافظ على بيته !
هو :- الست لو ماحافظتش على بيتها هى اللى خسرانة ... لكن الراجل ما بيخسرش !
هى :- طب ازاى هى خسرت وهو ماخسرش ... مش كانوا هم الاتنين البيت ؟؟
هو :- لا ..... البيت هو الراجل بس ....
هى :- طب طالما البيت هو الراجل بس .... حضرتك جاى تتقدملى ليه ؟؟ .... ومش بس كده .... ده أنت كمان عايز تاخد منى ورك الفرخة
هو :- يعنى انتى مش حتتنازلى عن ورك الفرخة ؟؟
هى :- يووووه ... طب استنى .... هو أنا لو ماتنازلتش انت حتسيبنى ؟؟
هو :- أيوه .... معلش أصل المسألة مسألة مبدأ ...
هى :- متأكد ؟؟
هو :- أنا آسف ... بس أنا وضحت وجهة نظرى ...
هى :- لا حول ولا قوة الا بالله .... طب أقول لهم ايه بس المرة دى ؟؟ .... أقول لهم أن الجوازة باظت عشان ورك فرخة ؟؟
هو :- القرار ليكى !
هى :- ياريتنى كنت أجريت هذا الحوار معاك بعد العشا كنت حبقى شبعانة ومش هاممنى أى حاجة ... .بس المشكلة أنى جعانة دلوقتى ومش قادرة أفكر غير فى أوراك الفراخ اللى ماما عاملاهم عالعشا .... حضرتك انسان ممتاز والله ... فعلا ....
....
......

بس أنا اللى حاكل ورك الفرخة

[يحيى الفضلي السودان]

اميليا عندنا فرخة بتمشي على اربعة

وهي بنفسها حلت ىالمشكل


دام التميز والابقاء في القمة لا تنازل



يحيى الفضلي

[قلب وكلمات]

الله يا ايمليا وشكراً ليكي لاختيارك موضوع زي دا

للأسف نجد مثل هذا التفكير العقيم الهدام

أي مبدء هذا ؟ ألا تباً لمثل هذه المبادئ الجامدة

كلاهما في ضياع ، ولا أقصد الأوراك هههههههه

إن بناء بيت وآسرة ومجتمع لابد أن يقام على المحبة الصادقة

والتفاهم وحسن العشرة ونضج التفكير والتفاني وانكار الذات

لتكون السعادة ، ولا اختلاف بين رجل وأنثي كلاهما انسان

وما فضل الله الرجل إلا لأنه راعي وحامي وكل راعي مسئول عن رعيته

دمتي ايمليا بهذا الوعي الراقي وشكرا مرة ثانية

خالص تحياتي

القيصـر

[أنين الليل]

كل دا عشان ورك فرخه
بصراحه موضوع قيم وجميل
التنازل عمره ماكان مبدأ بس الا خلاه كدا بعض العقول المتخلفه بتاعت زمان
وبعدين التنازل دى تبقى فى حاجات تستاهل متوصلش يعنى لورك
ومع الاسف اكتر التنازلات بتكون من الست خوفاً على عيالها مش عليه هوا
واصلن مفيش اى حد يستاهل اى تنازل دلوقت لانهم استغلالين ومنعدمين
هو اساسا عاد فيه رجاله ولا الوشوش الجميله الاتبصلها ترتاحى زى وشوش الناس بتوع زمان دلوقتى ابسط حاجه حتى لو انتى مش غلطانه يقولك هطلقك وبسهوله كدا عادى مهما كانت كميات التنازلات الا انتى عملتيها عشانو
زمان كانت الرجاله فعلا تستاهل لانهم رجاله
لكن حالياً من الابشوفه وبصراحه بشوف ان الرجاله بيتقدمو تنازلات عشان يتقلبو
بس فى الاول وفى الاخر هرجع واقول انتى بتعاملى ربنا معاه يعنى بتقدمى كل حاجه لربنا مهما هو كان لانو اكيد ربنا هيعوض اى تنازل وكل صبر خير

[Lamees]

الحياة مش كده مين يتنازل ومين لأ
الحياة مشاركة مبنية على حب وود وتراحم
فيها ايه لو كل طرف اتنازل في حدود عشان حبيبه
بلاش حبيبه عشان بيته او اولاده
والكلام ده لازم ينطبق غلى الطرفين

