عريس لعبي وبتاع بنات انا في مشكلة كبيرة بجد !!!

انا بنت 22 سنة في شغلي اتعرفت على ظابط 27 سنة وكتبلي نمرته وكده وغلطت وكلمته وقعد يحلفلي انه ارتحلي وعايز يتقدملي بعد ما يرجع من شغله بعد شهر وانه كلم مامته واخواته عني المهم حسيت بغلطتي وقولت مش هكلمه قالي خلاص نتكلم فيس لحد ما ارجع وفعلا اتكلمنا فيس بس كل كام يوم مرة يعني نص ساعة كده ..... المهم دخلت صفحته لقيتها مليانة فريندز بنات فوق ال 200 واحدة ولايكات ليهم بديت اشك فيه عملت اكونت باسم بنت دلوعة وحطيت صورة حلوة كده وبعتله اضافة واتكلم معايا وفتح مواضيع وانا ارتحتلك واداني نمرته وكلمتك الحجة عليكي وفيلم هندي ههههههههه وانا جاريته في الكلام وقولتله هديك نمرتي وكده وبعدها بشوية عملتله بلوك من الايميل الجديد ..... المشكلة بئا اني قولت لاهلي في عريس هيتقدم اخر الشهر واني اديته نمرة بابا وكده والعيلة كلها عرفت ان المفروض حد هيتقدم ..وانا اساسا لسا مديتهوش نمرة بابا بس كنت هكتبهاله على الفيس انا بئا خايفة من حاجتين
1... لو مثلا قولتله انا مش عايزة الموضوع وكده طبعا من غير ما اعرفه اني كلمته من اكونت تاني واكتشفت كدبه هيقولي ليه وغير كده لو متقدمش انا هقول لاهلي ايه بعد ما عرفتهم اني في واحد جي وواخد نمرة بابا كمان منظري هيبقى زفت قدامهم وخصوصا ان ده اول عريس يتقدم ومهتمين بالموضوع
2... او اخليه يتقدم عادي وارفضه واقوله اهلي رفضوك واتحجج بأي حجة بس اخاف بردو لو قولتله كده يتغاظ من اهلي ويتصل بأبويا وطبعا ساعتها نمرته هتكون معاه ويقوله بنتك كانت بتكلمني ويتبلى عليا مهو واحد زي ده تطلع منه ىاي حاجة ....... بجد محتاجة رأيكم هوا جي من شغله كمان كام يوم

[دمعه حائره]

مافتكرش هايتقدم وهايفضل يبرر تاخيره
حاولى تبعدى عنه خالص وهو لوحده مش هايدور عليكى
لان واضح انها اسطوانه لكل بنت بيقولها
وكويس انك عرفتيه بدرى
وماتشغليش بالك هاتقولى ايه للى عرفوا ان فيه عريس
المهم ان محصلش خطوبه لان زى ماحكيتى بيلعب بالبنات
وابقى خلى بالك بعد كده محدش بيتعلم ببلاش

[حـيـــــآة ❤]

هو شخص زي ده مش هيعمل بكلامه
يعني بالعقل هيروح يتقدم ل كم بنت لو ع كلامك
بيكلم بنات يامه..
انتي ابتعدي عنه وعن سكته ومتكلميهوش تاني
وحاولي تقفلي معاه اي سكه يوصلك بيها
وربنا يسعدك ويوفقك... ويرزقك بابن الحلال

[خارج عن القانون]

الحل بسيط
اعمليله بلوك ع الفيس
وهو اساسا مش هيسئلك عن الاسباب واحتمال اصلا ميخدش باله بالبلوك الا بعديها بايااام

وبالنسبه للعيله لو حد سئلك هو فين
فهيبقا ردك بناءا ع كلامك وشرحك للموضوع

يعنى لو انتى كنتى قوللتلهم انك تعرفيه وبتتكلمي معاه
يبقا هتقوللهم انك طلبتى منه التاخير شويه
وبعد شويه تقوللهم محصلش نصيب

اما بقا لو كنتى قولتلهم انك اتديه رقم بابا بس وانتى مبتكلمهوش
فهيبقا ردك "معرفش"

[رضا التركى]

أختى الكريمة الصراحة مطلوبة فى كل الأمور

ومحدش فينا بيتعلم بالساهل أبدا

حتى وان كنتى غلطانة فلازم تعترفى بغلطك مش عيب

انا شايف هتزيدى فى نظر أسرتك

ويعنى ممكن تقولى لمامتك كده بينك وبينها بلاش بابا

لانه ممكن يتعصب وكده خليكى مع مامتك هتكون أهدى شوية

أما بالنسبة للشخص فبسيطة اعمليله حظر

لانه بصراحة بيتسلى زى ما حضرتك ذكرتى

ولو مليون بنت هيقولهم نفس الكلام

ده رأيى والله أعلم

دمتِ بكل الخير وراحة البال

[انجي_1]

ده كداب ولا هيتقدم ولا هيعمل حاجة
واديكي اتاكدتي بنفسك لما كلمتيه من اكونت ثاني
بصي فكك منه
ولا تعبريه ثاني
وقدام اهلك ما تكلميش ف الموضوع من ثاني
ولو سالوكي قولي لهم مفيش نصيب وخلاص
والحمد لله انك عرفتيه من الاول
واحمدي ربنا انها جات على قد كده
وانك عرفتيه على حقيقته قبل ما يجي بيتكم
وربنا يعوضك خير يارب

[شاعر الحب الحزين]

اسمعي كلام قلبك وعقلك

والله اعلم ايه اللي جاي

يمكن يتغير وينسى كل اخطائه

ويمكن ميجيش من اساسه

سيبيها على الله واللي كاتبه ربنا هيحصل

ربنا يوفقك

[السفيره عزيزه]

هو لا جة البيت ولا اصلا ييجي ولا تسمحيلة..
من الان و تقولي الحقيقة لاقرب حد لك فى البيت.
وباقي اهلك تقولى سالت عنة صاحبة لي حذرتنى
منة وعرفت انة غير مناسب...
دا بالنسبة للعائلة ...
اما بالنسبة لة.ارسلي لة رسالة قولي انا اختبرتك
وليقت انا وانت ما نتفق ابدا ..
من اجل ذالك لا داعي لزيارتك الموعودة لانى
سارفض ..وان هددك ..يلا بقة ورينى شطرتك
هتتصرفى ازى ...ال يغلط لازم يتعاقب ..وان ربنا
سترها دا من دعائة وندمة ...
ياااااااااااااااااا بنات .......الصح صح .فلا تفعلن
إلا هو ...ولا مبرر يبيح الغلط .ولو حدث
الندم وعدم العود والتعلم من التجربة..

السفيرة

[الفيلسـوف]

الكلام واضح من البدايد ساعات بيكون قدمنا الحل ونففل عنه

المبدا من الاول واضح وهو الكدب واللعب بمشاعر الناس

ام عن خوفك بالنسبه لاهلك يااختى الفاضله اهم حاجه اخد حد يعرف ربنا

اسالى نفسك الوسوال ده مع كام موقف عاملهم حتلقى الاجابه واضحه

كنى مع الله جدى كل شى بين يديكى

تم الرد

[мs̲њм̨s̲њa♥]

الغلط غلطك من الاول ي بنتى :3