انتي ليا مش لحد تاني

[ماني القمر]

السلام عليكم
ازيكم يارب كلكم تبقوا بخير
انهارده وانزلكم اول روايه كتبتها وعايزة رائيكم فيها
هى روايه انتى ليا مش لحد تانى
هى روايه رومانسيه فيها شويه مشاكسات من البطل للبطله يارب تعجبكم

مستنيه تعليقاتكم علشان انزل باقيتها

الفصل الاول:
حلم حياتى

سما كانت قاعده ع اللاب بتعها وظهرلها رساله ع الميل ففتحتها ولما فتحتها لقيت الرساله من شركة(....)انهم قبلوا طلب التعين اللى كانت قدمته ففرحت جداا لان الشركه ديه من اكبر الشركات فى مصر وراحت بسرعه لولدتها وقالت
سما: ماما ماما يا حبيبة قلبى
الام:ايه ايه
فى ايه اللى حصل
سما:اخيرااا قبلونى فى الشركه اللى كنت حكتلك عليها
الام:كل الفرح ده عشان قبلوكى فى الشركه
سما:اصل الشركة ديه مش زى اى شركة
الشركه ديه لو ربنا وفقنى فيها انا ممكن اكون اكبر مهندسه فى مصر
الام:ان شاء الله
ولفت نفسها وقالت ياااااا امتى يجى اليوم اللى ابقى فيه اكبر مهندسه فى مصر
الام:طيب امتى هتروحى الشركه
سما:حححححححح ايه ده نسيت انا مكملتش قرايه.........الرساله ايه ده انا رايحه اعرف
الام:والله فى حاجه فى دماغك
سما:ههههههههههههههه انا رايحه انا رايحه
وبعدها بيومين امها بتخبط ع باب غرفتها عشان تصحيها عشان ميعاد الشركه
الام:قومى عشان تروحى الشركه
فتحت سما الباب وبتقول
سما:تاتا انا جهزت
الام:لحقتى جهزتى امتى
سما:من بااااادرى انا اصلا منمتش من امبارح
الام:من امتى ده دا انا مبشفكيش غير نايمه
سما:ده كان زماان انا دلوقتى امرأه عامله ولازم اصحى بدرى
الام:امرأه عامله اما نشوف انا عارفه انتى بكره هتصحى بالعافيه
سما:هههههههه سلام بقى يا قمر عشان مش اتاخر باااى
وراحت سما الشركه ولما وصلت عرفت انها لازم تقدم اوراق شخصيه واوراق خاصه بالكليه ولان هى مش عايزه تضيع اى وقت كانت عارفه انهم اكيد هيطلوبوا الاوراق ديه فقدمتها ع طول
الموظف:ايه ده انتى جاهزه كده ع طول
سما:اصل انا مش عايزه اضيع ولا لحظه للوصول للشركه ديه
الموظف:يا ريت ده يبقى فى الشغل كمان
سما:طبعاا اكيد واكتر من كده ان شاء الله
الموظف:ادينا هنشوف ......
المهم
انتى ممكن تتفرجى ع الشركه على ما انا اخلص حاجات بعملها وبعدين هبعتلك
عشان اقولك انتى هتعملى ايه فى الشركه ديه بالظبط
سما:اوك انا رايحه اشوف الشركه
وراحت سما بكل سعاده عشان تشوف الشركه اللى ع طول بتحلم انها تشتغل فى شركه كبيره زيها
ووصلت عند مكان شغل المهندسين ووقفت تتفرج عليهم وهما بيشتغلوا
وهى واقفه بتتفرج شفتها مهندسه اسمها منى وقالت لها
منى:ايه ده انتى مين؟!! انتى موظفه جديده هنا ولا ايه؟!!
سما:انا اه انا لسه مقدمه ورقى دلوقتى وقولت اشوف الشركه
منى:اممممم طيب اتفضلى اقعدى معانا شويه ونتعرف عليكى
سما:امم اكيد هيسعدنى جداا
منى:طيب اتفضلى اقعدى ع مكتبى المتواضع
سما:شكراا جداا
وقعدت سما مع منى عشان يتعرفوا ع بعض
منى:انت قدمتى هنا عشان تشتغلى ايه؟؟
سما:انا قدمت عشان اشتغل مهندسه
منى:ام يا سلام هنبقى زمايل كمان
سما:اهه اكيد انا هتشرف
منى:الشرف ليا اكيد....بس انتى مين اللى قلك ع الشركه هنا
سما:مش حد انا عرفتها من ع النت وبعدين الشركه مشهورة جدا دى من اكبر الشركات ف مصر

منى:اممممممم
سما:بس ليه بتسالى؟1
منى:لاء عادى مفيش
سما:صحيح هو الشغل عامل ايه هنا كويس يعنى ولا ايه؟؟
منى:الشغل هنا تمام التمام
سما:طيب الحمد لله انا كنت خايفه ليكون كلام وبس
منى:لاء اطمنى دا انتى هتشتغلى لما تقولى خلاص ارحمونى
سما:لاء انا مش هقول اصل انا بحب الشغل جدا
منى:بكرة تقولى منى قالت
سما:انا بس اشتغل وانتى هتشوفى
منى: بكرة نشوف يا ستى
وهما بيتكلموا قطع كلمهم تليفون لمنى من سكرتيرة رئيس مجلس الادارة بيطلب منها انها تجيب المشروع وتجيله فوراا
منى:يا ربى هو انا نقصه قرف
سما:ليه مالك فى ايه
منى:رئيس مجلس الادارة عايز المشروع منى
سما:طيب وفيها ايه انتى لسه مش خلصتيه
منى:لاء خلصته
سما:طيب كويس فى ايه بقى!!!
منى:بقولك رئيس مجلس الادارة
سما:طب فيها ايه يعنى هو شديد فى معملته ولا ايه؟؟1
منى:شديد!!!!؟

انتى محدش حكالك عنه ولا ايه
سما:حكالى !1!!حكالى ايه انا مش عارفه حاجه خاالص
منى:اممممم بقى كده قولتيلى خلاص استنينى هودى المشروع وهاجى فوراا
دا انا هحكيلك حاجات
سما:هو فى حاجات تتحكى؟؟!!!
منى:حاجات دا حاجات وحاجات وحاجات استنى استنى اصل انا بحب اقطع
فى فروته اوى دا انتى لوقته اصل انا بحب الرغى اووووى
ههههههههههههههه

سما:وانا كمان خلاص هستناكى بس مش تتاخرى
منى:دى بقى مش اعرفها ربنا يستر سلام اوعى تمشى
وراحت منى تودى المشروع وفضلت سما تفكر فى ايه اللى ممكن تحكيه عنه وايه اللى ممكن يكون بيعمله
وفى اقل من 10 دقايق رجعت منى وباين عليها الارتياح
سما:ايه ده رجعتى بسرعه يعنى!!!
ردة منى وفى صوتها الارتياح
منى:الحمد لله خلصت ربنا بيحبنى
ردت سما وهى مندهشه
سما:ليه ايه اللى حصل؟!
منى:لما وصلت السكرتيره قلتلى انه جاله اجتماع مفاجئ واضطر يمشى
وانا استغليت الفرصه ديه وسبت المشروع للسكرتيرة وقلتلها تديه لامير بيه
سما:ليه يا بنتى كل ده للدرجادى؟!!
منى:للدرجاتى واكتر اصل انتى مش تعرفيه بكره لمل تشتغلى هنا هتعرفى
سما:هعرف؟!!!هعرف ايه؟
صحيح انتى قولتيلى انك هتحكيلى عنه يلا احكى بقى
منى:طبعاا اسمعى بقى يا ستى
اولا يا ستى هو اسمه امير



الفصل الثانى:
شكلك هتتعبنى

شاب جذااب جدااا شعره اسمر وعينه رمادى ،طويل،رفيع
يعنى مش فيه عيب واحد مز من الاخر يعنى

