اعتراف منى كفضفضة

[мs̲њм̨s̲њa♥]

"‏اعتراف"
بغلط ف حاجات كتير ‏‎
بتسرع ف تصرفات اكتر ‏‎
برد ع آي حد قدامي لو كان مين المهم آجيب حقي عشان آعيش ف مجتمع زي ده ‏‎
مفيش مخلوق بيقدر يجبرني ع حاجه و بعمل ال يتقالي عليه بس بمزاجي طالما ال قالي كده حد غالي عندي ‏‎
بحترم ال اكبر مني طالما هو محترمني ‏‎
بهزر و بضحك و بتجنن و بعمل كل حاجه نفسي فيها ف الشارع طالما مبغضبش ربنا و مليش دعوه بكلام الناس عشان ربنا ال هيحاسبني مش هما و الناس اصلآ مش بتسيب حد ف حاله ‏‎
لو مزعله حد مني بعتذرله بعد مده ‏‎ بس لو مزعلاه نتيجه ان هو ال زعلني ف برجع اندم ان اعتذرت لحد مزعلني ‏‎ بس ف النهايه ده بيدل ع شخصيتي انا ‏
اقدر اعمل لكل ال اعرفهم حدود و ف الحاله دي ببيع الكل و مبيهمنيش حد الا نفسي عشان لو قفلت معايا مبتتفتحش ‏‎
اجتماعيه مع اي حد سواء اعرفه او معرفوش طالما ف حدود الاحترام محدش له حاجه عندي ‏‎
عارفه حدودي كويس اوي مع الكل و لو بتعداها مع حد ف اكيد مع ال اعرفه و بحبه ‏‎
احب لو ‏غلط حد يقولي و اصححه مش اكتشفيه بنفسك لان اكيد لو مكانش ينفع ال عملته مكنتش هعمله ‏‎
احب ال ينصحني عشان ف مصلحتي ‏‎
احب ال يدعيلي بظهر الغيب ‏‎
احب ال يخاف عليا و يعزني كآني حد من اهله ‏‎
احب ال يقول عليا مشيها كويس و محترمه و بشيله فوق دماغي ‏‎
بحب اصحابي جدا حتي لو مخاصمه منهم حد بس حبهم ملوش علاقه بخلافنا سوا ‏
مزعله ناس كتير مني و زعلانه من نفسي بسبب كده ‏‎
مبعتذرش لحد طالما هو ال غلطان الاول و كده احنا خالصين ‏‎
بعتذر وقت م اكون شايفه نفسي و مقتنعه تمامآ ان غلطانه ‏‎
بتكسف من اي حد و من اي حاجه بس مش كل حاجه يعنى مش بتكسف اواجه اللى قدامى بغلطه او انى اخد حقى ‏‎
معنديش حد اسمه اخو صحبتي و بنت خال ست بنت عمي و ده ابن منطقشتي ‏‎
مليش ف السهوكه ال شايفاه قدامي بقوله ع طول برغم ان اسلوبي غلط بس معرفش ازين كلامي ‏‎
دلوعه امي و ابويا و مش حارميني من حاجه ‏‎
بزعل من اقل كلمه ‏‎ بس بضحك من اقل كلمه كمان ‏‎ ضحكتي مسخره فى البيت ومع صحابى بس مش فى الشارع و مش بتكسف منها عادي عجباني ‏‎
بس كده

[العندليب الاسـمر]

حسب نظرتي اقدر اقول ان دة ملخص شخصيتك

انا معاكي في كل كلمة قلتيها وشخصيتك ما شاء الله مرحة وحلوة وحبوبة

بس بتحفظ علي حاجتين

الاولي : ان مفيش حد فينا من غير عيوب ومفيش حد فينا مبيغلطش

لو اعتبرت ان كل اللي غلط في حقي مرة اجرم ولا يمكن اصالحة او اسامحة بعد شوية هلاقي حوالية ناس كتير زعلانين مني او زعلان منهم وشوية كمان مش هلاقي حد حوالية اصلا

التانية : حكاية اني بعمل اللي انا عاوزة وميهمنيش كلام الناس وضحكتي مسخرة ميهمنيش هوة اكيد اكيد كل واحد من حقة يعمل اللي عاوزة ويضحك او يتكلم او يمشي زي ما هوة عاوز بس برضة اكيد اكيد مفيش حاجة من غير حدود واكيد برضة ان فية اعراف مجتمعية بيكون اظرف والطف اننا مش نخالفها بشكل مزعج او ملفت للنظر او بشكل يخللي اللي قدامنا يظن فينا ظن وحش ماشي ما دمنا صح ميهمناش لكن تجنب ظن الناس بشكل سئ امر مطلوب ورسولنا الكريم لما شافه صحابيان مع واحدة بالليل في الضلمة خاف لحسن يظنوا فية او فيها ظن سئ لانها مشيت اول ما شافتهم قال لهم " علي رسلكما هذه صفية " ( زوجتة ) رغم انهم مطلبوش منه تفسير للموقف ورغم ان مكنش بيعمل حاجة غلط

تحياتي اختنا الطيبة

ومنورة المنتدي بموضوعاتك الحلوة

[мs̲њм̨s̲њa♥]

اولا ي عندليب انا قولت عيوبى قبل مميزاتى !
وأيون ما انا بقول بصالح اللى مخصماه بس بعد مدة اللى اللى غلطان فى حقى هو اللى يصالحنى بقن :d
حتى معروف عنى انى موش بعرف اخاصم وابت نودا وكراميل يشهدوآ :"d

والضحكة والله بضحكها فى البيت بس مسخرة :"d فى الشارع اينعم بفطس على نفس من الضحك وخصوصا اما اشوف عزا فى الشارع ماعرفش ليه :d بس بحاول اكتمها فى الشارع ومش اطلع صوت :"d

