خزعبلات بسوم

[باسم بسوم]

الفرق بين البنت والولد



الفرق بين البنت والولد فى بعض الحالات
...
...1- بالنسبة للبنت لو عدى من ادامها ولد وكانت معجبة بيه تقوم رامية بصه من تحت لتحت من غير ما حد ياخد باله
أما بالنسبة للواد بقى : يدور رقبته360 درجة والشارع كله يعرف انه بيبص للبت دى
___________________

...2- لو قطه دخلت البيت
بالنسبة للبنت تقرب من القطة بهدوء وتمسكها برفق وتأكلها وبعدين تروح عند الباب وتحطها برة بكل ادب وتغني لها أغنية آسفة لأصالة نصري
اما الولد يتجنن بقى لو قطة دخلت البيت . ويعمل نفسه زين الدين زيدان يسدد ضربة حرة ونلاقى القطة المسكينة طايرة نحية الشباك وهى بتقول للواد (روح ربنا ينتقم منك )
قبل أن تقع في أقرب صندوق زبالة
__________________

3-لو شافو فى البيت بطل افلام الرعب للبنات ( الصورصار)
البنت طبعا هتصرخ وتبدأ بعزف السنفونية الرابعه لبيتهوفن وبعدين تجرى تجيب البيرسول وترش عليه وبردو ميمتش لحد مينزل عليه أبوها بالقبقاب
أما بالنسبة لأخينا فيعملك فيها هتلر ويضحك ضحكات متقطعه شريرة تظهر فيها جميع أضراسه المخفية ثم يمسك الصرصار ويبدأ بعملية التعذيب فينزع له الرجل الاولى ويسأله : بابا فين
الرجل الثانية : ماما فين
الثالثة : اخواتك فين
الرابعة : ساكن فين
الى ان تنتهي أرجل الصرصار ويتركه حيا حتى يكون عبرة لكل صرصار حاول أن يتجرأ ويظهر له

[احزان ملكه]

هههههه ههههه......... حلوين خالص ..تسلم

[حـيـــــآة ❤]

ههههههههههههههههه اضحكتني اضحك الله سنك
منورنا

[ParoOo]

ههههههههههههههههههههههههههههههههه

نشووف تانى