نصيحة لكل فتاة من ترك بابك

[اشاعة شمس]

نصيحة لكل بنت
اياكي والاحلام الوردية .. والكلام الرومانسي
اياكي والوعود الكاذبة .. والاوقات الضائعة

بلاش تعيشي نفسك في وهم
وبلاش تقربي حد منك وتندمي بعد فترة انه قرب منك
بلاش تعلقي كل احلام بكلمات ادي لنفسك فرصة تشوفي وتحسي افعال

اياكي تكسري قلب شاب اشتراكي واتقدم لك حتى لو كان مش مناسب ليكي
لانه صدقيني ارجل من اي حد كونه ياخد الخطوة دي حتى لو مكنش يستحقك
يكفي انه فكر فيكي بطريقة صح

صدقيني دا هيكون افضل بكتير من اي حد تاني انتي شيفاه مناسب ليكي حتى لو كان بيعملك بلطف وبترتاحي معاه في الكلام يكفي انه مفكرش يتقدم ليكي
يمكن بيتظاهر قدامك ... انتي محتاجة تشوفي كل حاجة بالعكس . محتاجة تشيلي النظارة السودة من علي عنيكي يمكن تشوفي الناس بصورة مختلفة غير اللي اتعودتي تشوفيهم بيها

وقتها ممكن كل حسباتك تتغير

اياكي تقولي انا هعيش حياتي براحتي ولما اتجوز بقى ويجي ابن الحلال هبدأ التزم صح
لانه لو جالك ابن الحلال ده ربنا مش هيبارك لك فيه وهتختلفوا واحتمال تسيبه بعض لانك متمسكتش بمبدأ من الاول

اياكي تسيبي نفسك حقل تجارب من غير ما تحسي لكل حد يدخل ويعيش معاكي قصة ويسيبك او تسبيه

خلي حياتك لشخص واحد حتى لو كان لسة مجاش

حبي خطيبك اللي لسة انتي مشوفتهوش

انا اعرف واحد كان بيحب خطيبته اللي مشفهاش لسة وكان بيكتبلها رسايل ويرسمها كمان ويوم ما خطب تشاء الصدف ان خطيبته دي تطلع بالظبط فيها نفس صفات الانسانة اللي كان بيحلم بيها وبيكتبلها وبيرسمها
لانه صدق مع نفسه ومع ربنا فربنا كرمه باللي بيتمناه

دا شيء صعب اي انسان يوصله بسهولة
بس حاول . نقي قلبك . ارمي حملك علي ربنا .. وادعي ربنا اكيد هيديك اكتر مما تتمنى

فكري مفيش انسان هيفكر يرتبط بيكي ويدخل بيتك ويقعد مع اهلك الا وهو شايفك انسانة محترمة وكان راجل معاكي حتى لو كان مرفوض



موفقين في حياتكم ان شاء الله

دي كانت اخر مواضيعي في المنتدى

[انجي_1]

شكرا عالنصايح الجميلة يا شمس
تسلم ايدك
وبجد معاك حق ف كل حرف خطيته هنا
شكرا لك

[رضا التركى]

نصائح مفيدة أخى الكريم

وفعلا زى ما حضرتك قولت هى عملية مبدأ

والانسياق وراء الكلام مش كويس

لازم يكون فيه فعل وإلا فالندم محتم

دمت بكل الخير أخى الكريم

[حـيـــــآة ❤]

كلام عين العقل وتمام

نصايح جميله

تسلم ايدك لروعة حرفك

[راجعة لحبيبى]

نصايح مفيده
وهى الحقيفه
لكن من الاحلام
حق مشروع
تسلم
لروحك السعاده