علــى الهامــــش

[شاعر الحب الحزين]

حبي إحساسي وفائي إخلاصي

ملهمش لزمة صفر على الشمال

بشهد الأمل بحلي ف مر كاسي

واللي متحمله عذاب فوق الإحتمال

اداري دمعتي واطبطب عليهم وأواسي

اضحك وجوايا ألف علامة استفهام وسؤال

يمكن تحن عليا الأيام وتكتب الفرح ف كراسي

يمكن طيبتي تشيل عني حمل اتقل من الجبال

يمكن عطفي ع الحبايب يحنن عليا كل قلب قاسي

يمكن الصبر يكون هو الممر لأمنية بعيدة المنال

يا ترى هحس بالفرح ويتغيروا حبايبي وأهلي وناسي

ولا المكتوب عليا حزن وألم وورقة وقلم وشعر وموال

يا ترى اللي بحبه بيحبني ولا اللي بفتكره فايتني وناسي

واللي واقف ف صفه معايا ولا واقف في صف العزال

حبي إخلاصي ووفائي خط على الهامش

ولسه بتحدى الحيــاة ولســه أنـا عايــش

أمانات حبايبي جراح منهم جوايــا حايــش

أمانات مينفعش أردها ومكنش ينفع أصدها أصلها جزء من إحساسي

هشيلها معايا ف رحلتي هي ودمعتي زادي ف الترحال

حبي ووفائي وإخلاصي هانوا ولسه بحلي بشهد الأمل مر أيامي وكاسي

بضحك لكل الناس وف قلبي ألــف علامــة استفهـام وســؤال



شــــــــــــــــــــــــــــــــــــ . حـــــــــــــــــــــــــــــــــــ

[أنين الليل]

عادى جداً
طبيعى دا يبقى جزاء الطيبه
وسهل جداً
تلاقى الطيبه حاجه غريبه
متستغربش من ناس حبتهم
غدروك وباعوك رغم أنك شرتهم
فا استعوض ربك بالايام الاقضتها
مع ناس غداره مفيش فى قلبها طيبه

كلمات جميله من ياشاعرنا الكبير
الله يفرح قلبك

[شاعر الحب الحزين]

اقتباس المشاركة الأصلية كتبت بواسطة أنين الليل عادى جداً طبيعى دا يبقى جزاء الطيبه وسهل جداً تلاقى الطيبه حاجه غريبه متستغربش من ناس حبتهم غدروك وباعوك رغم أنك شرتهم فا استعوض ربك بالايام الاقضتها مع ناس غداره مفيش فى قلبها طيبه كلمات جميله من ياشاعرنا الكبير الله يفرح قلبك

والنعم بالله سبحانه وتعالى

والله طول عمري مسلمها لربنا وحامده وشاكره

على كل شيء والبشر ربنا يهدينا ويهديهم


تسلمي آية الأجمل اني اشوفك هنا

واحظى بمرورك وكلامك الجميل

بتسعديني بوجودك دايما آية وبترسمي الأمل بكلامك

ربي يوفقك ويسعدك