وعشان كده بقى يا ستى هو واثق من نفسه جداااا فوق ما تتخيلى
مفيش بنت بتعدى عليه كده لازم يخرج معاها مره واتنين وتلاته وانتى عارفه طبعاا الباقى
وبعد كده يسبها ويلعب على واحه تانيه وتالته ورابعه وهكذاا وهكذااا
ومافيش حاجه عنده ان بنت مش عايزه تخرج معاه
بصت لها سما وهى مندهشه جدااا وقالت
سما:يعنى ايه يعنى؟!!طيب ما البنات المحترمه ترفض الخروج معاه هو بالعافيه؟؟!!
سما:يا حبيبتى هنا حتى البنات المحترمه بتخرج معاه للغداء بس عشان تخلص منه
ردت سما بدهشه واستهزاء وقالت
سما:يا سلام ليه يعنى مفيش حاجه اسمها كده
يعنى هيعمل ايه؟؟!!!
منى:لاء من ناحيه هيعمل فهو ممكن يعمل كتير وحتى لو مش عمل حاجه فكفايه نظراته ليها
ده لازم يجبها من فوق لتحت ومحدش بيسلم من نظراته خااااااااااالص
سما:يا سلام!!!دا ايه ده طيب انتى بتعملى ايه؟؟!
منى:انا يا ستى مش بعمل حاجه
سما:ازاى يعنى مش فاهمه
بتخرجى معاه عادى كده ولا ايه
منى:لاء طبعاااا مش بخرج معاه بس كل الحكايه انى مخطوبه لصاحبه
ردت سما باندهاش شديد وقالت
سما:بجد؟؟!!!طيب وصاحبه زيه ولا ايه؟!!
سكتت شويه منى وبعد كده بصت لها وقالت
منى:...مش عايزه اقولك انه مكنش زيه بس......
ردت سما بدهشه وقالت
سما:بس؟! بس ايه انتى ازاى قبلتى بيه؟!!!
منى:استنى بس انا يا ستى علمته الادب ومش بقى يبص على اى واحده تانيه خااالص
والا كنت وريته النجوم فى عز الظهر
سما:اممممممممممممم طب يا بختك انتى نفتى ع الاقل
منى:هههههههههههههههه اه الحمد لله نفت بس برده مش بحب اختلط بيه
سما:ليه مش رحمك انتى كمان؟!!
منى:الصراحه لاء بس انا برده بخاف منه
سما:ههههههههههههههه للدرجادى
منى:بكره تشوفى ههههههههههههه
سما:لاء يا ستى هو بعد اللى انتى قولتيه ده انا هشتغل هنا؟!!
منى:ههههههههههههه لاء بجد مع كل اللى اناقولته ده
بس ميمنعش ان الشركه ديه فرصه ومش لازم تضيع منك
سما:لاء بس انا مبيعجبنيش الى انتى حكتيه ده وبصراحه انا مش مستعديه اقدم اى تنازلات ابداااا
مهما حصل يعنى انا مش ممكن اخرج معاه عشان اخلص منه او غيره
ولا اسكت ع اللى هو بيعمله
منى:والله انتى شكلك جامده وعشان كده انا بقولك مش تسيبى الشركه وكمان مش بقولك قدمى اى تنازلات
انتى هنا هتبقى فى شغلك وبس ومش هتخطلتى بيه كتير
ولو اختلطى بيه مش تديله اى اهتمام وارفضى على طول الكلام معاه الا فى الشغل
سما:طبعاا هو ده اللى انا هعمله لو اشتغلت هنا
منى:هايل طيب خايفه من ايه؟؟!
سما:مش خايفه من حاجه كل الحكايه ان انا واثقه انى لو حاول معايا اى محاوله
ورديت عليه هترفد تانى يوم
منى:هههههههههههههههههههه خلاص يبقى هتنفعى هههههه
سما:ههههههههههههه خلاص اوك ماشى الحال
وقطع كلامهم موظف بينادى على سما بيقولها تنزل شئون العاملين فردت سما بانها نازله فوراا
سما:سلام منى هنزل عشان اشوف ايه الاخبار
منى:سلام يا جميل وفرصه سعيدة بس انا هستناكى هنا فى المكتب الى جامبى ده
سما:ان شاء الله سلام
وسلمو على بعض وراحت سما لشئون العاملين واخبرها الموظف انها قبلت وهتبقى معاهم من بكره ففرحت سما جدااا وراحت بسرعه عشان تقول لمنى ومنى فرحت ليها اووى وفرحت لانها حست ان سما بنت كويسه وممكن يبقوا اصحاب جامدين وبعد كده طارت سما ع البيت عشان تقول لوالدتها ع الخبر السعيد ده ولما وصلت ع البيت بسرعه قالت لوالدتها بكل سعاده ونسيت اللى قالتهلها منى عن صاحب الشركه ودخلت سما عشان تنام
الام:ايوة هى ديه بنتى الى انا عارفاها نا يمه 24 ساعه فى اليوم
سما:ههههههههههههه سلام بقى انا داخله انام لما تجهزى الاكل صحينى
وراحت سما غرفتها عشان تنام واول ما نامت ع السرير افتكرت كلام منى لها
وبتقول لنفسها انا ممكن اتعامل معاه ازاى وممكن اتقى شره ازاى وهل هى ممكن تقدر تبعده عنها ولا ايه وايه اللى ممكن يحصل ولما تعبت من التفكير نامت والصبح المنبه ضرب وصحيت بكل نشاط عشان تروح الشركه ولبست بسرعه وراحت الشركة ولما وصلت عرفت انها فى نفس غرفة منى وفرحت اوووى بالخبر ده ولما دخلت على منى فرحت اووى انها شفتها وقالت منى لها
منى: اكيد انتى زملتى الجديدة فى المكتب
ردت عليها سما وهى فتحلها درعها تسلم عليها بكل سعادة وقالت
سما:اكيد هو انا بعد ما اتعرفت عليكى ممكن اسيبك
منى:ههههههههه لاء طبعاااا هههههههه
سما: انا بقى نفسى مفتوحه جدااا للشغل وعايزه اعرف ايه اللى ممكن اعمله بالظبط
منى متقلقيش دلوقتى تعرفى بس ادعى ان امير بيه مش يبعت يشوفك دلوقتى
سما:ايه؟!!
منى:مستغربه من ايه
سما ويطلب يشوفنى ليه ان شاء الله
منى يطلب يشوفك زى ما بيعمل كل مره
سما :ايه بيعمل ايه مش فاهمه
منى:بصى يا ستى اصل انا نسيت اقولك ان اى واحده بتشتغل هنا
لازم يشوفها قبل ما تعمل اى حاجه او تمسك قلم بيعاين البضاعه يعنى
سما دا ايه ده انا مش ممكن اروح طبعااااا
منى: مش بمزاجك اللى هيبعتوه هيطلع مائه حجه عشان تروحى وطبعااا مش هتعرفى هتقولى اى حاجه
سما:الصراحه انا كل مره برجع فى كلامى من ناحيه الشغل هنا
منى: هههههههههههههه لاء انا مش بقولك كده عشان ترجعى فى كلامك بس عشان تخدى بالك
سما:امرى الى الله بكره اعرف ايه اللى ممكن يحصلى
منى:كل خير ان شاء الله
وقطع كلامهم تليفون لمنى من خطيبها زياد
منى ثانيه واحده هرد ع الموبايل وبعدين نكمل كلامنا
سما:خدى راحتك
منى::الو
زياد:الو يا حياتى انتى فين
منى:فى الشركه طبعاا هكون فين يعنى
زياد طيب خلاص متزقيش اصل انتى وحشتينى اووووى وعايز اشوفك ايه رايك
منى:رايى فى ايه؟!
زياد نخرج نفطر مع بعض دلوقتى اجى اخدك ونروح
منى:طيب والشغل؟؟
زياد:ولا يهمك اكلم امير دلوقتى واقوله انك هتخرجى
منى:بلاش دلوقتى
زياد:ليه؟؟1!
منى:اصل فى مهندسه جايه جديد وانا مش عايزه اسيبها فى اول يوم ليها
زياد امممممممممممم قولى كده قولى انك عايزه تحكيلها عن امير وتخوفيها منه صح
منى:مش دي الحقيقه؟
زياد:انتى يا ساتر يا رب
ردت عليه بكل غضب وقالت
منى:ايه هتسكت ولا مش هخرج معاك
زياد:خلاص خلاص انا اسف خدى راحتك ع الاخر
منى:ههههههههه ايوه كده سلام بقى
وقفلت منى ولما التفتت لسما لقتها بتضحك اوووى فاندهشت منى وقالت لها
منى:انتى بتضحكى على ايه
سما:ههههههههههههه عليكى طبعااا
منى: عليا هههههههه طب ليه
سما:على كلامك مع خطيبك ياعينى ده اكيد بيخاف منك
منى:ههههههههههههههههههههه
اه دا العادى بتاعى هههههههههه
سما:صحيح احكيلى بقى وقعتيه ازاى
منى:لا الحكايه دي عايزه وقت طويل عشان احكيها بس ولا يهمك هخلص الحاجات دي وبعدين احكيلك على رواق
سما:خلاص ماشى اوك
وهما بيتكلموا دخل الاستاذ فوزى وطلب من سما انها تطلع لامير بيه المكتب عشان تعرف شغلها واول ما سمعت منى الكلام ده مسكت نفسها من الضحك بس سما كانت قلقانه جداا ولما مشى الاستاذ فوزى بصت سما لمنى وهى متضايقه جداا وقالت
سما:جالى اهوه هعمل ايه؟
منى:هههههههه مش هتعملى حاجه هتطلعى زى الشاطره كده لامير بيه
سما:والله انا لو كلمنى نص كلمه انا ممكن ازعقله
منى:كويس جداا خلاص اطلعى بقى بسرعه قبل ما يبعت تانى
سما:خلاص انا طالعه باى بس ادعيلى
وفعلا طلعت سما المكتب هى ماشيه فى الطرقه للدخول لمكتبه خبطت فى واحد مش شافته قبل كده وبصتله وهو كمان باصص لها ومشلش عينه من عليها وقالتله مش تحاسب وسبته وكملت مشى بس هو فضل باصص عليها وقالها
انتى هنا جديده ولا ايه اصل انا مشفتكيش قبل كده
بصتله سما ومردتش عليه وكملت مشى للمكتب
ولما اختفت عن عينه كمل هو كمان المشى بس وهو جاى يمشى لقى سلسله واقعه ع الارض وعرف على طولانها لها و اكيد وقعت لماخبطوا فى بعض فاخدها وخلاها معاه وكمل مشى
وبعد وقت صغير اتفجات منى ان سما رجعت بسرعه وقالت لها
منى:ايه ده لحقتى ؟!!
سما:الحمد لله اول ما وصلت عرفت انه خرج بسرعه لحاجه مهمه ومش هيقدر يقابلنى انهارده
منى:هههههههههههه شفتى انتى كمان حظك حلو
سما:ههههههه اه الحمد لله
منى:اكيد ده دعائى هههههههههههههههه بس مش تطمنى اوى بكره يبعتلك
وفضلوا يتكلمو عليه اكتر من ساعه وفى الاخر قالت سما لمنى
سما:سيبك منه دلوقتى انا رايحه اجيب فطار اجبلك معايا؟
منى:يا ريت انا هموت من الجوع
سما:خلاص اوك انا رايحه
ونزلت سما تجيب ساندوتشات ليها ولمنى وهى راجعه كان فى عربيه ماشيه جمبها براحه اوى ولما انتبهت سما سرعت فى المشى ولكن اللى كان سايقها حاول انه يمشى فى نفس مستوى مشيها ولما وصلت ع الشركه كان هيخبطها بس هى مشيت بعيد عنه وقالت
سما:انت مبتشفش مش تحاسب
ففتح العربيه ونزل منها وقالها
بالعكس انا مش شايف غيرك
واول ما شافته سما ولقت ان هو اللى خبطها فوق قالت
انت تانى انت بجد شكلك مبتشفش
وسبته وطلعت على طول بس هو فضل يبص عليها وفى نظراته الاعجاب الشديد بيها وقفل العربيه وطلع على مكتبه وفى الوقت ده كانت سما طلعت ع المكتب وهى متنرفزه اوووى فقالتلها منى
منى:مالك ايه اللى حصل؟؟
سما:واحد متخلف خبط فيا الصبح ودلوقتى كان هيخبطنى بالعربيه
منى:متخلف ؟!! متخلف مين بالظبط اصل فى هنا كتير هههههههه
سما:معرفش انا اول مره اشوفه
منى:خلاص خلاص ولا يهمك
جبتى ايه ورينى ورينى
سما:ساندوتشات بس باين عليهم حلووين اووى
منى:هاتى يا شيخه ناكل هاتى
وقبل ما يخلصو اكل دخل الاستاذ فوزى تانى عشان يقول لسما ان امير بيه عايزها وتطلعله فوراا
سما:وليه سدت النفس ديه بس حاضر طالعه بس مش بعد ما اطلع يقولوللى ان سعته مشى
وسابت سما الاكل وطلعت لمكتبه واول ما دخلت عليه اتفجات

