(عفارم عليك يانجم ) ( يوميات مصرية ) 4

[morshooo]

بسم الله الرحمن الرحيم

مزاج الخير

احنا عايشين فى مجتمع الحمد لله زى الفل

محدش يقدر ينكر دا وعندنا عادات وتقاليد زى الفل

برضو محدش يقدر ينكر دا بس ساعات فى حاجات بنعملها

بتكون غريبه جدا ومتناقضه جدا جدا

لاننا بأختصار ( عرب )




تعالو اقولكم على موقف ياترى لو حصل مع اى حد فينا هيعمل فيه ايه .

تعالو نتخيل اى شاب فى المنتدى اخد معاد من بنت مش شرط

تكون من المنتدى وتعالو نتخيل وهو ماشى معاها فجاه شاف اخته

ماشيه فى نفس الشارع مع واحد واخده معاد معاه

ياترى هيكون ايه التصرف من الولد هقولكم انا ممكن يعمل ايه

اكيد هيبصلها ويقولها مين دا ويضربها قلمين فى الشارع

بس هو ناسى ان معاه ( بنت ) فى نفس موقف اخته وهو قبل عليها

انه يشوفها ويقابلها ويخرج معاها لكن مع اخته لا .

العادات والتقاليد العربيه بتظهر فجأة .

وازاى ان يكون ليه اخت تقبل على نفسها انها تقابل ولد وتخرج معاه

هنا التناقض الى بيتعمل مننا وبنرجع ونقول عادات وتقاليد




مع ان

العادات والتقاليد العربيه مش بتديلك الحق انك تقابل دى وتروح مع دى وتيجى مع دى

وانك تحافظ على اختك من الحاجات دى لكن انتا اعمل الى تعمله .

مموضوع ان ولد وبنت يتقابلو بنشوفه كلنا كل يوم وفى كل مكان

وفى كل محافظه فيكى يا مصر واكيد فى جميع الدول العربيه .

بس ياترى اخرت المقابلات دى هتكون ايه




اكيد

99% منها هتكون زكريات كل بنت هتدى نفسها بالقلم لما تفتكرها

اما الولد هيفتكر الزكريات دى ويقول

( عفارم عليك يانجم )

[حـيـــــآة ❤]

من السئ جدا واقعنا ال بنعيش فيه
ومهما اتناقشنا ف وضع المجتمع المصري او العربي(عامةه)
هنشوف ان مش هنوصل لرد ل امكانية خروج الفتاه مع الفتى
وقبولهم ع نفسهم بكده
وده بيحصل بعيدا عن الوعي والثقافه
وبعيدا عن اشراف الوالدين
وللاسف منتشر كتير الايام دي...
ده يمكن طالعه موضه الحكايه دي

بس ده فتنه ف الاول وف الاخر وضياع الوعي الذني
وضعف الوازع الديني ده كله بيسبب ده..
واخرة المقابلات دي عمرها ماهتيجي ع دماغ الشاب
موضوع جميل مورشوؤو
تقبل مروؤري:$

[السفيره عزيزه]

ايوة صحيح مجتمعنا يكيل بمكيالين فى الامر دة.
مع ان الحساب امام الله واحد ومتساوي ..
ويجب نهي الطرفين عن كل ما لا يرضي الله.

وبعدين ما عفارم علية ولا حاجة الفالح دة
كما تدين تدان يا خوية..
وكمان من يظن ان حياة التقي النقي بعد الزواج تتساوي
بال ما كان عندهم حياء وادب .يبقى مو شاطر بالمرة.
اكيد لا يستويااان خصوصا هو فخور نفسة كدة
لا نطالب هنا المساواة بل نطالب .بالعفاف والحياء من الطرفين

مورشو .هو مش عفارم علية خالص.
دمت بخير وننتظر جديدك
السفيرة

[انجي_1]

اه ف المجتمع العربي الذكوري
ديما الراجل له الحق ف كل حاجة حتى لو عمل مصيبة توبقا عادية عشان هو ( راجل )
البنت ديما عليها العين وديما هي تحاسب وتتخنق عشان احنا مجتمع متخلف
لا وايه وتلاقي الولد بقا نافخ كرشه وفرحان ومش عارف ولا فاهم ان في بعض الدول المتقدمة شايفينه متخلف ورجعي
ودي الحقيقة بصراحة حتى ف المجتمع العربي في ناس واعية وبتحتقر العادات المتخلفة اللي عندنا دي
يعني يا ابن الناس انت تمشي مع بنات الناس وبراحتك
واختك خط احمر
؟؟؟؟
ليه التناقض ده ؟
المفروض انك مش عايز اختك تمشي مع ولد انت كمان عفف نفسك ومتمشيش مع بنات
هتلاقي ربنا صاين لك اختك زي ما انت صاين بنات الناس
اصلها عملية حسابية
الدنيا مش لعبة وفوضى
كل حاجة بتعملها ربنا هيخلي الزمن يدور عشان تشوفها ف اهلك
وكما تدين تدان
تسلم يا مورشو

[مصر فوق الجميع]

دي من العادات الوحشهـ في مصر وفـ اي مكان

واكيد لو ولد شاف اختهـ كدا اكيد هيزعقلها ومش هيرضالها كدا ابدا

بس ياريت يكون مبيرضاش لأي بنت كدا مش بس لأختهـ

شكرا عالموضوع ،،

تحياتي ،،

[мs̲њм̨s̲њa♥]

احنا مجتمع ذكورى لو البنت اتنفست يقولولها عيب انتى بنت اما لو الولد اتنفس خد سيجارة ي برنس :d