اصبح عضو مشارك مع اخر مشاركة

[اشاعة شمس]

السلام عليكم
انا بجد حبيت الفترة اللي قضيتها معاكم
وسعيد جدا بكل مشاركاتي والمعلومات الجميلة اللي استفدتها منكم
اتمنى اوضح بس شوية امور بسيطة تلخص التجربة دي


1/ انا كنت دخلت باسم منافق جدا لان عارف اني لما بكتب بتظاهر بحاجات انا مش بحسها ( طبعا محدش هيستوعب الموضوع ده غير ناس محددة ) بمعنى بسيط ان الكاتب الماهر هو اللي يكتب او يوصف حالة او علاقة او احساس هو مش عايشه عامل زي اللي بيخلق شخصيات في رواية هو اصلا مشفهاش في الواقع ودا نفاق الكاتب اللي كنت بقصده في اسمي الاول بالمنتدى بس مكنش حد هيقدر يفهمني وقتها

2/ لما اخترت اسم اشاعة شمس وهو الاسم غلط المفروض اشعة الشمس او شعاع الشمس بس انا اخترت اشاعة شمس وتعمدت اني مغيرش الاسم او اصححه لانه كان كده اجمل بالنسبة ليا والاشاعة هي الخبر المنتشر وفي الغالب بيكون كذب فالناس اللي بتتريق علي الاسم اتمنى يكونوا فهموا حقيقة الامر

3/ انا كذبت وبعتذر اني اول ما دخلت المنتدى قولت اني خاطب وواجب اني اعتذر انا مكنتش خاطب وقتها بس دلوقتي خطبت ولكن انا ببرء نفسي قدمكم وقدام ربنا من الكذب المفروض اصلا المسلم ميكذبش فانا اسف ليكم

4/ اتمنى اي حد نشب بيني وبينه خلاف في الفترة اللي قضيتها معاكم يسمحني واي شخص افتكر اني بغلط فيه او بقصده بكلامي وزعل بقوله حقك عليا انا بجد مفيش في قلبي اي كره او حقد اتجاه حد واي حد يعرفني كويس عن قرب هيعرف انا اية كويس ... ولو كان كلامي بيكون قاسي شوية او صريح اتجاه اكثر من زميل في المنتدى وزعل مني فارجوا انه يتفهم ان ده كلام بيتكتب ولكن في الحقيقة القلوب ارقى من كده بكتير

5/ الحمد لله الفترة اللي قضيتها في المنتدى استفدت جدا حتى معلومات دينية عرفتها كانت بالنسبة ليا جميلة ومفيدة
الحمد لله برده اني عارف قيمة نفسي وحكمتي المفضلة رحم الله امرىء عرف قدر نفسه
اتمنى مكونش ظلمت حد في الفترة اللي قضيتها في المنتدى
اتمنى مكونش اسئت لحد بدون قصد
واتمنى ان ميكونش فيه حد اشتكى مني

6/ انا في الفترة الاخيرة مكنتش بتابع مدونات او كلمات لحد ومكنتش حابب اعلق علي مواضيع حد كعادتي يعني بحب العزلة
او بفضل اكون في حالي مليش دعوة بحد
بس اكتشفت ان ردودي علي بعض المواضيع وكتابة بعض المواضيع الاخر بيتم فهمها بطريقة غلط
فكان اسلم حل هو توضيح الموضوع في رسالة اخيرة في منتداكم المميز

في النهاية بشكركم علي الفترة اللي قضيتها معاكم
بشكر ادارة المنتدى وكل طاقم الاشراف اللي اتعملت معاهم والاعضاء المميزين

استودعكم الله واتمنى التوفيق للجميع

[دمعه حائره]

انا يمكن ماتابعتش كل مشاركاتك
بس الفتره اللى شوفت فيها مواضيعك
عرفت انك قلم مميز وعضو محترم
اكيد الكل بيفتخر بوجودك
واتمنى تكون فتره اجازة وترجع تانى تنور المنتدى
وماتحرمناش من جديدك
ربنا يوفقك

[حـيـــــآة ❤]

اخي اشاعة شمس..
انت عضو مميز وكنت وستظل
فلاتحرمنا من تواجدك الراقي..
وفقك الله

[ParoOo]

انا عمرى متعملت مع حضرتك

بس ياريت حضرتك تفضل

الناس كلها بتغلط

وفيه ناس كتيره بتسامح

وبعدين ياما كل واحد فينا عمل كده

والف مبروك ع الخطوبه ومش عيب انك تدعى انى انت خاطب

عايز تبقى بعيد عن البنات

وديه حاجه شخصيه

بس ارجو انك تفضل معانا