و ماذا بعد ؟

[big bốss]

امبارح اتوفى طفل عندنا فى الموقع العمل عنده 14 سنه

كان شغال مع والده تبع المقاول الى شغال مع الشركه من الباطن

الطفل دا اشتغل قبل كدا و المقاول طرده لانه مش بيقدر يشتغل

لكن والده اصر يشتغل علشان يساعده فى الدخل

و نصيبه انه يجى الشغل امبارح علشان يقع فى النيل و يغرق

و لغايت دلوقتى الجثه من طلعت بقالها يومياً

و الاب و الام حالتهم منهاره

طيب مين المذنب هنا

المقاول الى بيشغل اطفال دون 16 سنه

و لا الاب الى بيشغل ابنه و محتاج حد يساعده

و لا الشركه الى مش موفره اى وسائل امان للعمال الى شغالين على

كوبرى النيل مع العلم ان موجود عوامات فى مخزن الموقع جديده لانج

و مش مستخدمه

الواحد مش عارف يقول ايه و الله على البشر

ربنا يرحم الطفل دا لانه مات شهيد

و ربنا يصبر اهله

و الجدير بالذكر ان الظابط الى بيأخد المحضر و جه يعاين الموقع

بيسال الطفل دا شغال فيرد المهندس بكل برود لا يا فندم

دا جاى يتفسح مع والده و ووقع

عايزين يضيعوا حق الطفل حتى بعد ما مات

ان لله الامر من قبل و من بعد

[حـيـــــآة ❤]

لاحول ولاقوة الا بالله
الطفل مات ف ايام كويسه
ورمضان بيصفي الناس الكويسين قبل
ماييجي..
واكيد الغلطه هنا من الاب والشركه معا
فكله زي مقولت عنده كميةاستهتار
واهمال..
الله يرحمه ويحسن اليه ويصبر اهله

[big bốss]

اقتباس المشاركة الأصلية كتبت بواسطة ♥حيآة آلروح♥ لاحول ولاقوة الا بالله الطفل مات ف ايام كويسه ورمضان بيصفي الناس الكويسين قبل ماييجي.. واكيد الغلطه هنا من الاب والشركه معا فكله زي مقولت عنده كميةاستهتار واهمال.. الله يرحمه ويحسن اليه ويصبر اهله

فعلآ كل واحد فيهم مسئول عن موت الطفل دا

و لازم يتحاسبوا

لانها جريمه بترتكب كل يوم فى حق الاطفال

[SaMa.]

ناس غلبانةهيعملو ايه حتا لو غلطانين
الغلط الاكبر ع الشركة

[мs̲њм̨s̲њa♥]

ولسه ,,
احنا فى ماسر :d

[الفيلسـوف]

لا حول ولاقوه الا بالله ده فين ف سوهاج

[انجي_1]

الطفل لا ذنب له ربنا يرحمه
هنا الغلطة الاولى للاب الجشع اللي مخلي ابنه الصغير ف السن يشتغل شغلانة شاقة مع انه جسمه لسة ميستحملش التعب والاشغال دي
الخطا الثاني للشركة اللي مشغلاه ووافقت انها تشغله وهو لسة طفل ومخطئين كمان لانهم بيشتغلو من غير اي وسائل تؤمن سلامة العامل والاجير
هنا يا صديقي لازم الشركة تتابع لانها تسمى حادثة شغل
والمفروض الشركة تدي دية للاب وعائلة الطفل تعوضهم على خسارة ابنهم الذي توفي ف موقع شركتهم
وربنا يرحمه يارب

[مصر فوق الجميع]

الاب والشركهـ غلطانين

وللأسف الطفل هو اللي دفع ثمن غلطتهم

الله يرحمهـ ويصبر اهلهـ

شكرا عـ موضوعكـ

[Fatma eissa]

لاب مذنب في خق ابنه
لانه كان مستعجل عليه عشان يشتغل
وده لاعمل متهيقلي لاطاقه له في عمل الشاق
بس كان ممكن يستني عليه شويه لحد ماياهد كفاية من التعليم
التي تعينه علي اي عمل مهما كان
وفي اليومين شيفه عماله من اطفال صغار السن
عشان يوفرو ليه ولعائلته الي عينهم علي معيشه
وهو يمكن مطرين
وانا هنا شيفه لاب يشتغل
ويعني مش محتاج لمساعده لانه
قادر لتوفير خياة كريمه
والله يرحمه وربنا يسكنه فسيح جناته
ويلهب اهله الصبر وسلوان