جميل طرحك ايمي
دمتِ راقية

[ساحر الأحزان]

ورك اية ورجل اية


مش يحمدو ربنا انهم لاقيين اكل

التمسك بشىء والتصلب علية ممكن يهدم اسرة كاملة

ويشتت افرادها


جميل الكلام ايمى


وبعد الاكل حيحلم باية

[اشاعة شمس]

مع احترامي للأثنين
بصوا هي تاكل ورك وهو ورك ويتصدقوا بالصدر

ال مين هياكل الورك يعني المفجوع والمفجوعة ميقدرش كل واحد منهم ياكل ورك فرخة

طب انا والله مبحبش الورك دا وبحب الصدر وباكل نصه بس

هههههه بعيد عن عالم الاكل
الفكرة نفسها في الموضوع طبيعية وحوار طبيعي بين اي اتنين لسة هيشاركوا بعض حياة

المهم الاختلافات البسيطة والتنوع في الشخصية بين الاتنين
ميخلهمش يقفوا ضد بعض
مش ورك الفرخة يعني اللي هيسبب مشكلة
في مشاكل اكبر بكتير وبتمثل عمق واهمية

كبريائها
طموحها
علاقتها
اخلاقها
ومواقفها ومين صحابها
وبتتصرف ازاي وبتوفر فلوس ولا طماعة وجشعة
في عندها اهتمام وحسن تصرف في البيت
ولا بتسيب البيت فوضوي كله متلغبط
نمامة بتوقع الناس في بعض
بتكرهك في اهلك وهتبعدك عنهم ولا بتبرك بيهم وبتقربك منهم
دي اهم بكتير من فكرة مين هياكل الورك ومين هياكل الصدر

[دمعه حائره]

ده سببه ان الراجل متعود ان البنت اللى تضحى مش هو
ويمكن المثال على قد ماهو بسيط بس كان هو عامله اختبار
فى كل بيت مصري هاتلاقى الست او الام اخر حد بيفكر هاياكل ايه
وبيحاول يرضي الجميع
البنت قبل الجواز افكارها بتكون مختلفه لكن بعده بتتغير جدا
ايوة فيه شويه منهم انانيين بس مش قاعدة عامله
ده غير ان الجواز مشاركه وتضحيه من الجانبين فى اى موقف والاكل ه كان مثال بسيط
او على اسلوب حياه بيستمر
تسلمى ايمى على الموضوع

[الفيلسـوف]

ههههههههههههه ورك ورجل اهلا اهلا مين اللى اعتمد الموضوع ده
اهلا اهلا ايميليا مشرفه القسم تختفى انتى وتنزلى بالتقيل
يووووه نسيت اعتمدى 5 مليون مره ده انتى المشرفه بيتك ومطرحك ياشابه
ندخل ونرد ع المشاغبه دائما ايميليا
بصى يا ايميليا انتى ركزتى ع نقط معينه حلوه ف الموضوع
احيانا بنسيب لب الموضوع ونمسك ف التفاهات
يعنى مثلا ممكن تتلقى خناقه بين اتنين وطبعا طبيعه حوا معروفه مع احترامى طبعا ليه
واكيد طبعا فيه عيوب للرجل طبعا بس احيانا عدم ادارك الموقف يقوم بتحويل الفكره الى عنوان اخر واسمه الصراع النفسى الغير السليم
كلام ف الجون والسليم ولكن عليك التانى قبل اى شى ادم عند الاحتكاك بحوا
ام ع حوا عليكى انت تتروى ف الحكم ع ادم
دمتى بود مشرفه المواضيع المشاغبه دائما

[الأميرة رودي]

عجبني جدا المغزى والهدف من الموضوع .
بتناقشى فكر اسود للاسف منتشر فى عقول كتييير من الرجال ( الشرقيين )
التضحيه والتنازل واﻻهتمام واجبين على المرأه فقط !!
لو قدر يفهم ان التوافق والتغاهم والتضحيه من الجانبين
عشان تستمر اﻻسره بحب وموده.

تسلمي ايميليا دوما مميزه.ويروقني فكرك.