أنشاء لوبى عربى

[ساحر الأحزان]

بسم الله الرحمن الرحيم

أصبحنا نشاهد التكتلات العالمية من أجل المحافظة على المصالح ومن أجل حماية
مواطنيها

ما معنى كرامة المواطن سوء داخل وطنة أو خارج وطنة ؟

حماية حريتة حماية كرامتة توفير الأمن والأمان لة حمايتة داخليا وخارجيا ؛

الصين مليار ونصف والهند تعدت المليار ومواطنيها يجدون كل رعاية وكل أحترام

الوطن العربى هل أنتشرت فية العنصرية بمعنى ,,أنت من دولة غنية بتنظر لأبن

الدولة الفقيرة نظرة من تحت لتحت أنت بلدك فقيرة جاى عندى هنا فى بلدى بتخدمنى وأنت ما ألك أى قيمة فى بلدك أو بلدك على قد حالها وجاى عندنا هنا

تقرف فينا


هل دى نظرة العربى من بلدة غنية بالموارد لعربى مثلة بلدة مواردة محدودة

لماذا لا يتم أنشاء لوبى عربى شغلة الشاغل هو المحافظة على المصالح العربية

وحمايتها عالميا ؟

الموضوع جة متشابك مع بعضة بسى دى أستفسارات جت فى بالى

لعلى أجد أجابتها معكم


تحياتى

[شاعر الحب الحزين]

للأسف مفيش احترام ولا تقدير بين اغلب العرب

يعني اتمنى ان يتم الموضوع ده وده مش عشان يتحسن اقتصادهم

لا ده عشان يحفظ كرامة المواطن المتغرب عشان لقمة العيش

الأرزاق على الله وهو اللي مقسمها لعباده ليه البشر بيقطعوا النصيب

المفروض يكون التعامل مع المواطن اللي سايب بلاده وجاي للعمل ف بلاد تانية

بمنتهى الإحترام لأن ده جاي عشان رزقه ف الحلال ده مش سايح جاي يضيع وقت

بس احنا عندنا العكس دايما بنحترم اللي جاي بماله ورجاله ونهين اللي جاي عشان رزقه وحلاله

أمريكا هتزعل مننا كده يا ابو المجد ما تنفلق عادي

اقصد ما يمشيش معاها الوضع ده عشان يفضل اقتصادها ماشي

الصين والهند دول بقى ليهم موضوع تاني

الحرب العالمية التالتة مش هتستهدف غير الدولتين دول الصين والهند والله اعلم


ان شاء الله يرجع التقدير والإحترام بين العرب ف كل الأمور

عشان يكون ليهم هيبة قدام الغرب وغيره

لكن ف إهانتهم لبعضهم بيفتحوا ثغرات للغرب هو عايزها تفضل دايما


تسلم ابو المجد موضوع جميل بيدل على عمق فكرك

ونظرتك البعيدة لمستقبل جميل يارب يارب يلهمهم فكر زي فكرك

ربي يوفقك ويسعدك ابو المجد

[ندوشه 2011]

المصرببن اللى بيتغربوا عشان لقمه العيش بيتبهدلو ا وما يقدروا يتكلموا وربنا يصلح حال مصر

[™Amiliya]

اعتقد والله ياامجد ان فكرة ان حد بيشتغل عند حد ويتسلط عليه ويحس نفسه هو صاحب العيش مع الاسف في العرب بس
لانهم شخصيات متعفنة التفكير في استعباد البشرية والبشر

مع الاسف حتى في بلدك نفسها الغني بيتسلط ع الفقير ويشوفو انه اقل وانه خدمي اكتر منه انسان فعال في مجتمع زيو زي
التاني

احنا محتاجين اعادة هيكلو للنفوس والتفكير الطبقي بين الناس عشان تقدر تعمل لوبي خاص بالنظرة العربية
الشاملة

[عماد الدين زنكي]

في البداية اهنئك علي اختيار الموضوع
ولكن حضرتك للاسف فتحت الف نافذة ولم تغلق ايا منها
نافذة التكتلات العالمية- نافذة الحريات- نافذة امن المواطن -نافذة وضع المواطن الاجتماعي
العالمي نافذة العنصرية نافذة العلاقات الاخوية....الهند- الصين -الحرب عليهما...الخ
ولكن ما يهمني في الموضوع هو القومية العربية
ذلك الداء الذي صنعوه خصيصا لتسود الفرقة ويتسع الخرق بين الدول الاسلامية
والذي تبنته حقبة الستينيات بكل من فيها فكانت بمثابة المشرط الذي مزق جسد الامة
الاسلامية اعلم اعزك الله ان المؤمن للمؤمن كالبنيان يشد بعضه بعضا فالمسلم الباكستاني
اخي واخوك كذلك المسام الشيشاني والمسلم الصيني والمسلم الكرواتي...الخ
اما اللوبيات المؤثرة فهي تكون من خلال الجاليات التي تعيش في الدول الغربية
والتي تحمل الجنسية لهذه الدول وهي تؤثر بأصواتها الانتخابية وبقدرتها الاقتصادية
علي مسار البلد التي يعيشون فيها والجاليات العربية اعدادها كبيرة ولكنها غير مؤثرة
اما موضوع التعاملات الاخلاقية بين العرب بعضهم البعض فيبدو انك تتلذ بنكأ الجراح وهصرها
ولذا سأكتفي هنا
سامحك الله

[Lamees]

اهم شيء ان الدولة تحافظ على كرامة مواطنيها
بس لو الدولة يهمها الامر كان من الاولى ان تحافظ عليه داخل اراضيها

فكرة راقية ساحر
تحيتي