[ana lola]

تمام يا قمر
عجبتنى
ابقى كمليها بقا
وآآنا متبعآآكى
تسلمى

[اميره الشعر الشجين]

جميله ياقمر نبهينى بالباقى لما تنزليه عشان اتابع

[متفائله ف زمن اليأس]

جميله تسلمى مانى القمر

[ماني القمر]

اقتباس المشاركة الأصلية كتبت بواسطة ana lola تمام يا قمر عجبتنى ابقى كمليها بقا وآآنا متبعآآكى تسلمى

اقتباس المشاركة الأصلية كتبت بواسطة اميره الشعر الشجين جميله ياقمر نبهينى بالباقى لما تنزليه عشان اتابع

اقتباس المشاركة الأصلية كتبت بواسطة متفائله ف زمن اليأس جميله تسلمى مانى القمر

يلا بينا نشوف ايه اللى هيحصل معاهم
الفصل الثالث:
يا انا يا انتى
هو نفس الشخص اللى خبطها وهزقته
بس مش بينتله انها متفاجئه وقالتله
سما:نعم حضرتك بعتلى ليه؟
امير:انتى بقى الموظفه الجديده؟
بصتله سما بكل نرفزه وقالت
سما:اه انا
امير:اتفضلى اقعدى واقفه ليه؟
سما:انا مش جايه عشان اقعد فالولى ان حضرتك عايزينى
خير
امير:ا هانا طلبتك فعلا
بس لازم تقعدى نتعرف الاول بموظفتنا الجديده
سما:اكيد هنتعرف من خلال شغلى وتميزى ف الشركه مش انى اقعد قدام حضرتك ونتكلم
بصلها امير بكل اعجاب واعجابه بيزيد مع كل كلمه بتقولها ومشلش عينه من عليها وهى لاحظت ده فطلبت منه انه يقولها ع الشغل بسرعه عشان مش تعطله فرد عليها وقال
امير:بس انا سعيد جداااا بالعطله دي
بصتله سما والغضب مالى عنيها وقالت
سما:لو حضرتك مش هتقول دلوقتى انا ممكن اجى وقت تانى
امير:شكلك عناديه اوى بس مش مشكله بصى بقى هم قالولى انك معاكى مشروع عايزه تنفذيه
ايه هو المشروع عشان لو عجبنى ممكن اعمله
سما:اه عندى وبكره هقدمه للباشمهندس يحيى
امير:لاء بكره لما تجبيه هتعرضيه عليا انا الاول
سما:ازاى يعنى انا اللى اعرفه انه بيجى للباش مهندس يحيى الاول لو وافق عليه بيتعرض على حضرتك!
امير:صحيح بس المشروع ده بالذات هتعرضيه عليا انا الاول وبعد كده على يحيى
ردت عليه بكل نرفزه وقالت
سما:ماشى اوكيه طيب مفيش حاجه هعملها انهارده
امير:لاء مفيش
سما:خلاص ماشى انا ممكن امشى طالما مفيش حاجه هعملها
امير:طبعاااا ممكن
بس هو انتى وراكى حاجه تعمليها بعد كده
سما:لاء عادى بس انت بتسال ليه
ففرح اووى وقام من ع المكتب وقالها
كويس يبقى نتغدى مع بعض النهارد ده بمناسبه الشغل الجديد
بصتله بكل استهزاء وقالت
لاء طبعااا مش كويس لانى مش بخرج مع حد مش اعرفه
فرد عليها بكل غرور وقال
طيب ما انا قولتلك نتعرف وانتى اللى قولتى انك جايه تشتغلى
بس ولا يهمك احنا فيها اتفضللى اقعدى نتعرف وبعد كده ننزل نتغدى مع بعض
او ممكن نروح نتغدى ونتعرف على بعض واحنا بناكل
فردت عليه بكل غضب واستهزاء وقالت
والله؟ لاء طبعااا ولا نتعرف ولا نخرج نتغدى مع بعض انا قلتلك انا مش بخرج مع حد وجايه اشتغل وبس
امير:بس انا عايز اتعرف عن الناس اللى بيشتغلوا عندى واظن ان ده من حقى ولا ايه
فردت عليه بغضب شديد وقالت
اولا انا مش بشتغل عندك انا هنا مهندسه ثانيا لو عايز تعرف اللى شغالين معاك انا الملف بتاعى هنا فى الشركه ممكن تطلع عليه غير كده انا مش ممكن اقول اكتر من كده ويا ريت لو مفيش حاجه تانى تسمحلى انى اخرج
فرد عليها بغضب اكتر لانه مش متعود ع المعامله دي وقال
خلاص وانا كمان مش ممكن اسمحلك انك تمشى دلوقتى وتخرجى زيك زى الباقين
ردت عليه بكل ثقه وقالت
مش مهم حتى اتعود ع الشركه احسن ودلوقتى بقى طالما مفيش حاجه ممكن اروح مكتبى
رد عليها متضايق وقال
اتفضلى تقدرى تروحى بس بكره لازم تجيلى هنا
ومعاكى المشروع عشان تشرحيلى وجهة نظرك
ومشيت سما من المكتب وهى فى قمه النرفزه ودخلت مكتبها واول ما شفتها منى عرفت على طول ايه اللى ممكن يكون حصل ومنرفزها كل النرفزه دي
فبصت لها وقالت
يلا بقى احكيلى ايه اللى حصل بالظبط
فقعدت سما ع الكرسى وهى متعصبه جداااا وقالت
لاء انا كده مش ممكن ابداا استحمل ايه ده دا بجد واثق من نفسه جدااا ومش بس كده دا كمان مغرور جدااا جدا
منى:هههههههههه مش قلتلك ولسه بس الاولاحكيلى ايه اللى حصل وانا ممكن اقولك ايه اللى ممكن يعمله معاكى تانى
فحكتلها سما كل اللى حصل بالظبط وكمان قالت لها انه هو نفس الشخص اللى خبطها وحكتلها عليه ولما سمعت منى الكلام ده قالت لها انا برده كنت حاسه انه هوه بس قلت استنى لما اتاكد الاول وكملت سما ولما خلصت كلامها فضلت تضحك تضحك ولما سالتها سما بتضحك على ايه قالت
لاء ابداااا بس بجد جامده جامدة يعنى
وبعد كده رن تليفون منى وكان برده خطيبها زياد
منى:الو زياد
زياد:الوو يا روح قلب زياد
انا قربت اوصل الشركة حضرى نفسك عشان هطلع اسلم على امير وبعد كده هنزل اخدك ونروح نتغدى
منى:ماشى وانا كمان خلصت بس بسرعه مش تقعد ترغى مع امير وتنسانى
زياد:معقول يا روحى فى حد ينساكى برده
منى:ماشى مش تتاخر لا اله الا الله
زياد:محمد رسول الله سلام يا حياتى
التفتت منى لسما وقالت لها
معلش بقى انا هضطر اروح اتغدى مع زياد وهتبقى لوحدك الساعه ديه معلش
سما:لاء طبعاا ولا يهمك خدى راحتك وانا هبص فى اخبار الشركه وهسلى نفسى على ما ترجعى
منى:خلاص اوك استمتعى بوقتك ومتفكريش كتير فى امير طول ما انتى قويه مش هيقدر يعملك حاجه
وفى الوقت ده جيه زياد وطلع لامير يسلم عليه واول ما دخل مكتبه حضنه وسلم عليه وقاله
فينك يا ندل بقالى يومين مشفتكش
امير:انا برده؟انا كل يوم بسهر فى المكان بتعنا انت اللى مبتجيش
زياد:ما انت عارف انا لو رحت ايه اللى ممكن منى تعمله فيا
امير:لالالا انت يا زياد الله يرحم الرجاله بقى واحده تعمل فيك كل ده
زياد:بكره توقع ومش هشوفك بعد الساعه عشره
امير:الالالا مين ده انا مفيش حد يقدر يوقعنى عيب دا انا امير يابنى
زياد:ههههههههه انا برده كنت بقول كده وادينى وقعت زى الجردل
امير:ههههههههههه انت يا بابا لكن انا لسه متولدتش اللى توقع امير ولا هتتولد
زياد:والله لبكره تقع وهفكرك
امير:المهم دلوقتى انت وراك ايه
زياد:انا يا عم هخرج اتغدى مع منى اخيرااا وافقت
امير:امممممممممممممممممم وانا اللى قلت انك جاى تقعد معايا اتريك جاى عشان مصلحتك ماشى يا عم الله يسهلك
زياد:باى بقى عشان متاخرش عليها وتعملى تحقيق
امير:ماشى يا عم سلام ......اه صحيح انا رايح اسهر انهارد ده مش جاى برده
زياد:ما انا قلتلك انت عايزها تزعل منى ولا ايه وانت عارف انا مقدرش على زعلها سلام بقى
ونزل زياد لمنى اخدها وراحوا مطعم قريب من الشركة وطلبوا الاكل وفضلو يتكلمو
زياد:صحيح انا كنت عايز اقترح عليكى اننا نقدم ميعاد الفرح اصل سنه ونص كتير اوى وانا مش قادر اسيبك ولا لحظه
ومش عايز ثانيه تضيع واحنا مش مع بعض
منى:لاء طبعااا مش هينفع احنا اتفقنا وخلاص ومفيش حاجه جدت عشان نقدم الفرح
زياد:ازاى بقى احنا مخطوبين بقلنا 6 شهور وانا مش قادر استنى اكتر من كده ده مش كفايه
منى:لاء طبعاااا مش كفايه احنا منعرفش بعض كويس عشان نستعجل
زياد:ايه منعرفش بعض كويس
بقى كنا مع بعض 5 سنين فى الجامعه ومنعرفش بعض كويس
منى:اولا انا مكنتش اعرفك الا فى اخر سنه وانت عارف انت كنت ازااى
زياد:يعنى ايه كنت ازاى انتى عارفه انى من ساعه ما حبيتك وانا اتغيرت ومبقتش زى الاول ولا انتى شاكه فى ده
منى:لاء مش قصدى بس لازم مش نستعجل ده جواز مش لعب
رد عليها زياد بكل اسف وحزن وقال
لاء مش هي ديه الحكايه الحكايه انك مش بتحبينى زى ما انا بحبك وكمان مش واثقه فيا
منى:لاء مش هيه ديه الحكايه بس احنا لازم ندى لبعض فرصه نكتشف فيها عيوب ومميزات التانى ومنستعجلش و.............
وقطعها زياد وقام وقلها بغضب
لاء الواضح انك لحد دلوقتى مش مصدقانى
ع العموم خدى الوقت اللى انتى عايزه وفعلا زى ما قلتى وكمان سنه ونص قليل اوى
ردت عليه والدموع فى عنيها
افهم ايه من الكلام ده
زياد:افهمى اللى انتى عايزه تفهميه








