مفتقــــدك جــــــدا

[شاعر الحب الحزين]

معايــا وبيــن إيديـــا وأقرب من نفسي ليا

شايفك ف عنيا لكن مش حاسس وجودك

فين الحب والحنية فين عطفك ولهفتك عليا

بيختفوا شوية شوية بيبان الشوك في ورودك


طبيعي تملي مني لأنك ملكيش غنى عني

كده بتحسسيني إني مليش مكان ف حدودك

أنا اللي بحبك من صغر سني عشانك بسهر واغني

عمري ما ساء فيكي ظني ولا شكيت يوم ف وعودك


الظاهر طبع فينا نتحير نستحلي بعض يومين وبعدها نتغير

ف قلوبنا حب الدنيا بيكبر وصعب وفائنا يفك قيودي وقيودك

على البعد قلوبنا ما تقدر وف القرب قلوبنا بعيدة صعب تتأثر

بقى الشاطر اللي يقسى اكتر وإنتي شطارتك فاقت حدودك


مفتقدك جدا من زمان ومش حاسس جنبك طعم الأمان

ببكي على الحب اللي كان ومش شايف دمعي على خدودك

مشتاق لحظة صدق وحنان وبسمة رقيقة تسعد القلب الولهان

أيوة شايفك حواليا في كل مكان بس بجد مبقتش حاسس بوجودك



شـــــــــــــــــــــــــــــــــــــ . حـــــــــــــــــــــــــــــــــــــــــ

[قلب وكلمات]

اقتباس المشاركة الأصلية كتبت بواسطة شاعر الحب الحزين مفتقدك جدا من زمان ومش حاسس جنبك طعم الأمان ببكي على الحب اللي كان ومش شايف دمعي على خدودك مشتاق لحظة صدق وحنان وبسمة رقيقة تسعد القلب الولهان أيوة شايفك حواليا في كل مكان بس بجد مبقتش حاسس بوجودك شـــــــــــــــــــــــــــــــــــــ . حـــــــــــــــــــــــــــــــــــــــــ

حبيبي


يا أغلي الناس عليه


سألتني عليك عينيه


معرفتش أقولها إيه


بعادك يا حبيبي


صعب كتير عليه


لو تقدر ترجع تعاله


هتلاقي الشوق بزياده


وبلاش بعاد كفايه


متصعبهاش عليه

...............

أخي الحبيب خالد كلماتك هذه غلب عليها أكثر العتاب

وأمل الرجوع واتمني كلماتي تناسب مضمون كلماتك الراقية

تقبل مروري وتحياتي

القيصـــر

[العاشق الذى لم يتب]

وأناكمان مفتقدهاجدا
يسلام
خلودة
ومعزوفة راقية
مليانة اشواق وحنان
تسلم الايادى
والنظم الجميل

[Lamees]

ذهب مع الريح
الحنان والشوق
فين الكلام
فين احساسك
فين رجفة السلام
فين الحب اللي
كان في العين يبان
مفتقدك حبيبي مش كلام
دي مشاعر حسيت بيها من زمان

شاعر الحب الحزين

كلماتك رائعة كلها شوق وحنان
وافتقاد للحب اللي كان

راقتني واستفزت قلمي

تحيتي وتقديري لقلم يمتع ذائقتنا

[شاعر الحب الحزين]

اقتباس المشاركة الأصلية كتبت بواسطة القيصــــــــر حبيبي يا أغلي الناس عليه سألتني عليك عينيه معرفتش أقولها إيه بعادك يا حبيبي صعب كتير عليه لو تقدر ترجع تعاله هتلاقي الشوق بزياده وبلاش بعاد كفايه متصعبهاش عليه ............... أخي الحبيب خالد كلماتك هذه غلب عليها أكثر العتاب وأمل الرجوع واتمني كلماتي تناسب مضمون كلماتك الراقية تقبل مروري وتحياتي القيصـــر

يا جميل النبض يا قيصرنا العزيز

كلماتك تناسب يا رجل الشعر المناسب

أنت كالورد والندى ولهذا المنتدى أهم المكاسب

يا قيصر الشعر اشجيني ف جمال الكلمات بغيرك غائب


سلمت قيصرنا الغالي أشرف لروعة الحضور

والتفاعل الرقيق ك شخصك الجميل

أسعدتني بالحضور الرائع يا راقي

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب وأناكمان مفتقدهاجدا يسلام خلودة ومعزوفة راقية مليانة اشواق وحنان تسلم الايادى والنظم الجميل

تسلم رفعت يا جميل

ويارب ما تفقد عزيز ولا غالي ولا حد يفقدك

أشكرك عاشق رفعت يا جميل

نورتني واسعدني تواجدك الجميل يا رفاعي

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة ro♥ony ذهب مع الريح الحنان والشوق فين الكلام فين احساسك فين رجفة السلام فين الحب اللي كان في العين يبان مفتقدك حبيبي مش كلام دي مشاعر حسيت بيها من زمان شاعر الحب الحزين كلماتك رائعة كلها شوق وحنان وافتقاد للحب اللي كان راقتني واستفزت قلمي تحيتي وتقديري لقلم يمتع ذائقتنا

يا راقية الإحساس ما أجمله من قلم حين يستفز

راقتكي لأنك صاحبة ذوق جميل وإحساس رائع

سلمتي روني لمنحي ضياء تواجدك الكبير هنا

أسعدتيني يا راقية برقة تواجدك وإحساسك الرقيق

ربي يوفقك ويسعدك

[ساحر الأحزان]

جميل كلامك

وعتابك

شاعرنا

[SaMa.]

حلوة اوي ي خالد وكل كلامك حلو

[شاعر الحب الحزين]

اقتباس المشاركة الأصلية كتبت بواسطة ساحر الأحزان جميل كلامك وعتابك شاعرنا

الأجمل وجودك الكبير مديرنا

تسلم ابو المجد اسعدتني يا غالي

ربي يوفقك ويسعدك