حاجة فوق المستحيل

[عماد الدين زنكي]

النهاردة الركب ساير......والضماير
حاجة فوق المستحيل
كل فم ملجمينه.......مكممينه
اصل لحن الخوف طويل
كل معدول انقلب
كل نصر بيتغلب
كل دم بينسكب ...في الارض نيل
ولا ايه قولك يا نيل
.
اضحكي يا ام العيال
كل حاجة في مصر عال
كل حاجة في مصر زين
ما في شين
بس احنا اللي معقدين
خسارة فينا الاعتقال
احنا مش حاسين بنعمة لاعتقال
لما نقعد في الامان
نصلي ونحفظ القرآن
والاكل صحي وبلاش
عاش مدير السجن عاش
.
انا بكره السياسة
بس انا عايز اعيش
عايز اكل لقمة حلوة
عايز البس هدمة حلوة
عايز لساني ينقطع
وانا بقول لابني مفيش
مفيش
.
مش تناكة ومش غرور
اني احلم يبقي ليه في بلدي دور
انا مش عايز وزارة
انا مش محتاج إمارة
بس انا عايز أمارة
ان انا ماشي تمام
اني ماشي للامام
واما ابني يبقي طالع من الاوائل
يبقي له في بلاده دور
نفسي نلغي المحسوبية والوساطة
انا نفسي وببساطة
اني اعيش
اني آكل فيكي عيش
يا بلادي يا حبيبتي
كل خوفي عليكي انتي
عليكي انتي.
.

[السفيره عزيزه]

ما تخاف وال بيدير الكون رب عليم
لنا دور نعم نقول الحق وعليه نحلف يمين
ان احنا متمسكين وان احنا هنقول ولا ابدا نبقى مكتومين
ولا همشي جنب الحيط ولا اقفل ببان البيت يا مرعوبين
مثلهم مثل التتار قتلوا نهبوا ظلموا وانتهت فى الاخر بالفرار
بس تعالوواسمعوا يالي بس بتولولو فى صمت الحوار
ولامين عيالكم وتعدوهم قبل النوم كاملين.إذا ما علينا غبار
ول خرج يجبلك الكرامة على المشانق يا فُرَّار
والله لو كلكم قلتم لفرعون ارضكم والعيار الميصبش اقوي شعار
الدور جاي. جاي علينا ومصانع السكاكين اخدت آوامر والقرار
الشعب دا لازم يتأدب وياااشعب مصر دول مش الكبار
دول سرتهم مش نظيفة وعقولهم كمان خفيفة ال حكمنا دول عار
بكرة بعد الفجر جاي يوم جديد وصدقونى هتشوفوا النهار

تفاعل قلم غيورعلى دينة ووطنة ووليدة اللحظة
يااارب نصر الذى وعدت
يااارب من للمستضعفين غيرك

ياااارب كن معنا ولا تكن علينا
سلمت ودمت بخير حال
السفيرة

[Lamees]

هو فعلاً مستحيل
اني اعيش في بلد كريم
اني احافظ على كرامتي
وسط ظلم يزيد اهانتي


راقتني استاذ عماد
صرخة الم التحمت بدواخلنا

كل التحية والتقدير

[™Amiliya]

ليس مستحيلا ان اعيش بكرامتي واهبها لاولادي
لكن من المستحيل ان استسلم ولا احاول مليون المرات حتى انتصر ع نفسي وعليهم

دا نبض قلمك صدقا ابدعت فيها

[العاشق الذى لم يتب]

ان شاءالله
مصر هتكون للمصريين
وكل غريب ارادهابسوء ستطره
اشكرك
ولاتعقيب

[قـطر الندى]

ان طرحك شيئ مثير -- اني من بلدي الجزائر
احس باحساسك كثير--- افقدونا كيف نعرف نسير
انتوا المكم كبير---- واحنا ندعولكم نصير
الله يبعد عناكم-- وتفرحو ابكل خير
ربي انصر اهل مصر-- وكل عداكم تسكت خير
الى الاستاذ عماد زنكي

[الطائر المغرد]

عماد الدين زنكي
طيب الله خـــــــاطرك
وفيت وكفيت
كأنك تعزف على أوتار
مشاعر العروبـــــــــه
يسلم خاطرك
كم هو رقيق همســـــــــك
الطاغي بالجمال
تحياتي
وباقه من السوسن