الفصل الرابع:
بعترف قدام عينيك




وسابها بسرعه ومشى وقعدت منى مزهوله من اللى هى سمعته ده ومكنتش مصدقه نفسها وقامت وهى ماسكه دموعها بصعوبة
وراحت على طول على مكتبها واول ما دخلت المكتب شفتها سما وهى فى الحاله ديه وقالت
مالك فى ايه ..ايه الى حصل
اترمت منى فى حضنهاوعيتت وقالت
اتخانقت انا وزياد وشكله سبنى
ردت عليها سما بلهفه واسف وقالت
ليه ايه اللى حصل
منة:مش عارفه مش عارفه افتكرنى مش بحبه وبثق فيه
وحكتلها منى كل اللى حصل ولما خلصت سالتها سما
وانتى فعلا مش بتحبيه او مش واثقه فيه
منى:لاء طبعاااا بالعكس انا بموت فيه ومش ممكن اتخيل حياتى من غيره ابدااااا وانا والله بثق فيه بس مش عارفه هو ليه فهمنى غلط
سما:طيب ليه موافقتيش انكم تقدموا معاد الفرح
منى معرفش معرفش
ومنتعها دموعها والحاله اللى كانت فيها من الكلام فطلبت سما منها انها تروح البيت دلوقتى عشان تهدى وتعرف تفكر كويس
وفعلا روحت سما البيت لما وصلت عرفت ان باليل هيجى واحد عشان يخطب اختها ندى ففرحت ليها اووى وبعدين دخلت غرفتها وقعدت تفكر كتير وافتكرت زياد واللى كان بيعمله ويحاول يقنعها بحبه والسعاده اللى كانت فيها ومن التعب نامت منى وفى الوقت ده كانت سما فى المكتب مستنيه معاد الخروج عشان تمشى ولما جيه وقت الخروج لمت حاجتها ونزلت ووقفت تستنى تاكسى عشان تروح وفجاه وقف لها امير بعربيته الساحرة وقال
ايه ده انتى مش معاكى عربيه
خلاص يبقى تعالى اوصلك بدل ما توقفى تستنى
بصتله باحتكار وردت باستهزاء
لاء مبركبش مع حد معرفهوش اتفضل انت متتعبش نفسك
امير:برده متعرفهوش خلاص يا ستى اعتبرينى زى اخوكى
سما:والله لاء معنديش اخوات صبيان
امير:خلاص يبقى اعتبرينى زى ولدك اتفضلى بقى
سما:والله لاء الصراحه بابا اصغر شويه
امير:خلاص يبقى انا بباكى الكبير ويبقى عندك اب كبير واب صغير
سما:ولا اب كبير ولا اب صغير اصلا انا بابا ميت
ياريت حضرتك تتفضل وماتعطلش نفسك ولا تعطلنى
امير:بجد كويس احنا الاتنين فينا حاجات مشتركه
سما:ازاى يعنى انا اللى اعرفه ان والدك لسه عايش
امير"صح انا قصدى ان بباكى ميت وانا ماما ميته وعشان كده بقى انا اعتبرك بدل ماما وانتى تعتبرينى بدل بباكى
ايه رايك
اتفضلى بقى اوصلك يا احلى ماما فى الدنيا
سما:على فكره انا طولت اوى معاك وانا مش فاضيه
تااااااااكسى
وركبت سما التاكسى اما امير فضل باصص وفى عينه قمه الاعجاب والاصرار انه لازم لازم يخرج معاها وركب عربته وطار بسرعه ولما وصلت سما البيت قلتلها ولدتها ان اختها سلمى هطوصل اليوم من السفر هى وجوزها محمد وهيقعدوا اسبوع هنا لان جوزها عنده شغل فى مصر ففرحت سما جداااا لان اختها وحشتها اوووى وقالت لممتها انها جايه تعبانه وهتدخل تنام ولما توصل سلمى تصحيها على طول ودخلت تنام وهى بتقلح لبسها لحظت ان السلسله بتعتها مش موجوده فى رقبتها فقالت انها اكيد وقعت منها لما خبطت فى امير وزعلت جدااااا لان السلسه ديه ذكره من ولدها الله يرحمه ونامت وهى متاضيقه جدااا وبتقول من اولها خلانى افقد حاجه بحبها جداااا ربنا يستر ع اللى جاى بعدين ونامت والساعه ثمانية جت اختها وجوزها ع البيت وسلموا على ولدتها وبعد كده جوزها مشى عشان عنده حاجات مهمة لازم تخلص ولما مشى يالت سلمى ممتها وقالت
صحيح فين سما ديه وحشتنى اووووى هى فين
الام:هى دخلت تنام وقلتللى لما تيجى اصحيها ادخلى ادخلى صحيها على ما اجهزلك الاكل
ودخلت سلمى على غرفه سما قربت منها وقالت
ياااا عم الجامد شركه (.....) مره واحده
فقامت سما مفزوعه ولما بصت ولقت اختها فرحت اوى وحضنتها كتير وقالت ايه الغياب ده كله وحشانى اوووووووووووووووووووى
سلمى:وانتى كمان وحشانى اووووووووووووووووووووى
قومى قومى احكيلى اخر الاخبار يلاااااا
سما:حاضر قايمه قايمه وانا كمان عايزه اخد رايك فى حاجه مهمة اووى
سلمى:ماشى يا قمر قولى
سما:لاء لما ناكل الاول عشان نحكى على رواق وعشان انتى كمان تحكيلى ايه اخبارك مع محمد
ولما ولدتهم نادت عليهم قاموا كلوا ولما خلصوا دخلو بسرعه الغرفه وفضلت سما تحكلها عن امير وسالتها عن رايها فى انها تكمل ولا لاء فى الشركة ولما خلصت سما كلمها اتفجات بضحك اختها القوووى فاستغربت اووى وسالتها بتضحكى على ايه فقالت
بضحك على امير اللى انتى بتحكى عنه اصله يا عينى مش عارفك ههههههههههههههههههه
وفاكلر انه ممكن يوقعك
سما:اه والله دا نفسى تشوفيه انسان مغروووووووووووووووور اوووووى اووووى انا مشفتش حد كده ابدااا
سلمى:حلو بقى امير ده
فردت عليها متردده وقالت
يعنى
سلمى:يعنى ايه حلو ولا مش حلو
سما:يعنى اه ...حلو
سلمى:اه ه ه ه يعنى حلووو وزى القمر وانتى مش عايزه تعترفى صح؟
سما:اه يعنى امووور بس مغرور اكتر
سلمى:هههههههههههه
سما:سيبك منه دلوقتى وقوليلى اعمل ايه اكمل ولا لاء
سلمى:بصى............طالما الشغل ده فرصه ومش من السهل يتعوض فانتى ملكيش دعوه باللى اسمه امير ده وخليكى فى شغلك وبس وحتى ع الاقل جربى اليومين دول لو مرتحتيش امشى مش هتخسرى حاجه
سما:خلاص ماشى ومنى كمان قلتلى كده برده
سلمى:منى؟!! منى مين؟!!
سما:لاء ديه واحده جادعه اوووى اتعرفت عليها فى الشركه ابقى احكيلك عنها بعدين المهم دلوقتى قوليلى ايه اخبارك مع محمد لسه بيعملك حلو ولا اتغير؟
فردت سلمى ظهرها ع المخده وقالت
يااااااا محمد دا محمد ده احلى حاجه حصلتلى فى حياتى انا مش ممكن اعيش ولا لحظه من غيره ابدااااااا
سما:يا سيدى يا سيدى احكيلى ايه الحكايه بالظبط
وفضلت تحكلها سلمى عن محمد وازاى هو بيعمل كل حاجه عشان يسعدها وانها اسعد مخلوق فى الدنيا كلها
سما:يا سيدى يا سيدى وايه كمان احكيلى؟
سلمى:بس يا بت قومى ننام
سما:ننام ايه انا لسه مشبعتش من الكلام معاكى
وصحيح قوليلى انا كل ما اكلمك تقوليلى انا فى بلد كذه مع محمد هو انتى بتسفرى معاه فى شغله ولا ايه
سلمى:اه طبعااا امال اسيبه يسافر من غيرى ولا ايه؟!!
سما:بجد.......!!!....هو
هو موافق بقى.؟
سلمى:طبعااا هو اصلا مش بيقدر ينام وانا مش جامبه
سما:ياعينى على الناس النصحه وايه كمان؟
سلمى:مفيش هى ديه كل الحكايه اصل انا اللى عوته انى دايماا اكون معاه
سما:وهو بقى مش بيزهق؟
سلمى:مين ده .....لاء طبعااااااااا اصل انا لازم اكون كل يوم مختلفه وبحاول دايماا انى اكون زى اى واحدة وكل واحده هو ممكن يقابها عشان عينه مش تبص بره
سما:هى ديه الست النصحه هههههههه قولى كمان خلينى اتعلم يمكن انفع
فى الوقت ده كان امير سهران فى(....) واتفاجى بزياد داخل عليه وقال
ايه ده ايه يا عم غيرت رايك ولا ايه
لكن زياد مردش عليه والحزن كان باين جداااا عليه فساله امير
ايه اللى حصل فى ايه ..........انت كنت كويس الصبح .........دا انت كمان كنت مبصوت ايه اللى حصل قولى؟!
زياد:انا اتخانقت انا ومنى
امير:اتخانقتوا ليه ايه اللى حصل
زياد:مش عارف بس اصل انا فاتحتها فى موضوع اننا نقدم ميعاد الفرح شويه لكن هى مش وافقت ولما سالتها عن السبب قالت ليا انا معرفكش كويس
ولازم ندى فرصه لبعض اكتر وحاجات كده فهمت منها انها مش بتثق فيا لحد دلوقتى بعد كل اللى انا عملته علشانها وشديت معاها وسبتها ومشيت
ومش عارف احنا دلوقتى لسه مخطوبين ولا فركشنا؟
امير: كل الزعل ده عشان اتخانقتوا يا عم فكك
انا قلتلك مبيجيش من ورى الحب غير تعب القلب روق روق يعنى ايه سبتوا بعض مش مشكله وارجع بقى زياد القديم وخلينا نتمتع بشبابنا بدل ما يضيع مننا
زياد:ايه اللى انت بتقوله ده لاء طبعاااا انت مش عارف منى بالنسبه لى ايه منى ديه الهوا اللى بتنفسه ولا يمكن استحمل غيابها عنى ولو يوم واحد انا من قبل ما اقابل منى انا مكنتش عايش وعمرى ابتدا من لما قبلتها
امير:طيب ايه اللى جابك هنا طالما انت مش عايز ترجع زى زمان
زياد:انا تعبت من كتر التفكير ولما افتكرت انك اكيد هنا قلت اجيلك افضفضلك شويه وكمان تقولى انا ممكن اعمل ايه
امير:هههههههههههههه انت جيلى انا اقولك تعمل ايه ما انت عارف رايى من الاول
زياد:انا قلت يمكن تفدنى ما انا معنديش حد تانى
امير:طيب انت ايه اللى مزعلك من كلامها وخلاك سبتها وقمت
زياد:انا اللى مزعلنى انها لحد دلوقتى مش واثقه فيا بعد كل اللى انا عملته عشان تردى عنى وبعد الحب الكبير اللى انا بحبهلها وصعب عليا انها ممكن تكون مش بتحبنى زى ما انا بحبها
امير:خلاص يا عم قابلها بكرة واعرف منها ايه الحكايه وانها واثقه فيك ولا لاء
زياد:خلاص انا هكلمها دلوقتى احدد معاها ميعاد عشان نتقابل بكره
.........ايه ده فين موبيلى ...........اظاهر انى نسيته فى المكتب
امير:خلاص كلمها بكره
زياد:لاء...انا مش قادر استنى لبكره انا لازم اسمع صوتها سلام انا رايح لها
امير:استنى يا مجنون هتروح لها دلوقتى ازاى انت عارف الساعه كام
الساعه 2 بعد نص الليل هتروح ازاى اصبر لبكره وابقى كلمها
زياد:لسه هستنى لبكره انا مش هقدر استحمل ...اقولك هات موبايلك اتصل بيها واسمع صوتها ولو كلمه واحده
امير:خد......بس انا اللى اعرفه انها مش بترد على ارقام غريبه صح
