ارجـــــع يــــــا زمــــــــان

[شاعر الحب الحزين]

بعـد اللي كان حب وحنان وراحة وأمان

بقى كره وقسوة وخوف وهجـر وذل وهـوان

مفيش قرايب مفيش حبايب

مبقوش يعرفونا غير ف المصايب

نسيونا وفاتونا نسيناهم مبقاش ليهم جوانا مكان

مكنش ف بالنا تهون العشرة عليهم

نعدي قدامهم وما تشوفناش عنيهـم

واخداهم دنيا وواخدانا دنيا للدرجةدي يا دنيا بتغري الإنسان

لو يوم كلمونا يمجدوا نفسهم ويرخصونا

كانوا زمان بيشكرونا بيبيعوا الدنيا ويشترونا

إيه اللي غيرهم مفيش سبب يخليهم يخسرونا

احنا الأيام بعدتنا ولما تاني رجعتنا لقينا وحدتنا بتقول فات الأوان

ألف وسيلة اتصال ولا حاجة قادرة تقربنا

طب ليه مفيش وسيلة اتصال بين قلوبنا

هما قدامنا واحنا قدامهم بس اللي في قلوبنا رافض يظهر ويبـــــان

عايزين نرجع ومش قادرين عايزين نتكلم لكن خايفين

لسه بياخدنا الحنين لأجمل سنين يمكن ترجعلنــا أيــــام زمــــــــان



شـــــــــــــــــــــــــــــــــــــــ . حــــــــــــــــــــــــــــــــــــــــــ

[متفائله ف زمن اليأس]

شاعر الحب الحزين

هنيئا لكلماتك التى تحوذ ع ابداع الكثيرين

دام ابداعك ودمت بخير

[Lamees]

الزمان مش بيرجع لان اللي راح مش بيرجع
الناس اتغيرت وقلوبهم اتغيرت
حتى لو رجع الزمان مش هيكون هو الزمان

خالد

كلمات دائماً تروقني
تحيتي

[۩۩ elMagic ۩۩]

الماضى مبيرجعش تانى بس بنستفاد من مواقفه للمستقبل
كلمات جميله منك
دمت ودام نبضكـ

[reda galal]

شاعر الحب الحزين كما تعودنا منك مبدع

[شاعر الحب الحزين]

اقتباس المشاركة الأصلية كتبت بواسطة متفائله ف زمن اليأس شاعر الحب الحزين هنيئا لكلماتك التى تحوذ ع ابداع الكثيرين دام ابداعك ودمت بخير

هنيئا لي هذا التواجد الخلوق المحترم

كلماتك شهادة اعتز بها وتعني لي الكثير

أسعدتيني يا متفائلة بحضورك الرقيق هنا

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة اطياف الماضي الزمان مش بيرجع لان اللي راح مش بيرجع الناس اتغيرت وقلوبهم اتغيرت حتى لو رجع الزمان مش هيكون هو الزمان خالد كلمات دائماً تروقني تحيتي

صعب يرجع صعب غير لما نرجع احنا

لأحلامنا وماضينا الجميل اللي افتقدناه بإيدينا


أشكرك راقية الإحساس روني لتفاعلك المثمر

أسعدتيني بتواجدك الرقيق هنا وحسن تفاعلك دائما

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة ۩۩ elmagic ۩۩ الماضى مبيرجعش تانى بس بنستفاد من مواقفه للمستقبل كلمات جميله منك دمت ودام نبضكـ

عندك حق يا ماجيكو

الأجمل تواجدك وحضورك الكبير

نورتني واسعدني حضورك وردك

كل سنة وانتا طيب ورمضان كريم

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة reda galal شاعر الحب الحزين كما تعودنا منك مبدع

أشكرك اخي الغالي رضا جلال

شرفني ردك واسعدني تواجدك الرائع

ربي يوفقك ويسعدك