الزواج عند الشاب المصري

[world]

استكمالا لموضوع فتور العلاقه الزوجيه
بين الرجل والمراه
بعد الزواج


ومن تعليق احد الاعضاء لفت نظري لسؤال وهو
ما هو الزواج عند الشاب المصري ؟!!

يعني مثلا الشاب يعمل علاقه مع بنت ويغلطو مع بعض
هي بتحبو وهو المفروض بيحبها
لكن وقتها هيرفض الزواج منها وهيقول الجمله الشهيرة (( م انا اخدت ال عاوزو اتجوز ليه))

ده الزواج عنده مجرد جنس
...

فلو حدث نفس الموضوع ده في الخارج هتلاقي الرجل يتزوجها بردو
ده لان الزواج عنده حياه مشتركه اطفال محبه وليس مجرد جنس

الشاب ال الي مراته لا تنجب او تنجب بنات فقط يقوم يطلقها ويتجوز غيرها بمنتهي السهوله
دة الزواج عنده مجرد اطفال

الزواج عند اغلب الرجال المصريين هو الانتقال من بيت الام
الي بيت ام اخري تدادي وتأٌكل وتشرب وتنضف للبيه

وهذا سبب اساسي لانتشار حاالات الطلاق والخلاف ف البيوت
لان الزواج ليس استكمال للحب الحقيقي ينتهي بفتور ف العلاقه

متي يكون الزواج حياه مشتركه لبناء مجتمع سوي وانتاج اطفال سويين يعيشون في بيت من المحبه
ليقدمو لبلدهم الكثير ؟!
ما هو الزواج من وجهت نظرك ؟؟!
ملحوظه الكلام عن (المعظم) وليس (الكل)

[reda galal]

والله يا
world من جراه مواضيعك بيقت اخاف ارد




احيكى على موضوعك وليا عوده للرد

[شاعر الحب الحزين]

ليس الشاب المصري فقط يا مرمر

تلك خصلة سيئة موجودة عند الكثير ان

لا يستلذ بحلاله وينظر لما هو محرم عليه

العلاقة الزوجية من اقوى علاقات الحب لو تم الحفاظ عليها

مش ييجي الزوج يرجع البيت يلاقي مراته ريحتها طبيخ وبصل ههههاي

ومش هو كمان ينام ف هدوم الشغل ويقلع جزمته وينسى الشراب ههههاي

دي حاجات عادية بس بتخلي الطرفين ينفروا من بعض

بس نيجي للحتة الاهم وهي القلب القلب لو اقتنع بحب واحد هيغنيه عن كل الدنيا

لو عرف ان ممكن نظرته لغير زوجته غلط وملهاش اي فائدة هيسعد بالجواز ويرتاح باله

بس صدقيني التعري واللبس الغير شرعي بيفتن ناس ياما ويبوظ علاقات زواج كتيرة

ومابين نفس امارة بالسوء وشياطين بتكره الانسان ف حلاله بيتم الغلط والطمع

اتمنى نتغير جميعا للأحسن وان اللي يتجوز يكمل نص دينه فعلا

مش ينسى دينه خالص

موضوع جميل يا مرمر بحييكي على نشاطك

ويارب دايما مواضيعك هادفة كده وبتمس المجتمع

منورة الدنيا

[۩۩ elMagic ۩۩]

كلامك واقعى حتى لو الواحد فكر يرد
فا مش عارف يرد يقول ايه
ولو هسأل نفسى الزواج بالنسبالى ايه هاقولك مش عارف = d
بس اللى اعرفه انها حياه تانيه مختلفه عن اللى انت عايشها
في الاول انت كنت مسئول عن نفسك
وبعدها هتبقى مسئول عن اشخاص تانيه شايلين اسمك معاك
واكيد المسؤليات بتزيد بس دي سنة الحياه .. تسلمى لموضوعك القيم

[Dr. AnOosHo]

الزواج يعني حب موده رحمه
الزواج يعني ان حياتي اتنقلت من عدم المسؤوليه للمسؤوليه
الزواج يعني بيت واسرة جديده لازم تتبني صح
انا من اكتر الناس اللي حاطه الجواز اخر بند ممكن افكر فيه لانه دلوقت مبقاش موده ورحمه
بصراحه وبقولها لاي حد يسالني انا من الناس اللي من كتر اللي بشوفه وباسمعه اخدت جنب عن الجزء ده
مش حاسه ان هو ده اللي ربنا اكلم عنه وكرمه مش هو ده الزواج اللي بيقوم على المحبه والموده والرحمه
مش يعمم والله بس الاغلبيه اللي بنشوفها بتصدم

[ساحر الأحزان]

هو الزواج تكملة علاقة شريفة ووضع نهاية سعيدة ليها

مش مجرد نزوة وتنتهى

الراجل الغربى برغم برودة الا انة بيلتزم بعلاقتة مش بيهرب منها وخصوصا بعد انجاب الاطفال

ودى ميزة تحسب لية

[اميره الشعر الشجين]

هقولك كلمه وحده وبس انتى بمجتمع شرقى خلص كلامى

[world]

اقتباس المشاركة الأصلية كتبت بواسطة اميره الشعر الشجين هقولك كلمه وحده وبس انتى بمجتمع شرقى خلص كلامى

جبتي م الاخر

[world]

بصراحه كل تعليقاتك قويه ومميزة منورني كلكم

[midoteama]

لا مش كده
خالص