زياد:اه صحيح طيب اعمل ايه ؟..............
انا رايح اجيب الموبايل واكلمها سلام
وراح زياد عشان يجيب الموبايل فلقى اتصال منى ورسالتها
مكنتش اتخيل ان ممكن اتصل بيك وماتردش مهما حصل بينا
وعرف انها اكيد زعلت اكتر لما مش رد عليها فاتصل عليها بسرعه لكن هى مش ردت عليه لانها زعلانة انه لسه فاكر يتصل بيها وانها مش على باله اصلا فكنسلت عليه وقفلت الموبايل فتاكد زياد انها زعلانه واكيد مش هتوافق تكلمه تانى ولا يتقبلو فراح البيت بتاعه وفضل يفكر ازاى ممكن يصالحها بعد اللى عمله لحد ما طلع الصبح فنزل عشان ينفذ اللى فكر فيه وفى الوقت ده قامت سما من النوم فلقت اختها بتكلم جوزها فى التليفون ولما خلصت فضلت تضحك ولما سالتها بتضحكى على ايه ايه
حرااااام عليكى سيبيه فى حاله مش رحماه ع الصبح كمان
فردت عليها وهى بترمى المخده عليها وقالت
ارحمه ايه يا حماره هو اللى متصل
سما:يا سلام......روميو وجوليت يا سيدى يا سيدى امتى بقى اتجوز وجوزى يقرفنى اتصال امتى؟
سلمى:يقرفك اتصال ايه الرومانسيه ديه
دا انتى امه داعيه عليه عشان هيجوزك
سما:هههههههههههههههههههههه طيب اوعى بقى عشان البس وروح الشغل انا امراة عامله مش زيك امراةعاطله
سلمى:امراة عامله انا عارفه كلها بكره ولا بعده وهتترفضى
سما:هههههههه اوعى بقى لحسن اتاخر واترفد انهارده مش بكره هههههههه
سلمى:هههههههههههههههه بس البسى حلو واتشيكى ع الاخر
سما:ليه بقى اشمعنه
سلمى:عشان اللى اسمه امير ده اللى هو زى القمر بس ولا ايه
فرمتها سما بالمخده وقالت
مين ده اللى اتشيك عشانه
واسكتى بقى ماتفكرينىش بيه عشان انا كل ما اسمع اسمه اتعصب
وقامت بسرعه سما ولبست وراحت الشركه وهى بتركب الاصنصارفاتفاجات بامير بيقولها
استنى استنى اطلع معاكى
وركب فعلا وحاول يتكلم معاها بس هى مكنتش بترد عليه وفجاه الاصنصار وقف فاتخضت سما وقالت
ايه اللى حصل الاصنصار ليه وقف
فرد عليها بكل برود وقال
انا اللى عطلته
بصتله بدهشه وقالت
طيب وبعدين
امير:انا عن نفسى حاولت كتير انى اكلمك لوحدنا على رواق وانتى اللى كنتى بترفضى
سما:لو سمحت ده مش وقته انا لازم اخرج دلوقتى
امير:خلاص انا موافق بس على شرط
سما:شرط؟!!شرط ايه ؟
امير:تقبلى دعوتى على الغدى انهارده فى المكان اللى تحبيه
سما:لاء طبعااااا مستحيل
امير:وانا ده شرطى الوحيد
لو مش عايزه خلينا هنا ان شا الله لبكرة
وانا عن نفسى مش عايز حاجه غير انى ابقى معاكى فى المكان الصغير ده وقادر اشوفك وابقى قريب منك
وقرب منها بس هى قالت بصوت عالى والازعاج والقلق باين عليها
لو سمحت خليك مكانك احسن ولو انت مش غايز تخرجنى انا هتصرف
امير:ههههههههههههههههههه يعنى هتعملى ايه؟؟!!
سما:دلوقتى تشوف
واتصلت بمنى وقالت لها انتى فين فقالت انا فى العربيه قربت ع الشركه خلاص اهو انا هركن وهاجى فقالت لها طيب ولما تيجى هتلاقى الاصنصار عطلان وانا فيه نادى لحد يعمله اوك وقفلت ولما قفلت قالت بكل ثقه وثبات لامير
يا امير بيه لو فاكر ان كل البنات ممكن تخرج معاهم فلازم تتاكد انى مش من البنات دول ولو الدنيا كلها خرجت معاك فانا لاء
فبصلها بكل اعجاب وقال
بس انا قلت انى هخرج معاكى ولازم برده تتاكدى ان لما امير يقول حاجه فلازم لازم يحققها مهما مهما حصل ماشى؟
وفجاه الاصنصار اشتغل فقال
وده بس علشان تعرفى انى لما احب اعمل حاجه بعملها
ونزلت فى الدور اللى فيه مكتبها وهى نازله قالت
على فكره لو مهما مهما عملت مش هتقدر تخلينى اعمل حاجه انا مش راضيه بيها
وكمل امير طلوع ولما دخل المكتب طلب من السكرتيره انها تبعت لسما فورااا ومعاها المشروع
ولما دخلت اتصلت بمنى عشان تقلها خلاص وبعد شويه اتصلت السكرتيره بسما عشان تقلها ان امير بيه عايزها ولما خلصت المكالمه لقت منى داخله عليها وسلمت وسالتها ايه الاخبار وعملت ايه مع زياد فقالت
ولا حاجه خلاص احنا هنسيب بعض
سما:ليه
ايه اللى حصل انتم اتكلمتوا من بعد اخر مره؟
منى:لاء بس امبارح بعد ما بعت الرساله مكلمنيش الا الساعه 3 بليل يعنى بعد ما افتكر ان فى واحده كلمته وبعتتله رساله عشان تعرف موقفه بالظبط بس انا مش رديت عليه
سما:طيب مش ممكن كان مشغول او الموبايل كان صامت ولا حاجه
منى:خلاص يا سما .............ارجوكى مش عايزه اتكلم فى الموضوع ده تانى ماشى؟
سما:خلاص برحتك انا مش هضغط عليكى بس انا حاسه ان اكيد فى حاجه هى اللى منعته يتصل بيكى او يرد على اتصالاتك
منى:هو ده المشروع بتاعك؟
سما:اه صحيح فكرتينى اللى اسمه امير كان طلبنى من شويه
منى:طيب اطلعى بسرعه عشان مش هتخلصى من كلامه
سما:ما نا هطلع ...بس انا مش عايزه اسيبك لوحدك وانتى كده
منى:لا ولا يهمك اطلعى انا كويسه متخافيش عليا
سما:طب امرى الى الله انا طالعه
وطلعت سما مكتب امير ولما دخلت قام من ع الكرسى وقال
اتاخرتى ليه مش انا بعتلك من بدرى؟
سما:اه .....بس انا كان ورايا حاجات كنت بعملها
امير:تانى مره لما ابعتلك يا انسه تيجى على طول وتسيبى كل اللى فى ايدك
اتفجات سما بالطريقه اللى بيعملها بيها وقالت
المشروع اهوه .................اجى اخده امتى عشان اعرضه على الباش مهندس يحيى؟
فاخد منها المشروع بس وهى بتديهوله مسكه من نفس المكان اللى هى مسكاه منه فاديه جت فى اديها بس هى سحبت اديها بسرعه وهو بصلها مبتسم وقال انا وراييا حاجات مهمه كتير ومش عارف انا ممكن اخلصه امتى
سما:المشروع مش هياخد اكتر من ساعه كقراءة اولى وممكن حضرتك لو مش فاضى مش لازم تقراه خالص
امير:خلاص انا قلت هقراة يعنى هقراه وابقى تعالى كمان ساعاتين اسالينى خلصته ولا لاء
سما:وليه اجى اسال لما حضرتك تخلصه ابقى خلى السكرتيره تتصل تقولى
امير:اولا المشروع ده بتاعك انتى وانتى اللى لازم تسالى عليه
ثانيا السكرتيره ديه سكرتيرتى انا مش سكرتيرتك انتى
سما:خلاص اوكيه اوكيه اى حاجه تانى
امير:لاء بس ممكن تدينى كوب الماء ده
سما: انا ماشيه والكوبايه قريبه اووووى لو مديت ايدك هتجبها سلام
اه صحيح انا هنا مهندسه مش فراش
ومشيت سما على مكتبها وامير الاعجاب عنده بيزيد كل ما بيشوفها ويزداد اصرار ع الوصول ليها باى تمن فى الدنيا مهما كان
ولما دخلت المكتب كانت متنرفزه جداا ولما سالتها منى حكتلها وبعد كده راحت عشان تجيب ساندوتشات ولما نزلت سما من المكتب جيه لمنى بوكيه ورد شكله روعه ولما بصت فى الورد ماقتش كارت فسالت عم سامح عن اللى جاب الورد بس هو قالها ان اللى جابه سابه ومشى عل طول وهو كمان قالها كده وخرج على طول بس منى ناديت عليه عشان يرمى الورد بس هو مش رد عليها وفجاه سمعت صوت اغنيه فدورت منين جاى الصوت ده بس معرفتش تحدد المكان بالظبط بس هو كان جاى من الورد والاغنيه شغاله
بعترف قدام عينيك ..من انهارده انا عمرى ليك
يا حبيبى وانت جامبى تفتكر انا هعمل ايه؟
هاى.هاهاهاهاى
وفجاه لقت زياد بيمسك ايديها وبيقول
تفتكر انا هعمل ايه
فبصتله منى وعنيها مليانه حب وعتاب ومرديتش عليه فقال لها
انا اسف عشان اتعصبت ومشيت وسبتك
وانتى عارفه انا بحبك قد ايه وليمكن استحمل بعدك او زعلك منى وعشان كلام امبارح اعتبرى انى مقلتش حاجه
وخدى الوقت اللى انتى عايزاه اهم حاجه انك تكونى جامبى
وباس ايديها وبصتله وقالت
بس انت ظلمتنى
زياد:وانا بتاسفلك واعملى اللى انتى عايزاه فيا وانا موافق عل اى حكم هتحكمى بيه عليا ماشى
منى:بس انا مقدرش اعاقبك
زياد:اعتبر ان ده غزل
فبصتله مبتسمه وقالت
افهم اللى انت عايز تفهمه
زياد:ياه دا انت قلبك اسود اووووى خلاص بقى
طيب قوليلى انا اعمل ايه عشان تسمحينى
منى:وانا كمان عايزاك تعرف انى مش ممكن اتصور الحياه بدونك
فلفها زياد بكل سعاده
ياااااااااااااااااااااا اخيراااا قولتيها
دا انا اللى لا يمكن اتصور الحياه من غيرك واوعدك انى لا يمكن اسيبك ولا ازعلك تانى مهما حصل لان انتى الهوا اللى بتنفسه ومن غيرك اموت
منى:بعد الشر عليك
زياد:يا حياتى ....خايفه عليا
خلاص بما انك سمحتينى تعالى نفطر مع بعض عشان انا مكلتش من امبارح عشان كنت خايف لكون ضيعتك من ايدى
منى:وانا كمان بس,................
زياد:بس ايه؟؟
منى:مش هينفع لانى عندى شغل كتير لازم يخلص وكمان سما راحت تجيب فطار وانا مش عايزه ازعلها منى
زياد:مش عايزه تزعليها وعايزه تزعلينى انا؟
منى:لاء طبعاااا بس هى راحت تجيب مش هينفع اقولها لاء
اه صحيح وتزعل ليع على فكره هى اللى قلتلى اتكلم معاك ونتفاهم وقالتلى كمان انها حاسه ان فى حاجه هى اللى خلتك متردش عليا امبارح وهى اللى هدتنى عليك المفروض تشكرها مش تزعل منى عشان مش عايزه ازعلها
زياد:خلاص اذا كان كده ماشى اشكرها واشكرها واشكرها
خلاص يبقى نتغدى مع بعض اوعى تقولى عندى شغل لحسن اخلى امير يرفدك عشان تفضيلى بقى شويه
منى:لاء خلاص انا موافقه نتغدى مع بعض
يلا بقى سلام عشان الحق اخلص اللى عليا ده
زياد:مش قادر ابعد عنك لحظه
انتى بتوحشينى وانتى معايا
منى:يلا بقى مش وقته
وزقته على بره وبتقوله
يلا بقىىىىى عندى شغل
فقال لها
سلام يا قمرى

