محطات هادفه (الحلقه الاولى )

[الفيلسـوف]

السلام عليكم

جمعه مباركه ع الجميع

النهارده موضوعى مختلف ويمكن حقدم ليه حلقات

متواصله يربط بعضها

البعض

وعنوان الحلقه النهارده


قضاء وقدر وارزاق مقسمه

كتير بنسمع الجمله دى من الناس بس قبل ما نقول الجمله دى

احب اسالك

سوال


هل جاهدت نفسك

تعال نشوف حوار كده لشخصين وهما انا ونفسى ونشوف

النتيجه

شوفت وظيفه معينه ف مجله وبعد كده الحديث تفاعل

انا : الوظيفه دى مناسبه انا حلبس واستعين بالله واروح

اقدم

النفس : لا بلاش انته اصلا حتترفض

انا : طيب ليه بتحكمى عليه بالفشل من قبل مااروح

النفس : انا عارف حظك نحس وكل الابواب متقفله ف وشك

يابنى الحكايه

محتومه

انا : طيب ادينى ادله وبراهين

النفس : فاكر لما اتخرجت وروحت وشوفت وف الاخر

مندوب مبيعات

لمندوب لمندوب وبرده مندوب يابنى فوق ما فيش غير وظيفه

مندوب

بيع تكسب سوق تربح وخد جوائز ف حوافز مافيش بيع ف

طرد

فيه


دمار خراب حزن ضيق اهمد بقى انا بحبك وعايز

مصلحتك


ومنا هنا بتدخل ف متاهات الحزن والدموع والاحباط

والفشل


انا عايزك تسال نفسك اسئله معينه ومن هنا حتعرف قدرات

نفسك

تتوقع مثلا لو انته عندك مهارات وشهدات وكويس

ومكافح الشركه حتيجى

لحد عندك يعنى مثلا تصحى الصبح تلقى مدير الشركه

بيقولك كنت فين

بندور عليك احنا عايزنك عندنا ف الشركه

اه ممكن ممكن ياراجل اقولك روح نام احسن

لا خلاص حسمع طيب حسال سوال تانى واشوفك


هل بتوقفك عن السعى لامر معين ده حيوصل لحاجه

هل الفشل ف امر معين اقيس عليه كل فشل امورى


هل لو فكرت وابتسمت واعدت التفكير ورتبت اوراقك ده

حينقص من شانك


ف معلومه انا مومن بيه ونصيحه هى عنوانى ف الحياه

الفرص يصنعها انت والحلم بايدك والتكوين الادارى

تكتسبه من خلال

سعيك واوع تفكر انى البنى ادم اللى بيسعى ربنا بيضيع

مجهوده

اوع تنتظر انى المصباح يجى لحد عندك عارف ايه

المصباح الحقيقى

هو قدرتك حلمك طموحك هدفك واكيد ربنا عمره ما

بيضيع مجهود مومن

الموضوع كان سريع النهارده اتمنى يكون عجبكم

ودى لكم جميعا وجمعه مباركه

[أنين الليل]

هو فعلا الا نسان هو الابيضيع نفسه لما يستسلم ليها

لأنها ديماً بتقنعو بالفشل

كنت بتعمل حاجه وفشلت فيها تيجي تعيد تقول لنفسك وليه اعيد منا كدا كدا هفشل فيها تانى وغيرو من الامثله الا بنشوفها كتير وهو فعلاً زى ما حضرتك قولت الا نسان الا بيصنع الفرص مش يفضل قاعد يندب ويتحسر ويقول حظى ومش حظى ومستنى الحاجه تيجي لحد عندو !

موضوع راقى أ/ محمود

[.Lamar]

المصباح الحقيقى

هو قدرتك حلمك طموحك هدفك واكيد ربنا عمره ما

بيضيع مجهود مومن


معك حق لكل مجتهد نصيب

اوقات الدنيا بتعاندنا بس الارادة هنا هى اللى بتحدد

الانسان دة هيقدر يتابع و يكمل و لا خلص

كمان الانسان لازم يكون عنده قدر من الثقة بنفسه و بالمكتوب

الغيب لا يعلمه الا رب العالمين

ربما منع عنه اشيا قبل لانها ما فيها خير ليه بدنياه و اخرته


موضوع و طرح هادف

سلمت يمينك اخى

تحياتى

[طبيب الهوى]

مِنْ السهل أن تسقط أن تنكسر أن تفشل

لكن الصعب أن تُجاهِدَ نفسك للوقوف مرة ثانية على قدميك

وتقوم بتحويل السقوط إلى أرتفاع

وتضميد الكَسر لتعود أقوىَ مِن ذي قبل

وتحويل الفشل إلى نجاح يتلوه نجاح

فقط إن أردت هذا من داخلك ووثقت بالله وتوكلت عليه

فكرة قيمة جدا يا بروف

تحياتي لفكرك القيم وقلمك الذي يتبع نظرية السهل المُمتَنِع

أبو عصام