( عجائب رمضان ) 1

[morshooo]

بسم الله الرحمن الرحيم

مزاج الخير :d

طبعا رمضان كريم ^_^ والجو صحيح منيل بس كله بيعدى

رمضان كل سنه بيكون فيه العجب خاصه فى المجال ( الفنى )





يعنى بنلاقى خلال الشهر يجى ( 15 والا 20 ) مسلسل جديد

دا غير برامج المقالب الى بتكون حوالى ( 5 ) برامج مثلا

دا غير كمان اعلانات المستشفيات والتبرع لـ يجى ( 5 مستشفيات ) ولو بجنيه

دا غير كمان اعلانات المنتجات والاتصالات والمشروبات





وكمان السنادى اعلانات لـ ( أم حسن ) الى بعد خبر ( لحم الحمير ) واسمها اتقال فيه

عملت اعلان وحسستك انها من اكبر مستوردين الوطن العربى وعندها ( 2000 ) عامل

ازاى معرفش :d يعنى هى عندها تقريبا 3 فروع فيهم ( 2000 ) عامل سبحان الله





المواضيع دى كل حاجا فيهم عايز توبيك الواحد يكلم فيه لكن .

هكلم بس عن اعلانات ( التبرعات ) الى بتظهرلنا فى ( شهر رمضان )

ويمسكو فى حكايه ( الزكاة ) واتبرع وكله من زكاتك :d

حتى لو هتتبرع ( بجنيه ) تبص تلاقى مسلسل شغال البطل بتاعه واخد

( 10 / 20 / 30 مليون ) دا غير تكلفه المسلسل الى بتعدى الـ ( 70 مليون )

ويقول اتبرع ولو ( بجنيه ) تبص تلاقى برنامج مقالب شغال المقدم بتاعه بياخد

( ملايين ) والى بيجبهم بياخدو ( الافات ) وتلاقى اعلان لمستشفى ( القلب )

ويقولك انقذ حياة طفل ^_^ .





تبقى بتتفرج على مسلسل وفيه مشهد للبطله بترقص للبطل فى قوضه النوم

ولبسها زى الفل وشغالين الله ينور مع اننا فى رمضان وبعد المشهد يطلع اعلان

لمستشفى ( 57 ) ويقولك ( مرضى السرطان ) وكلنا معاك .

او العكس يكون مسلسل دينى وبيكلمك عن ( الانبياء ) ويطلع فاصل

تلاقى اعلان عن ( قطونيل والامبراطور )

وحسن حسنى يقولك لو اختفى مش هنستريح

شوفتو ان ( رمضان فيه العجب )

[حـيـــــآة ❤]

اہ کلہ الا اعلان قطونيل بتاع حسن حسني
فعلا واللہ حاجہ تشل وتجيب المرض
والمسلسلات ال کلہا عہر وفساد
اللہ يسامحہم ان گانوآ فاکرين ان دہ
الوجہ الصحيح ال المفروض المال يبذل فيہ
وم الاخر ربنا يہدي الجميع...

[Lamees]

اللي بيتفرج على التليفزيون يتشل بئا
عجايب آخر الزمن

[ana lola]

مش لازم تلفزيون خالص
ربنا يهدى

[Aya 7ekaya]

ذوقنا كمصريين بقا صفرانا مش مستغربه لانك لو بصيت طول السنه على قنوات الاطفال المصريه هتلاقي فيها مهرجانات واعلانات الافلام اللى ماينفعش تتسمع واعلان ام حسن بردو ودى قنوات اطفال !
ف ماتستغربش لما تلاقى كل ده ف رمضان
لاننا الاعلام بتاعنا ده اللى بيعكس حياتنا للاسف

[m!ss pOop]

اه والله احنا بنشوف العجب
دا شلل هههههههههههههه

[Stop Ana Eltop]

التليفزيون عامة من العجائب فى الشهر دا

عندنا شوية وقت حلوين فيهم بركه ورزق وفرصه للتوبه

بنضيعهم فى شوية اعلانات ومسلسلات هايفه كلنا عارفين اخرتها واعلانات بقت فااكس اووى

ربنا يهدينا كلناا ياارب

[العاشق الذى لم يتب]

امال النصابين ياكلوعيش منين يارشرش