[YOo YA]

جميله اوي بجد الحلقه
متابعه معاك ي قمر
وف انتظار الفصل الجديد

[Lamees]

مشوقة وجميلة تسلم الايادي
في انتظارك

[ماني القمر]

اقتباس المشاركة الأصلية كتبت بواسطة دمـوع القمـ آيـه ـر جميله اوي بجد الحلقه متابعه معاك ي قمر وف انتظار الفصل الجديد

اقتباس المشاركة الأصلية كتبت بواسطة اطياف الماضي مشوقة وجميلة تسلم الايادي في انتظارك

الفصل الخامس:
لا يمكن اتنازل عن الوصول ليكى


وبعد شويه دخلت سما على منى وقالت لها
هتكلى يعنى هتكلى متقليليش لاء
فبصت لها منى والسعاده ماليه عنيها وقالت
هكل طبعااا مكلش ليه؟!!!!!!!!!!!!
دا انا اسعد انسانه
فبصت لها سما باستغراب وقالت
ايه اللى حصل ايه غيرك كده
فمسكتها منى ولفت بيها وقالت
ده جرى وجرى وجره
فردت سما بكل سعاده وقالت
يبقى زياد جالك واتصلحتوا صح؟
منى:جالى وقالى..............انا اسف.......انا مكنش معايا الموبايل..............وانا بحبك....واوعدك انى مش هزعلك تانى و.و.و.و.و..........و......و.و
وانا اسعد انسانه انا حاسه انى عايزه اطير اطير
سما:سبحان مغير الاحوال ما انتى كنتى اتعس انسانه فى الدنيا
منى:انا بحبه اوووووى اوووى يا سما انا مكنتش اعرف انى بحبه كل الحب ده غير لما حاسيت انه ممكن يضيع منى
سما:ايوه كده وحشتنى ضحكتك الحلوة ديه
منى:هاتى ناكل هاتى دا انا هموت من الجوع
ولما خلصوا اكل قعت منى تحكلها على اللى حصل وبعد شويه افتكرت سما انها لازم تتطلع تسال عن المشروع فقالت لمنى انها طالعه
وقالت والله انا حاسه ان نهايته على ايدى شكلى ف مرة هرزعه بحاجه على دماغه اموته فيها
وطلعت وقبل ما تدخل سالت السيكرتيره اذا خلص ولا لاء المشروع بس هى قالت لها انها مش عارفه فخبطت الباب ودخلت ولما شفها قال
على فكره انتى مواعيدك مدمره خالص وده مش هينفع انتى جايه هنا عشان تشتغلى ولا ايه؟؟؟؟؟؟؟
فردت عليه بكل تكبر وثقه وقالت
اه طبعاا انا جايه عشان اشتغل وبس ها
فبصلها باعجاب وقال
انتى شكلك عنيده اوووى..................
سما:..........
امير:بس مش عليا
فابتسمت سما ابتسامه خفيفه ورفعت رقبتها وقالت
حضرتك متعرفنيش كويس انا مش ممكن اعمل حاجه غصب عنى...........
اه وعشان تريح نفسك من كل الكلام ده اظن ان واحد زيك فى فى حياته بنات كتير فمن الاحسن ليك انك تخرج معاهم وتعمل اللى انت عاوزه
بدل ما تتعب نفسك ع الفاضى
ولسه كان لسه امير هيتكلم فقطعته وقالت
وعشان انا جايه هنا للشغل فلو سمحت تقولى قرات المشروع ولا لاء ولو لاء يا ريت تديه للباشمهندس يحيى عشان انا عايزه اشتغل
فقعد امير على الكرسى بكل غرور وقال
وانا بقى................ لسه مخلصتش المشروع وهتستنى لغايه ما اخلصه ومش بس كده انتى كمان هتجيلى كل ساعه عشان تسالى عليه وعشان تريحى نفسك
انتى كمان، انا مش ناوى ابعته ليحيى غير لما اخلصه الاول ماشى
فبصتله سما بعصبيه وخرجت وقفلت الباب وراها بقوه فبص امير وبيضحك بصوت عالى وقال
ولو ..........لو عملتى ايه مش ممكن اتنازل عن الوصول ليكى
ونزلت سما المكتب وهى متعصبه فقالت لها منى ايه اللى حصل؟
فحكتلها وقالت
لاء، انا مش قادره استحمل البنى ادم ده اكتر من كده انا مشفتش حد فى غروره او بروده والله انا لو فضلت فى الشركه ديه اكتر من كده
انا ممكن اصور قتيل ،بجد ده انسان لايحتمل
منى:اهدى اهدى ما انا قلتلك بس لازم تستحملى عشان تحققى اللى انتى عايزاه
سما:لاء خلاص انا لازم استقيل واكيد ان شاء الله هلاقى شغل فى حته احسن من ديه
على الاقل مش هلاقى حد يضايقنى
منى:بس انتى من اكدلك ان مش ممكن امير يتصل باى شركه ممكن تشتغلى فيها ويقولهم ميشغلوكيش عندهم وبكده مش ممكن تشتغلى تانى فى اى شركه
مش بس كده دا كمان هتكونى خسرتى الشغل هنا ولو فكرتى ترجعى تانى فهيبقى بشروطه اللى انتى طبعاا عارفاها
سما: يعنى انا مش هخلص منه ابداا ولا ايه
منى:لاء طبعاا ان شاء الله هتخلصى ولازم تستحملى شويه وطالما انتى مش عايزه تعملى اللى هو عايزه فاكيد محدش هيقدر يجبرك على كدة
بس انتى لازم تتعملى معاه بحرص لان اللى زى ده مش متعود حد يقوله لاء ولما انتى عملتى كده فهو اكيد حطك فى دماغه ومصمم يوصلك
فخدى بالك كويس من تصرفاتك وتصرفاته
سما:انا هحاول وربنا يساعدنى
منى:ان شاء الله
سبينى بقى اتصل بزياد عشان وحشنى اوووووى
سما:ليه هو مش لسه كان عندك الصبح
فردت عليها منى بدلع وقالت
اه بس وحشنى اووووووى اصل انا مبقتش استحمل غيابه عنى لحظه
سما:يا حبيبتى
طيب يا ختى قومى ولا عيزانى اسبلك المكتب عشان تتكلمى برحتك؟
منى:لاء خليكى مش لازم انا هطلع انا اكلمه بره
وطلعت منى تتكلم بره وبعد دقيقه واحده دخل شاب وسيم وطويل لابس قميس ابيض جرافت اسود وقال
سلام عليكم
فردت سما عليه السلام والدهشه سبقاها فقال لها
هى فين الانسه منى
سما:الانسه منى راحت ثوانى وراجعه
فى حاجه ممكن ابلغهاها
الشاب:لاء شكراا
ومشى ناحيه الباب وفجاه لف وشه وقالها
انتى المهندسه الجديده
فبصتله مستغربه وقالت
اه هو حضرتك من الشركه هنا
الشاب:اه انا الباشمهندس يحيى واكيد هتقبلينى كتير بما انك مهندسه زيى
سما:اكيد وعلى فكره انا كنت عملت مشروع وقلولى انى لازم اسلمه لحضرتك تطلع عليه
يحيى:طيب كويس معرضتيهوش عليا ليه لحد دلوقتى
سما:للاسف انا كنت ناويه اعرضه على حضرتك بس
يحيى:بس ايه؟!!!!!!
سما:الاستاد امير طلب منى انى اعرضه عليه هو الاول
يحيى:تعرضيه عليه ليه المفروض يجيلى الاول
سما:معرفش هو اللى طلب منى كده مع انى قلتله بس هو اصر
