( رشوة ) ( يوميات مصرية 5 )

[morshooo]

بسم الله الرحمن الرحيم

مزاج الخير




النهاردة كنت فاتح الفيس وبشوف اخبار الدنيا ايه

وفجأة لقيت خبر عجيب جدا وكأنه من كوكب تانى

لدرجه انى عملت كدا



طيب خلاص يا ( مورشو ) الخبر ايه



ياعم قولنالك خلاص ياعم انتا مبلم ليه كدا ورينا الخبر طيب



يانبى يا حبيبى خلاص مكنش خبر دا طيب ورى الاعضاء الخبر




طيب الخبر يا اعضاء بيقول

ضبط سائق حاول تقديم رشوة لآمين شرطة بزفتى

شوفتو كان عندى حق اعمل كدا والا لا





المهم :

بعيد عن الخبر انا كنت عايز اعرف حاجا هو فى مصر ( امين شرطه )

مش بيتكرمشله ( 20 والا 50 والا 100 ج ) عشان مايرخمش عليك

ويعملك مخالفه

ياجدع تعاله فى اى مكان فيكى يا مصر وشوف بيحصل ايه

تعاله فى كمين وخلى أمين شرطه وقفك وحب يرخم عليك

عشان يعملك مخالفه وانتا اول لما تشمع مخالفه تقول مش مهم الـ

( 50ج ) ف داهيه بس مايعمليش مخالفه بـ ( 500 والا 700 ج )

وبعدين مع احترامى ليك ياعم ( أمين الشرطه ) تفتكر لو انتو مش بتوع

( 50ج ) تفتكر كان حد فكر انه يعرض رشوة على أمين شرطه .




الخبر دا كان بيقول ان تم عرض ( 5000ج ) لامين الشرطه عشان

يسيب سواق كان معاه تقريبا ربع طن ( دقيق فاسد ) .

عموما انا عن نفسى ضد الخبر اساسا لان دا دور ( أمين الشرطه )

فليه ننزل خبر ونقول انه مثال لرجل الشرطه الـ و الـ و الـ ..... الخ

واتمنى ان فكره رشوة رجاله الداخليه اساسا تتمحى من فكرنا

والى هيعمل كدا هم نفسهم لما أمين الشرطه يكون محترم

انا غصب عنى هكون معاه محترم .

[السفيره عزيزه]

يااريت ترجع لحالتك الاولى لاننا اتعدينا منك
الشرطة عاوزة تفهمنا ان هما ما ليه فى الرشوة
ياااربي على البلد دي فيها حجات غريبة زي السفيرة كتير

السفيرة

[متفائله ف زمن اليأس]

ليه تستغرب ؟؟

كل مؤسسات مصر مرتشيه
والرشوه بقيت حاجه طبيعيه ف حياه المصرى
فده مش غريب ع مؤسسه الداخليه

[ana lola]

لا الرشوة بقت حاجه عاديةة
آما بقا نزلو الخبر لانهم استغربوا زيك كدا
ربنا يهدى

[ParoOo]

محدش يجيب سيرة حد فى غيابه *_*

انا بتنرفز بسرعه ×_×

[حـيـــــآة ❤]

الرشوه منتشره ف اي زمان وف اي مكان و..و..و..
بالذات ف مصر ومش مع المؤسسات الامنيه بس
ده ف كل جهه تلاقي الرشوه والكوسه والضياع ده
وهما لو فرحانين اوي يشهروا الاخبار دي
عشان كل واحد قدوه للتاني وبيستنفع بال عمله
وتخرب البلد مش مشكله

تسلم،،أحمد،،

[reda galal]

الرشوه شيئ اساسى فى حياه المصريين الدليل مثلا ايام مبارك على شان تعرف تجيب بــ جنيه عيش تدفع جنيه ونص وهكذا

[انجي_1]

مممممممم
دي افة ومشكلة قضية الرشوة دي
ربنا يصلح الاحوال

[m!ss pOop]

لا الرشوه بقت حاجه عاديه

بقت عاده ف بلدنا


بس حلوه التبليمه دي هههههههه

[mony ma7moud]

انت عايز فين الشعب كلة بيترشي
دوقتي ياعم الحج مصر ماشية بالرشوة
متندهش