النقاب رمز العفة يا اختي كونك لا ترتديه لا يجعلك تنكريه

[اشاعة شمس]

النقاب رمز للعفة وللمرأة الصالحة
كون ان فيه ناس بتستخدم النقاب لتنفيذ جريمة
فدا يديك ايحاء بشيء
انهم بيستخدموا عفة النقاب وستر النقاب ومحاسن النقاب
لانهم عارفين انه واقي ليهم وهيحميهم من عيون الناس
بيستخدموا روعته في تنفيذ جريمتهم
قبل ما تعاقب النقاب وكل العفيفات اللي بيلبسوه عاقب اللي بيتحايل علي ربنا
وما تخفش ان نجح انه يعمل جريمته ويتخفى في النقاب يوم القيامة هيتخفى في اية ؟؟

انما انك تحارب النقاب للاسف عامل زي الغبي اللي بيقولك نمنع السكاكين الحديد لان الناس بتستخدمها في القتل


سبحان الله لية دين ربنا ديما بيحبوا يحربوه

النقاب يا جماعة عند اغلب اهل العلم من اهل السنة والجماعة فرض علي المرأة اخفاء جسادها
وحتى اهل العلم اللي اختلفوا علي النقاب طلبوا من المرأة تلبس الحجاب ولا تظهر غير الوجه والكفين

يا ريتهم في الاعلام بيقولوا بلاش نقاب والبسوا الحجاب

انما لمحاربتهم لدين ربنا عملوا مليونية لخلع الحجاب مش النقاب ركزوا
وبفضل الله كانت النتيجة لم يحضر احد
لان مفيش مرأة عاقلة هتخلع نقبها او حجابها لتفاهتهم دي ولمبررتهم الساذجة
ده لو لبسته عن عقيدة واعتقاد ان اجرها علي الله وهي ارتدته لله


اما المرأة السطحية المرأة الهوائية اللي ممكن تبيع دينها بعرض من الحياة الدنيا
هي اللي ممكن تتخلى عن نقابها


فوقوا يا بنات مش مهم تلبسي النقاب جايز حضرتك مش مهيئة للبسه
بس اوعي تحاربي النقاب او الحجاب كفاية اوي انك تقولي انا مش قادرة البسه
اوعي تحربي حاجة الاسلام بتاعنا أمرنا بيها او طلبها مننا

اغلب تفاسير اهل العلم من العلماء الاجلاء ان تفسير تلك الاية كان للنقاب
قال تعالى : يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا (59)

لذلك اختي الكريمة النقاب رمز للعفة كونك لا تستطيعي ان ترتديه لا يجعلك ان تنكريه
بل دافعي عنه حتى ولو لم تكوني ممن يرتدوا النقاب
حتى لو توفاكي الله وسئلتي عنه تقولي يا رب كنت لا انكره كنت ادافعه عنه
لعل وقتها تجدي عند الله عزرا
كما ان هناك اقوال من اهل العلم الثقات اختلفت في حكم النقاب
ولكن جميعهم اتفقوا ان المرأة المسلم حجابها فرض ولا يصح ان تظهر شعرها او تبدي زينتها للناس

اختي الكريمة تزودي وان خير الزاد التقوى
وتقوى الله تنير قلبك تسعدك تجعل دربك جميل
تعطيكي ما تتمني من وظيفة او زوج يتقي الله فيكي
او اسرة سعيدة او معيشة حسنة

اللهم بلغت اللهم فأشهد

لا تنسوني من صالح دعائكم