ونقطة انى مايهمنيش كلام الناس :d
بص طول ما انا مقتنعه تماما انى مش بعمل حاجه غلط يهمنى كلام الناس ليه ؟
طول ما انا شايفة انى محدش هيحاسبنى غير ربنا وانى شايفة انى تماما برضى ربنا وبعمل اللى هو أمرنى بيه اسمع لكلامهم ليه وهما كده كده بشر وهيتحاسبو زيى وربنا قال حاسبو انفسكم قبل ان تحاسبو :d يبقى محدش ليه حق يحاسب التانى ! يبقى انا برضه مايهمنيش كلام حد :d والتقاليد والاعراف والعادات والمبادئ دى حاجات كتير حتى ليها علاقة بدراستى يعنى بدرس عادات وتقاليد واعراف الناس والمجتمع من الالف للياء وشايفة انها كلها غلط فى غلط !! وانها من ابتكارات البشر مش الاله ! بس يبقى امشى تبع حاجه خلقها الناس ليه ! فاهمنى قادر توصل لكلامى :d

السايت منور بيك والله ^_^

[big bốss]

ضحكتك مسخره يعنى صوتها عالى

معتقديش ان دى ميزه تفتخر بيها بنت

و فيه تضاد فى شخصيتك علشان فيه تعارض ما بين الحياء الى انتى وصفتى نفسك بيه

و بين انك بتعملى الى عيزاه وضحك و مسخره و هزار

ربنا يوفقك ساره

و ربنا يخليلك بابا و ماما و يدلعوكى كمان و كمان

[мs̲њм̨s̲њa♥]

اقتباس المشاركة الأصلية كتبت بواسطة big bốss ضحكتك مسخره يعنى صوتها عالى معتقديش ان دى ميزه تفتخر بيها بنت و فيه تضاد فى شخصيتك علشان فيه تعارض ما بين الحياء الى انتى وصفتى نفسك بيه و بين انك بتعملى الى عيزاه وضحك و مسخره و هزار ربنا يوفقك ساره و ربنا يخليلك بابا و ماما و يدلعوكى كمان و كمان

مفيش تضاد !
انا وصفت نفسى بالحياء فى نقطة واحدة انى بتكسف من اى حد :d
بس بتكسف من ناحية ايه :d دى المفروض تفهمها
يعنى مش بتكسف من كل حاجه
يعنى مثلا لو غلطت فى حاجه وحد قالى انتى غلطتى مهما كان الحد اعرفه اولا بتكسف منه !
وبتكسف من كل حاجه هنا اقصد انى مثلا بتكسف اقعد كات قدام بابا :d اتكسف اقعد حتى بشعرى :d كدهون لكن مش اقصد انى اتكسف من البنى ادم ذات نفسه او اتكسف انى ارد على حد واواجهه لا ! مين البنى ادمين اساسا عشان اتكسف منهم !! ما هما من طين زيى !
هو ده الكسوف اللى اقصده :d

وضحكتى ! انا وضحت كلامى قبلك للعندليب وانت قرأت ردى :d

يبقى مفيش تناقض على ما اظن !! وماتزعلش نفسك عدلتلك التوبيك

وي رب يخليهم ويوفقنى ^_^

[رآقيہ بأخلاقـى]

دى كدة مش فضفضه ده تعريف لشخصيتك
اسمحيلى اقولك حاجة ساره
انتى بتقولى انك مش بتعملى حساب للناس
وان ربنا وحده اللى بيحاسب .. ونعم بالله
بس مهما كان لازم نعمل حساب للناس
مش خوف منهم او من كلامهم اللى مالوش لازمه
انما علشان احنا فى مجتمع شرقى
فى اصول لازم نتبعها ونعمل بيها
.......

اقتباس المشاركة الأصلية كتبت بواسطة мs̲њм̨s̲њa♥ والضحكة والله بضحكها فى البيت بس مسخرة :"d فى الشارع اينعم بفطس على نفس من الضحك وخصوصا اما اشوف عزا فى الشارع ماعرفش ليه :d بس بحاول اكتمها فى الشارع ومش اطلع صوت :"d

للأسف يا قمر العزا مفهوش اى حاجة تدعوا للضحك
لا بصوت ولا من غير صوت ..

[حـيـــــآة ❤]

اولا زي مانور قالت العزا بيضحك ف ايه

ثانيا :ضحكتك مسخره ازاي يعني هي حاجه تفرح
ولعدين من حق ال بتزعليه انه تعتذري منه
الاعتذار مش عيب حبيبتي دي حاجه
وربي يخليلك ابوكي ومامتك وييعدك ي وزه
بس ده تحليل شخصيه ماهواش فضفصه^-^

[мs̲њм̨s̲њa♥]

اولا انا قولت انى بعتذر لى غلطت فى حقه لكن اللى بيغلط فى حقى ده اللى مش بعتذرله :d

ثانيا انا بيجيلى ضحك لا تلقائى فى العزآ لبعض مواقف بشوفها !

ثآلثآ :d
ثالثا ايه :3
ااااه :d
انا قولت موش بعترف بعادات المجتمع الشرقى واعرافه عشان هى من صنع البشر وبس !
وانا مش بأمن بحاجه البشر خلقها انا عندى كتاب ربنا وسنة رسوله وبس !
وبالنسبة لضحكتى عتلاق انا فى البيت ووسط اصحابى ومش فى الشارع بضحك الضحكه دى بس :d

[big bốss]

البنت دى عيزه تتخطف 4_4

[мs̲њм̨s̲њa♥]

انآ *.* طب ليه