ذات مومنت لما يجيلك عريس منتيش طايقاه

[phalsteen]

ذات مومنت لما يجيلك عريس منتيش طايقاه
لازم يكون عندك فنون التعامل ودي بسيطه

الطريقه الاولي : المسكنه ^_^

انتي / انا احترمتك اوي لما عرفت انك موافق بيا رغم حالتي
هو / حالتك ؟
انتي / انا بس عاوزة اطمنك ان الدكتور قالي اني هبقي طبيعيه
في ظرف 15 ولا 16 سنه والعدوة هتروح ان شاء الله
هو / عدوة ايه بالظبط ؟
انتي / هو كان في البدايه صرع بس قريب اكتشفوا نوع جديد من الجرب
بيجي من التعامل المباشر حتي من مجرد النظر للأسف
عشان كدة انصحك متركزش في لون عيوني
لان دا مش جمال ولا حاجة دا بعيد عنك من الصرع

الطريقه التانية /
الصدمه المباشرة



انتي / هما قالولك ولا خبوا عليك
هو / هو في حاجة تانية
انتي / يبقوا خبوا عليك بس هيا حاجة عادية متقلقش بسيطه
هو / خير
انتي / انا مش هقدر ابطل حشيش في الوقت الحالي كفايه الهيروين
والشيشه دي مش بريئه لعلمك تشيش يا كابتين
اصلي شيفاك مخضوض كدة

الطريقه الثالثه /

الضربة القاضية :

انتي : انا ماليش طلبات ولا حاجة كفايه عليك طلبات ابنك
هو : ابني مين حضرتك
انتي : برضو بابا مقالكش
دا حنفي ابني انا مش متذكرة بالظبط هو ابن مين
بس انت باين عليك امك دعيالك وهتخلي بالك منه
سلم علي بابا يا حنفي

ههههههههههههههههه
وابقي قبليني لو شوفتي عريس تاني

[الفيلسـوف]

ههههههههههههههههههههههههه لا ناصحه حرام عليكى دمرتى العريس
ابقى قابلنى اصلا لو حد سلم ع البنت دى ف الشارع
نيس توبيك ياام حمنى عودا حميد للضحك من جديد

[واد حبيب]

علي كده انتي هتوقفي حال كل البنات وهيعنسو
يا بنتي حرام عليكي كل البنت معنسه اصلا
كفايه كده مفيش عرسان هههههههه

[رآقيہ بأخلاقـى]

ربنا يقدرك على فعل الخير
بجد طرق هايله ومضمونه ميه بالميه
ربنا يخليكى للغلابه اللى زينا سمسمه

[phalsteen]

اقتباس المشاركة الأصلية كتبت بواسطة ƧĀƉ_ĿŌ∀Ē ههههههههههههههههههههههههه لا ناصحه حرام عليكى دمرتى العريس ابقى قابلنى اصلا لو حد سلم ع البنت دى ف الشارع نيس توبيك ياام حمنى عودا حميد للضحك من جديد

ههههههههههه
احسن
معا للعنوسه

[phalsteen]

اقتباس المشاركة الأصلية كتبت بواسطة واد حبيب علي كده انتي هتوقفي حال كل البنات وهيعنسو يا بنتي حرام عليكي كل البنت معنسه اصلا كفايه كده مفيش عرسان هههههههه

ههههههههههه
احسن
ع الاقل نترحم منكو
واللي هتشوفه

[phalsteen]

اقتباس المشاركة الأصلية كتبت بواسطة رآقيہ بأخلَآقـى ربنا يقدرك على فعل الخير بجد طرق هايله ومضمونه ميه بالميه ربنا يخليكى للغلابه اللى زينا سمسمه

تابعي الدروس بئه
هتعجبك ههههههههههههه

[واد حبيب]

اقتباس المشاركة الأصلية كتبت بواسطة nefertiti ههههههههههه احسن ع الاقل نترحم منكو واللي هتشوفه

مننا احنا برده
ده احنا لينا الجنه

[رآقيہ بأخلاقـى]

اقتباس المشاركة الأصلية كتبت بواسطة nefertiti تابعي الدروس بئه هتعجبك ههههههههههههه

اكيد هتابعها يا مُعلمتى

[اميره الشعر الشجين]

هههههههههههه
لاء طريقه مضمونه
بس دى للعنوسه الابديه