يحيى:غريبه........بس ولا يهمك اول ما يبعتهولك لازم تعرضيه عليا اوكيه
سما:طبعاا اكيد
يحيى:سلام وانا سعيد جداا انى اتعرفت عليكى واتمنى اننا نتفاهم فى الشغل وتكونى بجد قد المسؤليه
ومشى يحيى واول ما مشى قالت سما
اهو هى ديه الناس المحترمه مش زى اللى اسمه امير ده اللى شايف نفسه وكان مفيش غيره فى الدنيا ديه
فدخلت منى عليها ولقتها بتكلم نفسها فاستغربت وضحكت وقالت
ههه ايه ده انتى بتكلمى نفسك ولا ايه للدرجادى انا بعد كده اخاف اسيبك لوحدك ههههههههه
فضحكت سما وقالت
لاء بس اصل الباشمهندس يحيى جيه يسال عليكى وان كنت بقول اهى هى ديه الناس مش اللى فوق ده
منى: المهندس يحيى بيسال عليا انا
مقليكيش عايزنى فى ايه
سنا:لاء انا سالته بس هو قالى لاء خلاص وهيبقى يبعتلك
منى:يارب يكون مشروعى اتقبل
سما:ان شاء الله هو باين عليه انسان محترم واكيد بيقدر المهندسين الكويسين
منى:الصراحه انا مشفتش فى زوقه ولا فى احترامه بجد انسان
محترم اخر حاجة
منى:اه فعلا ده انسان كويس جدا ومخترم مش زى اخينا اللى فوق ده
سما:المهم هو قال انه هيعدى عليكى تانى
منى:اوك
فى الوقت ده طلع يحيي لامير ولما دخل قاله
صحيح انت اخدت مشروع من المهندسه الجديده قبل ما يتعرض عليا
فاستغرب امير وقال
انت مين قالك
يحيى:مش المهم مين اللى قالى دلوقتى المهم انه صحيح
امير:بس انا المهم اعرف مين اللى قالك
يحيي:انت ليه اخدته منها قبل ما يتعرض عليا الاول مش المفروض ان ده من اختصاصاتى ولا ايه
امير:انت هتعلمنى اعمل ايه ومعملش ايه
يحيى:انا بس مستغرب من تصرفاتك المش محسوبه ديه
فقام امير بغضب وقال
متنساش نفسك يا باش مهندس انا هنا صاحب الشغل واعمل اللى انا عيزه ومحدش ليه دعوه
يحيى:انامش.....................
امير:القابله انتهت ........اه ومتنساش تقول للى بعتاك انها لو عايزه تقولللى حاجه تيجى بنفسها لحد عندى مش تبعتلى حد شغال عندى
يحيى:انا محدش باعتنى علشان اجيلك وكمان انا هنا مش بشتغل عند حد انا بصمم المشاريع وانت هنا علشان تستفيد منها اكتلر منى بتنفذها.
امير:اتفضل على مكتبك
عندى شغل
وخرج يحيي من المكتب وهو غضبان جداااا من كلام امير وراح على مكتبه وهو مكرر انه هيسيب الشغل ولما راح على مكتبه كتب الاستقاله وراح مكتب منى علشان يعتزرلها على مشروعها لانه هيسيب الشغل فاتفاجات منى هى وسما وسالته عن السبب فقال
مفيش كل الموضوع انى لا يمكن اقعد فى مكان حد يكلمنى بقله احتلرام ويعاملنى على انى شغال عندهم
منى:يكلمك بقله احترام مين اللى بيتعامل كده
يحيي:مش مهم المهم انى جاى بس اعتزرلك لان انا عارف ان ده مشروع حياتك بس مش مشكله اعرضيه على اللى هيجى بالى سلام
منى:ازاى بس لاء طبعا
حضرتك انسان محترم ولا يمكن يجى زيك ابداا
يحيي:ان شاء الله يجى الاحسن منى
منى:لكن انا مستغربه اووى مين ممكن يتكلم مع حضرتك بقله احترام هنا وكمان مين ده اللى ممكن يزعل حضرتك للدرجادى ويخليك تسيب الشغل
يحيي:امير
منى:امير؟؟
معقول
يحيي:اه امير
سما:هو مش حضرتك بقالك كتير فى الشركه هنا
يحيي: اه بسالى ليه
سما:انا قصدى ان حضرتك عارف اسلوبه كويس
يحيي:فعلا بس هو اول مره يقولى الكلام اللى هو قاله ده
سما:اول مره ليه ايه اللى حصل خلاه يكلمك كده
يحيي:الصراحه انتى السبب
سما: انا السبب؟ ليه
يحيي:اصلى كلمته عن مشروعك انه المفروض يتعرض عليا الاول فزعق وقال انى لازم الزم حدودى وانى شغال عنده وبس
سما:.....يعنى كل ده بسببى ...... وانا كمان السبب فى انك هتسيب الشغل
يحيي:لاء مش انتى السبب فى انى هسيب الشغل
انا همشى علشان انا محبش حد يبصلى على انى شغال عنده
سما: بس لو مكنتش فتحته فى موضوعى مكنش كلنك كده صح
يحيي:مفيش داعى نتكلم فى الموضوع ده اكتر من كده..
انا طولت عليكوا سلام بقى
سما:لو حضرتك سيبت الشغل انا كمان مش هستنى ولا ثانيه
لفلها يحيى وبصلها باعجاب وقال
ليه؟
سما:انا لا يمكن استنى فى المكان اللى كنت السبب فى انك تمشى منه
يحيي :بس انا قلتلك انك ملكيش ذنب
سما:متحاولش حضرتك تقول غير الحقيقه انا متاكده
يحيي:بس.........
سما:مفيش بس انا كمان هقدم استقالتى
منى:وانا كمان معاكم انا مش متخيله ان حد ممكن يساعدنى فى المشروع غير حضرتك
يحيي:............مش هينفع كده والله
منى:هو ده اخر كلام يا نمشى كلنا يا نبقى كلنا
فابتسم يحيي وقال
والله انا مش عارف اقولكم ايه بجداا شكراا لمشاعركم دى
منى:ها خلاص هتقعد
فضحك وقال
خلاص هقعد
واتكلموا شويه وضحكوا وفجاه دخل امير وقال
والله كويس حضرتكم سايبين الشغل وقاعدين تهزروا هنا وتضحكوا صح
فاتخضت منى وقالت
لا خالص احنا مش سايبين الشغل ولا حاجه احنا بس كنا بنتكلم فى موضوع مهم وخلاص خلص
امير:اممممممم وايه هو بقى الموضوع المهم ده
وكان بيوجه كلامه لسما لكن هى مردتش عليه فقالت منى
.يعنى .........اه.......اه كنا بنتكلم فى المشروع بتاعى اه
امير:امممم والمشروع بتاعك ايه اللى فيه بيضحك كل الضحك ده
ياريت تعرفينى يا انسه منى علشان عايز اضحك انا كمان شوية
وقطع كلامهم زياد بيقول
ايه ده كلكم هنا ومش عازمنى
فاخدت منى نفسها وقالت اهلا مقلتليش انك هتيجى يعنى
زياد:اصلى قلت اجى اطب عليكوا واعرف انتوا بتعملوا ايه من غيرى
وبعدها استاذن يحيي انه يمشى وخرج فقال امير
اقعد بقى انت وخطبتك وعطلى الشغل بقى
فمسك زياد رقبته وقال عجبك ولا مش عجبك
امير:عجبنى يا باشا ولو عايز ممكن اجبلكم اتنين ليمون لو عايز
زياد:نبقى نشوف الموضوع ده بعدين يلا اتكل انت بقى
امير:ماشى يا عم
الفصل السادس:
اخرجى معايا الاول


