عجايــــــب

[شاعر الحب الحزين]

ساعات حاجات بمجرد ما افكر فيها قدامي بلاقيها

وحاجات قد ما بفكر فيها ولا بلاقيلها أثر

دنيا بالعكس ماشية معانا نحب نهارها وتعشقنا لياليها

حتى النوم مجافينا ومصاحب عنينا السهر

بنتعب ونغلب وغيرنا يكسب بنرسم أمنيات والواقع بيمحيها

متفرقين متغربين ولا جمعنا سوا غير الصور

بياخدنا الحنين لأجمل سنين وفي قلوبنا ذكرى الوجع بيحميها

ناس تجيبنا وناس تسيبنا وناس ورونا العبر

في دنيا العجايب ياما قابلنا حبايب وفرقتنا الظروف بكل ما فيها

اللي عاب واللي شاب واللي غاب عن دنيا البشر

ياما ناس علينا بتعلم ولا بنتعلم قد ما نتألم وبنفضل مسلمين ليها

وياما ناس خايفين علينا حرمناهم الأمان عيشناهم ف خطر

نغلط ونتجنى ونتمنى الجنة وع حقنا ما نستنى مصالحنا بنجري عليها

حق الناس بجزم ينداس مفيش إحساس والظلم بقى زي المطر

الغلابة اعتبرناهم ديابة والدنيا خليناها غابة والست فقيرة حاميها حراميها

الوفي بيختفي شموع الحب بتنطفي برأينا بنكتفي منصدقش خبر

طبيعي نغلط مفيش حد معصوم بس لازم نخاف من المظلوم دعوة علينا يدعيها

اغلط ف حق نفسك متحملش غيرك يأسك اصبر ويا بخت من صبر

هتشوف عجايب هتشوف مصايب كله مكتوب ومتقدر السعادة منقدرش نشتريها

مهما تشوف مجرد ظروف اعمل معروف دي حكمة ربنا ارضى بحكم القدر



شـــــــــــــــــــــــــــــــــــ . حــــــــــــــــــــــــــــــــــــــــ

[عماد الدين زنكي]

يا سلام علي التوصيف لحالة الست الفقيرة
اللي حاميها حراميها
وكأنها مقالة شعرية
بت اؤمن كل يوم انه لا يوجد موضوع يستعصي عليك
دمت ودام ابداعك

[أميرة محمود]

حقيقي الدنيا مليانة عجايب
وموضوع النوم دا بجد مشكلة
لو عايز تنام تلاقي نفسك سهران
ولو نفسك تسهر ف يوم
تلاقي نفسك نمت ف ثوانى
ههههههه
شاعر الحب كعادتك متألق
بكلمات تلامس الواقع
سلمت الايادي

[شاعر الحب الحزين]

اقتباس المشاركة الأصلية كتبت بواسطة عماد الدين زنكي يا سلام علي التوصيف لحالة الست الفقيرة اللي حاميها حراميها وكأنها مقالة شعرية بت اؤمن كل يوم انه لا يوجد موضوع يستعصي عليك دمت ودام ابداعك

هي فعلا حاميها حراميها يا عمدة

ربنا يحمينا ويحميها ويحميك يا غالي

تسلم يا عمدة شرفني كلامك

واسعدني مرورك وشهادتك امتناني

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة أميرة محمود حقيقي الدنيا مليانة عجايب وموضوع النوم دا بجد مشكلة لو عايز تنام تلاقي نفسك سهران ولو نفسك تسهر ف يوم تلاقي نفسك نمت ف ثوانى ههههههه شاعر الحب كعادتك متألق بكلمات تلامس الواقع سلمت الايادي

هههههاي اه فعلا موضوع النوم والسهر حقيقي

هو اللي بيفكر هيجيله نوم ازاي بس يا أميرة

سمو الأميرة تسلمي لمرورك وتفاعلك

نورتيني واسعدني حضورك الجميل

ربنا يوفقك ويسعدك

[عذب المعانى]

أج ــمل وأرق باقات ورودى
لردك الجميل ومرورك العطر
تــ ح ــياتيـ لكــ
كل الود والتقدير
دمت برضى من الرح ــمن
لك خالص احترامي

[حـيـــــآة ❤]

حقيقي عجايب وكل شئ ماشي عكس :$

وكتاباتك من العجايب الي بتبهرني

سلمت يداك شاعرنا..

[شاعر الحب الحزين]

اقتباس المشاركة الأصلية كتبت بواسطة عذب المعانى أج ــمل وأرق باقات ورودى لردك الجميل ومرورك العطر تــ ح ــياتيـ لكــ كل الود والتقدير دمت برضى من الرح ــمن لك خالص احترامي

سلمت أخي الغالي عذب المعاني

أسعدتني يا رقيق بنقاء الحضور

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة ♥حيآة آلروح♥ حقيقي عجايب وكل شئ ماشي عكس :$ وكتاباتك من العجايب الي بتبهرني سلمت يداك شاعرنا..

نمشي عكس عشان تمشي الدنيا صح معانا

تسلمي هاجر عزيزة وغالية خطوة عزيزة يا هاجر

تسلمي اسعدتيني بمرورك وتواجدك

ربي يوفقك ويسعدك

[العاشق الذى لم يتب]

ماتمنش خالص ياخالد
علشان العجايب مش هتخلص
تسلم ويسلم قلمك