مولانا العاشق

[المجهول عاد بالسعاده]

مفيش اي داعي يا صديقي اٍنك تِرهق نفسك وتبرر لغيرك نيتك من اي شيئ بتعمله او بتعمليه .. اللي عاوز يفهمك غلط هيفهك غلط مهما وضحت ... واللي عاوز يفهمك صح هيفهمك صح بدون تبرير او مُعاناه فـ الشَرح .. ربنا بيقول : والله عليمٌ بذاتِ الصُدُور .. ربنا عارف اللي جواك وقد ايه انك طيب وكويس

[المجهول عاد بالسعاده]

كُلنا بنحب سيدنا عُمر لانه راجل عظيم هل تعلم انه كان طويل جدًا لدرجة انك لو شوفته وهو واقف تقول من شدة طوله انه واقف علي حاجه عاليه ؟! .. هل تعلم انه كان ابيض جدًا .. وكانت تحت كل عين من عيونه خط اسود من شدة البُكاء ؟! في يوم سيدنا عمر كان مريض جدًا والاطباء وصفوا لُه انه ياكل عسل علشان يخف .. وهو طبعًا كان زاهد ومستغني عن الدنُيا جدًا رغم انه امير المؤمنين .. وكان بيت مال المسلمين " خزينة الدوله " فيها عسل .. فطلع سيدنا عُمر علي المنبر وجمع الناس وقالهم انا مريض ووصف الاطباء ليا اكل العسل .. فهل تسمحوا لي ان أكل العسل من بيت مال المسلمين ؟! وبكي .. فبكي جميع من ف المسجد شفقة علي سيدنا عمر وقالوا ليس هناك رجل مثل عُمر بن الخطاب

[المجهول عاد بالسعاده]

لمـا تكون خاطب مثلاً وحاطط برفم وجايب معاك بوكيه ورد شيك كدا ورايح تزور بسنت خطيبتك ‏ اللي هي اقرب خلق الله لقلبك بعد الله ورسوله .. بس خطيبتك بسنت ساكنه في الدور الـرابع مثلاً .. انت علشان تطلع لها بتعمل ايه ؟! أكيد طبعًا بتستخدم السِلم درجه درجه لحد لما توصل صح ؟! .. هل تعلم بقي انك لو قمت صليت الفجر : مع كُل سجده بتسجدها : بتشال عنك ذنب كبير عملته .. ويتحطلك حسنه .. ومُش بس كدا لاء مع كُل سجده بتترفع مَنزِلتك درجه عند ربنا سُبحانه وتعالي ودا مش كلامي دا كلام النبي في الصحاح .. تخيل انك تكبر في نظر خطيبتك لمجرد انك تطلعلها وتعطيها هديه .. ولله المثل الاعلي انت بتكبر في نظر ربك وهو اللي بيعطيك الهديه لما بتسجدله يغفر ذنوبك ويعطيك ثواب وكمان يرفع قيمتك ويرقيك مع كُل سجده انا عاوزك تتخيل وانت بتسجد عداد الذنوب عمال يقل مؤشر الحسنات يرتفع سَهم قيمتك يزيد ويربح

[المجهول عاد بالسعاده]

البنت ان حبت بتآمن ..
علشان بتحس اٍنك ابوها ..
تختارك انت وتخلِصلَك ..
من بين مليون واد عشقوها ..
الثقه كـ الدمعه متخذلهاش ..
وتزيد فـ الحُزن واوجاعها ..
الدمعه ان نزلت من عين حد..
دا لايُمكن تِرجع مطرحها !! ..
الفاظه ان وقعت واتكسرت ..
يتشوه كُل جميل فيها ..
علاقتكم برجولتك تِحيا ..
وكذلك بجفاك تنهيها ..
البنت تِشبه مُعجزه ..
في زمان مفيش فيه مُعجزات ..
فاٍرعاها واحفظ حُبكم ..
علشان مهاش زي البنات ..
البنت فعلاً حبتك ..
و بترجو الله تبقي نصيبها ..
فنصيحه بكُل ضمير صافي ..
اوعاك تستهر وتسيبها ..
الكِنز كِنز عشان بيبقي ..
مـ الصعب فـ العُمر نلاقيه ..
حباك بعيبك راضيه بيك ..
وبقلب مستجدع شاريك ..
البنت كِنز ومـ الغباء ..
لو حُبها فرطت فيه ..
لو حُبها ..
فرطت فيه ..

