انا. وانتي

[a7med -3del]

بلدى . ياحلوة . ياغالية
عادى انكسر . وتفضلي عالية
هيا كده. . ومالهاش حلول
فيكى قاتل. .. او مقتول
مهما اتعذبت. ومهما اقول
انتي عايشة فى دنيا تانية
وانا اللي بموت فى كل ثانية

ياغالية

ليه حياتك يعني. موتي
وليه اموت علشان اوهبلك حياه
وليه كممتي فيا صوتي
وازاي توصلي وانتي عكس الاتجاه
وقبل ماضحي قوليلى
احنا رايحين علي فين
وليه تعيشى انتي لوحدك
وليه مانعيشى احنا الاتنين

ليه لازم حد فينا يموت
او يعيش محروم حزين
ولو كل الناس هتضحي عشانك
انتي هيفضل ليكى مين
طب ليه مانعيشى احنا الاتنين
انا. وانتي
وترجعيلي حبيبتى
امان يحضن ملايين
ونعيش احنا الاتنين

Ahmed adel
30-4-2015

[الأميرة رودي]

يارب ترجع احسن من اﻻول.
كان حلمنا نغيرها غيرت هيا ملامحنا
جميل تعبيرك كالعاده أحمد
كلمات ومضمون رائع لمس قلوبنا بصدقه.
دوما متألق فى محاكاة واقعنا اﻻليم.
سلمت اخى الجميل.
تحيتي

[شاعر الحب الحزين]

ان شاء الله هترجع من تاني بلد الأمن والأمان

ربنا يجمعنا جميعا على الخير وحب الخير والأمن والأمان

ويحمي مصر وكل بلاد المسلمين يارب يارب


تسلم يا ابو عادل جميلة الروح الوطنية

وعتابك الجميل لمصر بطريقة حضارية جميلة

تسلم ويسلم نبض قلبك الجميل

ربنا يوفقك ويسعدك

[Lamees]

فعلاً ليه لازم حد فينا يموت
منعيش احنا الاتنين
نوحد جهودنا ونوحد طريقنا
عشان نوصل
عشان نعيش
لازم محاولاتنا متنتهيش

استاذ احمد

جميلة بحق ولها واقع ملموس نعيشه بالفعل
كل التحية والتقدير لقلمك النابض
دمت بخير

[يحيى الفضلي السودان]

امطرت صفحاتكم من برد الصقيع غاليكم احبر مضمون الرسالة


راودتني الفكرة اللهم اجمع الراي على الخير

[مصريه ونبضي فلسطيني]

كلمات تفيض روعة وجمال
تسلم اخوى ويسلم قلمك الراااائع
كل التقدير والاحترام

[a7med -3del]

نورتو موضوعي
وهيا كده مالهاش حلول
فيكي قاتل او مقتول

[أنين الليل]

مين دى الايتصلح حالها دا حلم ابعد من حدود السما
لا نتغير احنا ونشيل الغل من نفوسنا احتمال الحلم يقرب
كلمات جميله منك اخى
الله يسعد عمرك

[alaa rama 95]

يا رب يرجعها بالسلامة

[قلب وكلمات]

أبو اسيل لا يأتي إلا بكل جميل

كلمات قوية في المعني والمضمون

سلسة كما عودتنا على الاسلوب

شديد اللهجة احيانا وتارة حنون

اللهم أصلح حالنا وحال أمة محمد أجمعين

خالص تحياتي والتقدير وبوسة كبير للأميرة أسيل

من عمو أشرف ، وتحية للوالد أحمد الأصيل

القيصـر