قصة قصيرة .. لو الانجليزي بتاعك ضعيف

[اشاعة شمس]

صوت عربيات في الخليفة -
كان يقود سيارة العمل
- اتصل علي حبيبته - بعد ان شحن كرت فدافون بعشرة جنية مصري
تسمع رنين الهاتف من الوهلة الاولى تحدث نفسها - أكيد ده حبيبي - تجري مسرعة وتمسك الهاتف ترتعش يدها فرحان لانها علي وشك سماع صوته
هو - الو ... السلام عليكم
هي - وعليكم السلام - ازيك يا حبيبي
- الحمد لله وانتي عاملة اية ؟؟
- انا بخير والله كنت لسة بفكر فيك
-بجد
- اه والله شور
- بتقولي اية يا حياتي مش سامعك
- بقولك شور يعني طبعا
- اللهم يطولك يا روح
- خير بس يا حبيبي مالك
- مش قولتلك قبل كده اني كنت أدبي
- اه قولتلي وفيها اية
- اتكلمي عربي ماشي
- اوك يا حبيبي
- اوك دي عربي
- يوووه سوري اقصد حاضر يا حبيبي
- انتي يا بنتي سوري دي عربي
- اسفة يا حبيبي بس ريلي انت بتهزر
- هي ريلي دي عربي يا بت اتكلمي عربي
- يووووه اوف بقى اقصد بجد انت بتهزر انت متعقد من الانجلش خالص
- انتي يا بت انجلش دي عربي ههههههه ( ويضحك )
- انت بجد بتتكلم جد يعني ولا بتهزر انجلش عربي ازاي هي بالعربي انجلش وبالانجليزي انجلش برده اترجمها ازاي دي بس يا حياتي
- اسمعي انا متعقد من الانجليزي
- حاضر يا حياتي
- لو مش عاجبك نفركش الخطوبة
- لا يا حياتي وعلي اية انا بحبك والله يا حوده
- وانا كمان بموت فيكي
- بجد بتحبني
- شور
- اية انت بتقول اية
- شور يا حبيبتي ولو لغتك الانجليزية ضعيفة يعني طبعا
- اكيد الكلام ده انا مش مصداقة وداني
- ريلي اكيد يا حياتي
- ريلي كمان قول قول
- سوري يا قلبي هروح اخد ( درنك واتر Drink water ) وبعدين هكمل كلامي معاكي
- درنك واتر !!! الووو مين معايا انت مين انت اكيد مش محمود ؟؟
- يا بنتي والله انا
- طيب ما انت بتعرف انجليزي طيب لية عمال تزعقلي
- انا كده مزاجي كده
- طيب اي لاف يو
- بتتكلمي انجليزي لية ترجمي
- يعني بحبك يا سي السيد
- وانا بموت فيكي والله الو يا حبيبتي الصوت عندك مش واضح
- انا سمعاك
- انا مش سمعك يا بنتي قربي بوزك من التلفون شوية
- اقرب اية ؟؟
- بقولك قربي بوزك من التلفون ههههههه ( ضحكة شريرة )
-الو يا حياتي انتي روحتي فين ( تيت تيت تيت الخط قطع وانتهت المكالمة )

بعد مرور عدت ايام وصلته رسالة صوتيه

الو انت يا بتاع قربي بوزك الشبكة هتوصلك بكرة انا اساسا حيوانة اني عرفت واحد شكلك وكمان الانجليزي بتاعك ضعيف ومستحملاك وفي الاخر تقولي بوزك
يا رمة يا معفن يا بتاع درنك واتر دا انت كنت بتاخد شور في الترعة يا كده انا ارتحت في ستين داهية ومفيش سلام كمان

ههههههههههههههههههه

النهاية

[Lamees]

القصة غريبة جداً ده حب ايه ده
ومخطوبين كمان وعشان بوزك
كل الشتيمة دي
بنات عجيبة

بس مضحكة وخفيفة
منور القسم محمود
ويا ريت ما تكون اخر قصة

تحيتي وتقييمي
روني ..~

[يحيى الفضلي السودان]

هلو سامعني

اترجمهاك بلغة المحس عندنا

ولا رطانة دناقلة


تتطلع من المولد من دون حمص

[أنين الليل]

ههههههه
كل دا عشان قربى بوزك

حوار خفيف وجميل
تدوم طلتك الحلوه أشاعه

[ساحر الأحزان]

قصة ظريفة فعلا يا محمود

ويبقى دى اخرتها

يادى الاتجليز

مشيم وسابم وراهم

لغتهم الى ضيعت العرسان

[اشاعة شمس]

اقتباس المشاركة الأصلية كتبت بواسطة ro♥ony القصة غريبة جداً ده حب ايه ده ومخطوبين كمان وعشان بوزك كل الشتيمة دي بنات عجيبة بس مضحكة وخفيفة منور القسم محمود ويا ريت ما تكون اخر قصة تحيتي وتقييمي روني ..~

تم التعديل ولو لسة فيه ممكن تعرفيني وانا اعدل

[اشاعة شمس]

شكرا ليكم يا جماعة واتمنى تكون عجبتكم

[عماد الدين زنكي]

و الله قصة ولا اروع
حوار احترافي بجد
خفة دم منقطعة النظير
تسلم علي القصة الحلوة بجد