[المجهول عاد بالسعاده]

القَلب مُجهد مـ الزعل .. والحُزن سيطر وانتصر ..أرجوك يا خالقني اٍجبر خاطري.. دنا خاطري مـ الحِمل اتكسر

[المجهول عاد بالسعاده]

ممكن انت تتمني تتجوز بنت معينه وكل الظروف والناس بتقولك مستحيل يجمعكم بيت .. او انتي بتتمني شاب معين وكُل امور الحياه وحساباتها والناس بيقولوا انكم مانتوش لبعض .. وانا بقول للي بيقول كدا ويفتي كأنه هو اللي بإيده القدر وعالم الغيب .. بوجهله رساله بصوت القرموطي واقوله ؛ لا والف لاء مُش هتمشونا علي مزاجكم .. مش هتمشونا علي مزاجكم .. لان ربنا العليم العظيم قال غير كدا !! .. قال : وهو علي جَمعِهم اذا يشاء قديرربنا قادر يجعل القلبين لبعض ويجمعهم في بيت واحد لو اراد دا لانه قالك انا قدير مش قادر بس دا قدير يعني عنده قُدره فوق اي قُدره .. متخاصم مع قريب او صديق وحاسس ان العلاقه حصل فيها فتور او انهيار ولا يمكن تتصلح ! نفسك ترتبط بحد وشايف الامر مُعقد .. اوعي تيأس لان لا يوجد مستحيل والله علي كُل شيء قدير هيسعدك وهيحققلك مُناك صدقني .. ربنا يرزقك ديمًا بالخير يا صديقي وانت كمان ربنا يفرحلك قلبك الطيب

[المجهول عاد بالسعاده]

في ناس من كُتر ما اتسابت من اغلي الاشخاص علي قلوبهم بقوا بيتوقعوا غياب اي حد وانه يسيبهم في اي لحظه .. عندهم فوبيا الفُراق .. انا شخصيًا تقريبًا بدخل يوميًا قبل الفجر بشويه علي امي وابويا واشوفهم بيتنفسوا ولا لاء .. واقول الحمد لله واقفل باب الاوضه بهدوء واخرج .. ربنا ما يوجع قلوبكم في اغلي ما تملكون ..

[المجهول عاد بالسعاده]

رجل يقرأ القرآن ولكن لا يحفظ منه شيئا
فسأله ابنه الصغير ما الفائدة من قرائتك دون ان تحفظ منه شيئا ؟!
فقال سأخبرك لاحقا اذا ملأت سلة القش هذه ماءً من البحر
فقال الولد مستحيل ان املأها فقال له جرب ،
كانت السلة تستخدم لنقل الفحم ، فأخذها الصبي واتجه الى البحر وحاول ملئها واتجه بسرعة الى ابيه
ولكن الماء تسرب منها فقال لأبيه لا فائدة فقال الاب جرب ثانية!
ففعل فلم ينجح باحضار الماء وجرب ثالثة ورابعة وخامسة دون جدوى
فاعتراه التعب وقال لأبيه لايمكن ان نملأها بالماء!
فقال الاب لابنه الم تلاحظ شيئا على السلة؟!
هنا تنبه الصبي فقال نعم يا ابي كانت متسخة من بقايا الفحم والان نظيفة تماما
فقال الاب لابنه وهذا تماما ما يفعله القرآن بقلبك
فالدنيا واعمالها قد تملأ قلبك باوساخها والقرآن كماء البحر
يجلي صدرك حتى لو لم تحفظ منه شيئا

[المجهول عاد بالسعاده]

رمضان ..
محطة لاستعادة ما تساقط من فهمنا لأنفسنا ..
مؤتمر كبير تشهده الملائكة ويرقبه رب العزة في عليائه وأنت فيه "المتحدث الوحيد" ..
تقف وقد أحضرت أرشيف "سوابقك"، ومشاريع مستقبلك، ومطالبك التي تطمع بأن يرضى عنها مولاك وخالقك ..
تعتذر عما بدر .. تعترف بخطأك دون مواربة أو تجميل ..
على عكس ما تظن..!، رمضان لا يفرغ بطارية آثامك كي تملؤها من جديد .. بل يفتح لك القوس الأول لتكتب ما قررت أن تكتبه كعنوان لحياتك القادمة، ثم يدع القوس الآخر مفتوحاً حتى موعد المؤتمر القادم إن كان لك في الدنيا حياة ..
رمضان ليس شهراً مقتطعاً عن باقي العام.. ركعاتك، سجداتك، ختماتك، لا يجب أن تنفصل عن مشروعك القادم .. هي قوة دافعة ستخسرها إن لم تزد عليها وتستثمرها وتنميها في قابل الشهور ..

[المجهول عاد بالسعاده]

ميلادك الحقيقي يوم تقف على حدود شخصيتك، يوم ترفض قوانين الحياة التي تخاصم فطرتك، يوم تقبل التحدي دون تذمر أو غضب، يوم تشق طريقك الذي اخترته لنفسك غير عابئ بصيحات الاستهجان والسخرية.
حين تكون مبادئك هي أهم حليف لديك، وصوت ضميرك هو المشجع الأول لك ..
ستعرف أنك عشت حياتك الحقيقية حين تغمض عينيك الغمضة الأخيرة مودعاً هذا العالم الصاخب وأنت راضِ عن نفسك، ممتناً للحياة، راضياً عن خطواتك فيها سواء المتعثرة منها أو الموفقة .
وغير هذا فأنت في ميلادك الأول