ياارض اتشقي وابلعيني

[™Amiliya]

مساء السعادة

في مواقف في حياتنا ممكن تحطنا في اسخف اللحظات الي بنقول فيها ياارض اتشقي وابلعيني

طبعا كلنا بدون استثناء ممكن يتمنى الحفرة دي في لحظة من اللحظات

وزي مصحبتي فسرت المواقف المحرجة بانك قدامك حل من الاتنين

ياتخلع ومتبصش وراك ... او تستهبل وتعمل نفسك مش واخد بالك

في الحالتين الكلمة الي هيقولها الي عملت معاه الموقف هيقولهالك وهتسمعها وترن في ودانك



في مرة اتصلت بيا طنط جارتنا وكانت عايزة تيجي تزورنا في اليوم دا انا رديت عليها

وكنت خارجة مع صحباتي وتقريبا جارتنا دي خامس مرة تتصل يوم الجمعة المخصص ليا في الخروج

و افهمها ان الجمعة دا يوم للخروج مببقاش في البيت ومش بحب الزيارات فيه

لكن لا حياة لمن تنادي

اعتزر ت منها المرة دي قلتلها بابا مريض ومش هينفع خليني اشوفك السبت

وانا بكدب طبعا رايحة اتسوق في المول مع اصحابي

ومع الاسف الكدب مالوش رجلين ولا اجنحة كمان

لقيتها في وشي في المول

وحاولت اطبق النظرية بتاعت صحبتي اني اخلع او استهبل معرفتش اعمل اي حاجة

الي عملتو اديتها ظهري وقعدت اقول ايه الحظ دا بس ياربي

لقيتها بصوت عالي تقولي الي بيكدب يروح فين يابنت الجنزوري

فعلا اتمنيت الارض تتشق وتبلعني من صوتها العالي ومن الكدبة

/

تعمل ايه لو اتحطيت في الموقف دا مع صحبك او صحبتك؟

وتعمل ايه لو صحبك /صحبتك اعتزرت ليكي بكدبة ولقيتها في مكان ما ؟ هتواجهو ولا هطنش؟

تفكرو الصراحة الايام دي مع بعض الناس مهمة ولا لازم نخبي ونألف عشان بعضهم مبيفهمكش؟

/

تحياتي

[ساحر الأحزان]

هههههههه

هو الموقف اصلا محرج ايمى

حتعملى اية بقى حظك كدة

هى المواقف المحرجة كدة

بسى دى هو مش محرج لانك وضحتى ليها واعتذرتى اكتر من مرة

بسى هى من النوع الزنان

الى ما بيجيش بكدة

[Lamees]

غالباً انا همشي ومش هبص ورايا
بس عامتاً انا بقول الصراحة
ومش بحب حد يعلم عليا
ويمسك عليا غلطة
لكن الامر مش هيسلم
لازم تحصل مواقف بايخة
ونقول وقتها يا ارض انشقي وابلعيني

جميل ايمي
تحيتي

[طبيب الهوى]

الكذب هو الكذب أبنتي


إصرار جارتك على زيارتك لا يُعطيكِ الحق في الكذب


الصدق - الصراحة - الوضوح


أساس أي علاقة


خاصة العلاقات الاجتماعية


عَنْ نفسي مَنْ يكذب لا وجود له في حياتي


تحياتي وودي وورودي


أبو عصام

[™Amiliya]

اقتباس المشاركة الأصلية كتبت بواسطة ساحر الأحزان هههههههه هو الموقف اصلا محرج ايمى حتعملى اية بقى حظك كدة هى المواقف المحرجة كدة بسى دى هو مش محرج لانك وضحتى ليها واعتذرتى اكتر من مرة بسى هى من النوع الزنان الى ما بيجيش بكدة

والله اكتررررررر زن مالوش غير وجع الدماغ

منورني يامجد

[™Amiliya]

اقتباس المشاركة الأصلية كتبت بواسطة اطياف الماضي غالباً انا همشي ومش هبص ورايا بس عامتاً انا بقول الصراحة ومش بحب حد يعلم عليا ويمسك عليا غلطة لكن الامر مش هيسلم لازم تحصل مواقف بايخة ونقول وقتها يا ارض انشقي وابلعيني جميل ايمي تحيتي

ههههههههههه انا اتعلم عليا وحياتك ياروني

منوراني حببتي

[™Amiliya]

اقتباس المشاركة الأصلية كتبت بواسطة طبيب الهوى الكذب هو الكذب أبنتي إصرار جارتك على زيارتك لا يُعطيكِ الحق في الكذب الصدق - الصراحة - الوضوح أساس أي علاقة خاصة العلاقات الاجتماعية عَنْ نفسي مَنْ يكذب لا وجود له في حياتي تحياتي وودي وورودي أبو عصام

ربنا يكرمك يارب ياببتي وولسة هنتعلم كتيرررر من الدنيا

[العندليب الاسـمر]

بصراحة انا مش بحب المواقف دي ابدا

بس كمان مش بحب اللي يرخم علية وهجيلك يعني هجيلك

بس ممكن اخرج من الموقف اني اجي علي نفسة واستقبلة مرة

حتي لو علي حساب نفسي

لكن لو اتكررت هعتذر باي شكل طبعا

بس عموما كان ممكن تطلعي من الموقف وتقولي انكم كنتوا بتكشفوا لبابا عند زهور الريف هههههههههههههههههههه

تحياتي ايميليا الرقيقة

وربي يسعد ايامك

[عذب المعانى]

والله حظك كدة تعملى اية

بس المفروض لم تشوفية كنتى تشرح لة الموضوع بى بساطة

لو تحبك تقبل عذرك

بس هو موقف محرج بجد

اشكرك على طرحك

[™Amiliya]

اقتباس المشاركة الأصلية كتبت بواسطة العندليب الاسـمر بصراحة انا مش بحب المواقف دي ابدا بس كمان مش بحب اللي يرخم علية وهجيلك يعني هجيلك بس ممكن اخرج من الموقف اني اجي علي نفسة واستقبلة مرة حتي لو علي حساب نفسي لكن لو اتكررت هعتذر باي شكل طبعا بس عموما كان ممكن تطلعي من الموقف وتقولي انكم كنتوا بتكشفوا لبابا عند زهور الريف هههههههههههههههههههه تحياتي ايميليا الرقيقة وربي يسعد ايامك

ههههههههههههههههه انت شككتني في نفسي لما شفت اسم المحل

يسلمك يارب ياحسن