وبص لسما وقال
انت تعالى المكتب عايزك
واستغربت منى من طلبه وخافت على سما وقالت لزياد روح قول لصاحبك مايضايقهاش فراح قاله
فرد امير وقال فكك انت من الموضوع ده
وبص لسما وقال
ماتتأخريش وتعالي ورايا على طول
فطلعت سما ولما دخلت المكتب قال
انت فكرك لما تبعاتيلى حد بيشتغل عندى انا ممكن اخاف ولا اديكي المشروع انسى..................
سما:ابعت حد.............حد مين اللى بعته
امير:يحيي .......انتى فكرانى مش عارف انك اللى بعتاه
سما:انا مش بعت حد.........وكمان ..........
امير:عايزه تفهميني انه عرف لوحده بمشروعك
سما:لآ انا اللى قولتله على المشروع بس مش قلتله ياخده منك ولا.....
امير:خلاص خلاص
علشان بعد كده ماتتكلميش مع حد تانى
انسى المشروع خالص
سما:ايه؟!!!!!!!!!!!!!!!!!
انت بتقول ايه يعنى ايه انسى
امير:يعنى انا ماخدتش منك مشاريع
سما:ايه................يعنى ايه
امير:دى بس قرصه ودن عشان ماتتكلميش مع حد فى حاجه انا بعملها
سما:بس..............
امير:بس لو عايزه المشروع انا ممكن اديهولك
بس على شرط
سما:شرط؟!!!!!!!!!!! شرط ايه
امير:لما تخرجى معايا الاول
سما:اممممممممم طيب
ففرح امير وقال :طيب
خلاص هتخرجى معايا
ابتسمت سما وقالت
طيب خلى المشروع علشانك وانا مس هخرج معاك حتى لو هيضيع مستقبلى
ومشيت سما ورزعت الباب وراها
فتضايق امير لكن ابتسم وقال:عنيده
ونزلت سما مكتبها وفضلت تعيط أووووووووووى
ودخل يحيى عليها فمسحت دموعها وقرب منها
وقال:فى حاجه ؟!!!!!!! انتى كويسه
سما:اه................اه انا كويسه مفيش حاجه
يحيى: بس انتى بتعيطى
سما:لآ ولا حاجه بس كنت مضايقه شويه
يحيى:يضيقك لو سألتك على السبب
سما:لآ
مشاكل فى البيت.............بس
يحيى: ع العموم مش هضغط عليكى اكتر من كده
انتى مش هتروحى تتغدى
سما: لآ انابجيب سندوتشات وبأكولها هنا
يحيى: طيب كويس وانا كمان بجيب سندوتشات
هاروح اجيب ليا وليكى
سما: لآشكرا انا هتصل بمنى هخليها تجبلي معاها
يحيى: ممكن ماتكونش هاتيجى دلوقتى انا هاجبلك معايا
سما: انا مش عايزه اتعب حضرتك
يحيى: لآ مفيش تعب ولا حاجه
سما: انا مش عارفه اقول لحضرتك ايه
يحيى: ماتقوليش حاجه انا هاروح واجى بسرعه
وراح يحيي وجاب الشندوتشات واداها السندوتشات فقالت شكرا
وبعدها راح يحيي على مكتبه وشويه وجت منى وسالتها على اللى كان عايزه امير ولما عرفت قالت
انا مش عارفه امير بيعمل كده ليه
سما:انا مخنوقه اوى ومش عارفه اعمل ايه وانا اللى قلت ان الشركه دى هتخلينى اكبر مهندسه هى نفسها اللى هضيع مستقبلى قوليلى اعمل ايه؟
منى:انا مش عارفة المشكله ان امير عنيد اوى
سما:طب والمشروع انتى عارفه يهمنى اد ايه صحيح انا عملت انه مش يهمنى لكن ده مستقبلى
منى:طب انتى قررتى هتعملى ايه
سما:مش عارفه انتى ايه رايك
منى:انا رايى متسيبيش الشغل
سما:مش عارفه
اقولك انا رايحه البيت وافكر على رواق..................سلام
وراحت سما البيت وحكت لاختها فقالت لها ان هى لازم تبقى فى الشغل علشان لو مشيت ممكن يعمل زى ما منى قالت كالما ححطتها ف دماغه وانها مش لازم تنكسر من اول تجربة
واقتنعت جدا بكلامها وقررت انها تفضل فى الشركه
وتانى يوم لما راحت المكتب اتفاجات بمهندسه جديده على مكتبها فاستغربت
وقالت:انتى هنا جديده ؟!!!!!!!!!!
المهندسه:اه
سما:وفين مكتبك
المهندسه:هو ده مكتبى
واستغربت سما وقاطعها استاذ فوزى وهو بيقول اطلعى فوق لامير بيه
ولما طلعت بصلها امير
وقال:ايه رايك فى مكتبك الجديد
وشاور على مكتب جنبه فى نفس الغرفه فاستغربت سما
وقالت:مكتب مين؟!!!!!!!!!!!!!
امير:مكتبك يا باش مهندسه
انا قررت ان مكتبك يكون هنا
........معايا
سما:انا لا يمكن اوافق على كده ابدااااااااااا
وخرجت بسرعه وهى متضايقه واخدت منى على كافيتيريه الشركه وحكتلها على اللى حصلفردت وقالت:ههههههههههههههههه انتى شكلك معلقه اووىمعاه
سما:انتى بتضحكى؟!
منى:الصراحه حاجه تضحك
سما:يوووووة طب المهم اعمل ايه فى الواقعه دى
منى:من راى انك توافقى بالمكان الجديد بكل بساطه ومش بس كده انتى كمان اتعملى معاه بكل برود وكانك مبسوطه بالمكتب الجديد وكمان بدل ما كان هو عامل كده علشان يضايقك انتى ضايقيه
سما:ماشى الكلام
وطالما هو واخدها تحدى فانا بقى قبلت التحدى
منى:كويس كده وبالمناسبه الحلوه دى بعزمك على خطوبه اختى الجمعه الجايه هتيجى صح؟
سما:طبعاا والف مبروك
وطلعت سما مكتبها الجديد فلما دخلت استغرب امير لكن كان مبسوط جداا وبصلها وقال
رجعتى تانى ليه انتى مش قلتى انك مش موافقه
فبصتله سما بكل برود وثقة
وقالت
اصلى فكرت فى الموضوع ولقيتها مش فارقه خالص هنا زى تحت كله شغل ولا ايه؟
واتبسط جدااا بقرارها ويوم الجمعه بعد كده راحت سما خطوبه اخت منى ولما راحت لقيت امير هناك وهو اتفاجىء بوجودها لكن كان مبسوط ومشلش عينه من عليها طول الحفله لحد لما بقت لوحدها فقرب منهاوصفر وقال
ايه القمر ده
تعرفى من كتر حماسك واهتمامك بالشغل الزايد انا فكرت انك ممكن متهتميش بنفسك بس اعترفلك انى كنت غلطان اوووووى وممكن اعترفلك كمان قدام الناس دى كلها انك احلى واحده وقعت عينى عليها
سما:لو سمحت احنا.................
امير:احنا ايه؟ احنا هنا مش فى الشغل واقول اللى عايزة ولو مش عايزانى اعكسك يبقى لازم تغيرى من نفسك وتبقى وحشة مع انى متاكد لوعملتى ايه هتفضلى زى القمر برده
وطول الحفله وهو كده ولغايه ماروحت وفى الشركه كمان فضلت تشتغل اسبوعين فى مكتب امير اللى كان بيضايقها بنظراته لغايه يوم استغل انها بترسم ومش شايفاه فقرب منها ولمس شعرها وقال
تعرفى ان شعرك حل اووى
فاتخضت ورجعت ورا وبعدت ايده عنها بقوه وقالت
لوسمحت احنا فى شغل ولازم تحترم ده
وحاولت انها تخرج من المكتب لكنه كان بيحلق عليهاوبيمنعها وقرب منها اكتر وبص فى عنيهاوقال
معقول عايزه تحرمينى من عيونك الحلوه دى
سما:لوسمحت خلينى اخرج دلوقتى(كانت خايفه منه اوى)
امير:انتى ليه بتحاولى تهربى منى؟
سما:اعتقد انى قلت لحضرتك قبل كده انى مش زى البنات اللى عرفتهم اللى بتتسحر بيك ولا يمكن اكون منهم ولا عايزة اكون زيهم سبنى ارجوك اخرج
امير:بص فى عنيها وقرب اكتر وقال يعنى انا بسحر
فزقته وخرجت بسرعه وقالت مش هقولك تانى انى مش منهم
فابتسم امير وقال بصوت واطى
(وانا مش عايزك زيهم)



يابنات انا هنزل فصه تانيه اسمه ايام حلوه وبنعشها ولكن .....
في ممكن متباعه بقا

[Lamees]

تم النقل للقسم المناسب

رواية انتى ليا مش لحد تانى - منتدى فتكات

[العاشق الذى لم يتب]

رائع الانتقاء

وجميلة الافادة

دام التميز والحضور

تحياتى وودى