الحلقه الخامسه من علي الهاتف مع سما

[phalsteen]

مساء الخير البراجرم لاقي منكم متابعه وحب اتمني استمرارهم وان شاء قريب نجدده بشكل يجذبكم اكتر واكتر جالي اتصال من عضوة جميله وانا استغليت الفرصه واتكلمت معاها عاوزاكوا بئه تناقشوها كدة وتطلعوا عينها وتتعرفوا عليها يالا نشوف الحوار لو سئلتك عن حياتك واسرارها تحبي تحكي ولا لاء ؟ حيآتى عاديه زى آى بنت وآعتبر كتاب مفتوح لكل اسرارى مع آمى وبس ,,,,,, لما تسرحي وترجعي لورا وتفتكري كل اللي فات ياتري هيكون ايه انطباعك ضحكه ولا حزن ؟ الاغلبيه حزن لان اللى فآت ع قد جماله ع قد وجعه آنه مكملش ,,,,,,,, احلامك ثابته ولا اتغيرت وتفتكري الحلم ممكن يتغير ولو دا بيحصل فليه ؟ الى حد ما ثابته مش آتغيرت .. لو آتغير هيكون بسبب الظروف لانها بتحكم علينا بشئ عكس آحلامنا ,,,,,,,,, 　 في ناس في عز جرحها بتسكت وناس بتصرخ ؟ انتي مين فيهم ؟ بصرخ بس بينى وبين نفسى وآسكت قدآم آى حد ,,,,,,, 　 حياتك اختيارك ولا اقنعتي نفسك بيها واتراضيتي بيها ؟ مشكلتى آنى لما آخترت الدنيآ كآنت ضدى فرضيت بقضآء الله وقدره ليا الحمد لله ع كل حال ,,,,, علاقتك بدنيتك ايه ؟ الدنيا معايا شويه فرح وكتير وجع بس بحاول آتعامل معاها وآضحك وآعافر وحزنى يفضل جوايا وبس ,,,,,,, بتتعاملي ازاي مع الجرح ؟ بالحزن والبعدوالسكوت بعيد عن اللى حواليا ,,,,, امته متعرفيش تسامحي ؟ آول المشكله وبعد كده بتعامل مش بعرف آشيل من حد وده اللى جيبنى وراء هههههههه ,,,,,, 　 　 غمضي عينك دقيقه وخدي نفس عميق وقوليلي سرحتي في ايه ولا ايه اللي مخوفك ؟ 　 سرحت ف حلم جميل دائما بدعى ربى بيه وآكيد خوفى من مجهول مش آعرف عنه حاجه هل فرح ولا لاقدر الله حزن ,,,,,, يعني ايه كلمه فضفضه بالنسبالك ؟ وياتري ليها وجود وبتصدقيها ؟ 　 الفضفضه مريحه بس انا مش بعرف آحكى ف عز وجعى ممكن آضحك وآحاول انى آسمع الطرف التانى وآنسى مشكلتى ,,,,,, احلي يوم في حياتك جه ولا بتستنيه ؟ 　 جيه ومجاش بستنى لسه ,,,,, للميوزك دور في الخروج من اي ازمه نفسيه او ضغوط مهما كانت نسبتها ياتري الميوزك ليها دور معاكي ؟ أها بطلع الشحنه اللى جوايا وبهرب بيها من اى حزن ,,,,, واكتبي كل احساسك من خلال مقطع ميوزك من اختيارك وخلينا نسمعه معاكي واطبعي ملامح تأثيرها علي وشك علي السطر ؟ هيكون مقطع لأم كلثوم شجن 　 　كآن لك معايا وفيه بردو آغنيه الامآكن الاتنين بيخدونى لعالم بتاعى آنا ,,,,, سمعتي عن حاجز الخوف كلنا بنمر بلحظات خوف بتهدد حياتنا ازاي بتتعاملي معاه ياتري بتكسريه ولا بتتستخبي وبتفضلي الهروب ؟ كنت بهرب حاليا بكسره وبخرج منه بمعنى آصح بقيت آقوى ,,,,,, 　 مين أمــــــــانك ؟ 　 آمــــــــــــــــــــــــــــــــــــــــــى ربنآ يخليها ليا ,,,,, لاقيتي السعادة بنسبه كام % في حياتك ؟ هقول النص 50% ,,,,, وايه مفهوم السعادة بالنسببة ليكي ؟ رراحه البآل بالدنيا ,,,, قوليلي احساسك في اخر الحلقه وجهت نفسى بردى عليكى <<< في حاجة اتغيرت جواكي بعد ما اتكلمتي معايا ؟ يعنى قلبتى قديم ع جديد ..... غمضي عينك واكتبي رساله للي علي بالك مهما كان ؟ نفسى آكون سبب فرحتك وراحتك ف الدنيا ويآرب ميحرمنى منك آبدا يارب .... 　 جواكي حاجة اترددتي او خوفتي تقوليها سر خبتيه جواكي عشان مفيش مبرر لقوله 　 لا ,,,,,, ممكن تفتحلنا قلبك وتقولي اللي جواكي ؟ جوايا فرحه نفسى اطلعها بس زى ما قولت القدر بيكون آقوى ...... في النهاية محدش غيري عارف انتي مين لو حابه الحلقه تنزل بدون اسمك مش في مشاكل حابه نكمل تفاعل الاعضاء ونسبهم يسئلوا لحد ما يعرفوا مين انتي ليكي الخيار في أمان الله ونتمني نشوفك تاني وانتي في منتهي السعاده لا خليهم يحتارو شويه وبجد كنت فرحآنه جدآآآآآآآآآآآآآآآآآ وآنا معاكى منحرمش منك ويارب يسعدك يآم حمنى آآمين الضيفه دي حبيبه قلبي وقريبه اوي مني ومن كل الاعضاء وافتكر من غير حتي ما تتدخل هتعرفوها ياتري مين كان مع سما ع الموب ؟

[شاعر الحب الحزين]

مش عارف محتار بين رووكه ولمار وخايف تكون

بس عندي احساس انها رووكه والله اعلم

البرنامج ده فيه حاجات تتوهنا عن اصحابنا واخواتنا

لو اتكلموا بطبيعتهم هنعرفهم فورا بس بيغيروا طريقة كلامهم

تسلمي سارة استضافة جميلة لشخصية جميلة أيا كانت

واضح انها لسه بتحلم وبتحب الحياة ربنا يوفقها ويوفقك سارة

ربي يعطيكوا العافية

[رآقيہ بأخلاقـى]

انا بقول انها لمورتى
وعندى احساس قوى بـ كدة
ويارب تطلع هى

حقلة جميلة والمجهوله اجابتها اجمل
تسلمى سما على البرنامج الجميل زيك
منورين انتوا الاتنين

[khadija1988]

شكرا سلمت يداك

[رآقيہ بأخلاقـى]

لو دى مش لمار
يبقى سما
والله اعلم بقى

[همس الحنين]

معرفشليه حاسه انها انتى

بس ممكن روكه

تسلمى سما

[phalsteen]

مش قولتلكوا سهله
الاجابة فعلا رروكه
مبروك ابو ساجد

[شاعر الحب الحزين]

الله يبارك ف عمرك سارة

حلقة مختلفة جدا ومكنش فيها شخصية متصل

بس روكة واضحة للجميع زي شخصيتها

ربنا يوفقكم جميعا وتسلمي سارة ع المجهود الجميل