اعضاء ومشرفين ومراقبين واداريين بنات مصــر.. تعالو نتكلم شويه

[الأميرة رودي]

اقتباس المشاركة الأصلية كتبت بواسطة واد حبيب من غير هجوم ماشي علشان المنتدي يكون فيه نشاط لزم اكل يشتغل بضمير واللي بيشتغل ياخد حقه من زمان مفيش تكريم للاعضاء اللي هما كانو شغلين الفتره اللي فاتت الاول لزم يكون في تكريم لهم ولزم يكون فيه مسابقات تفاعليه علشان يكون في نشاط شويه والمشرفين اللي بقالهم كتير مش ببدخلو لزم ينشالو ويكون فيه ناس غيرهم علشان ينشطو الاقسام والاهم من ده كله ان الاداره تتواصل مع الاعضاء والكل ياخد حقه والاميره رودي تنشال من المراقبه وانا اكون مكانه هههه والله الموفق

كلامك صح وكل النقط اللى ذكرتها مهمه
اللى بيشتغل لازم ياخد حقه
والتكريم اللى اتأخر هيرجع بانتظام حتى لو الاداره كلها غابت حد من الرقابه هينوب عنهم وينزل تكريمات لاعضاء والمشرفين الموجودين لحين تعيين اداري بديل
ده لو الموجودين هيغيبو فترات طويله..
والمسابقات التفاعليه مسئوليه مشرف كل قسم
كل مشرف يفكر فى حاجه كويسه وتجذب الاعضاء لقسمــه
زى مالاداره بنقول مقصره والمراقبين غايبين فكتير من المشرفين برده مش بيشتغلو اد كده ف اقسامهم. كمان الاعضاء مقصرين لان لو فيه اعضاء بيشتغلو اد كده كانو اجبر المشرف على التكريمات باستمرار
لكن انا واحده زيي مش عارفه اعمل تكريم فى قسم السياحه لانى مش لاقيه شغل فيه
يبقى اكرم مين ؟؟؟
يبقى زي ما قولت ف البدايه الكل مقصر

** المشرفين اللى مش بيدخلو وبيطول غيابهم هيتم تغييرهم الفتره الجايه ان شاءالله
ودى مسئوليه الاداره واتكمنا معاهم وأكدو نيتهم فى التغيير الشامل

الاعضاء هيتعين منهم ناس اللى هما بيدخلو على طول ومتابعين باستمرار

**
تواصل الاداره مع الاداره هيكون باستمرار

كل فتره هيتفتح توبيك زي ده والكل يتكلم ويقول رأيه
والاقتراحات الانسب واللى فى المصلحه العامه هتتنفذ
بس مش تقولى الاداره تتواصل مع الناس بانهم يبعتولهم رسايل خاصه وسلامات وطيبون
لا طالما التواصل المرجو هو انننا نكون قريبين وافكارنا واحده

يبقى الحل المعقول ان توبيك زى ده يتفتح كل فتره من قبل الاداره واللى عنده شئ يقدمه ويتكلم فيه

وعن شيل الاميره رودي انا موافقه وبصمه بالعشره شيلونى وهاتو الحبيب او اياد مكاني
والله انت كده رايق

[الأميرة رودي]

اقتباس المشاركة الأصلية كتبت بواسطة اطياف الماضي انا بقترح فعلاً تغيير المشرفين وتعيين مشرفين جدد انا عن نفسي محتاجة مشرفة معايا او مشرف لأني ظروفي مش زي الأول ومحتاجة حد معايا يسد مكاني في غيابي كمان الاعضاء الجدد محتاجين اهتمام اكبر وترحيب كمان التكريمات بتكون دافع للأستمرار والله الموفق

تمام
هو ده اللى هيحصل ياروني
الموضوع مش صعب بس محتاج تعاون من الكل
على سبيل المثال انتى مشرفه قسم وأدرى بأكتر ناس بيشتغلو عندجك وبيكتبو بأقلامهم
ويستحقو اشراف الاقلام
رشحي كام اسم ونشوف مين اكترهم تفاعل ونشاط على المستوى العام ومع الاقلام بشكل خاص
والاداره مش هتتأخر فى كده
وتمام نقطه التكريمات باستمرار هترجع تاني
وكمان الترحيب اهو فيه مشرف مكلف دالوقتى بيها
وكمان احنا كلنا مكلفين بترحيب اى عضو جديد

كويس اننا بنحط ايدينا على السلبيات عشان نقدر نعالجها

واللى استنتجته ان اغلب القصور جاى من ناحيه غياب بعض المشرفين واهمالهم لاقسامهم
وقله التكريمات او طول فترتها
ودول فعلا اهم حاجه المفروض هتتعدل

متشكره اوى رونى لاضافتك ومشاركتك معانا

[الأميرة رودي]

اقتباس المشاركة الأصلية كتبت بواسطة arco baleno مجهود طيب وجميل منك اختي رودي وفعلا المنتدى في العد التنازلي والواحد بدا يزهق فعلا وجميل انك تجمعي الاقتراحات والصالح يتنفذ والاهم يكون فيه تواجد اداري لان الغياب محبط جدا ومن ناحيه الاقتراحات قبل كل شي لازم يكون الجميع قلبه على المنتدى وتسود بين الجميع المحبه والبعد عن الخلافات ومن ناحيتي راح اكمل مابدات ووقفته الامتحانات ورمضان واكمل خطه نمر اليوم والتكريم تبع نمر اليوم وراح استمع معاك على الاقتراحات اختي الغاليه والرائعه رودي موفقه دوما ورمضانك مبارك يارب

الله يخليكي حــوراء
حمدالله على سلامتك نورتى الدنيــا ومبسوطه بشوفتك
وان شاالله تكونى وفقتى فى اختباراتك

صح كلامك لآزم قبل كل شئ يكون الجميع قلبه على المنتدى
وتسود بين الجميع لمحبه والبعد عن التربص والخلافات
لانه بدون كده مش هتقدري تحققي اى نجاح فى اى مكان

واحنا فى انتظارك تكملى حملتك فى نمر اليوم
عوده طيبه ياجميله
بالتوفيق ان شاالله

[Stop Ana Eltop]

فكره حلوه وبدايه جمييله

المنتدى بدء يشد حيله تانى اهوت والشغل حلوو

بالتوفيق بقن

[الأميرة رودي]

اقتباس المشاركة الأصلية كتبت بواسطة راجعة لحبيبى كل عام والجميع بخير مشكوره رودى وكلام طيب اناعن نفسى والله مااخش اى مكان غيربتات مصر ومالى مكان غيره بحكم ظروف عملى ماعنجى وقت كافى غيراخش هنا وبحاول اتفاعل كثيرالاقى اهمال وتقسير ومحمد قال نقاط مهمه وفيه اقسام تحتاج مشرفين ونشاط زمان يوم كنت مشرفه وعندى وقت كنت اسوى مسابقات ونشاط فى كل مكان وكمان ابى اقول شيئ مهم اناشايفه مشرفين على اقسام ياليت تخليهم على اقسام ثانيه هم متفاعلين فيهااكثر لو وضعتيهم عليها يشغلونهاوينشطونها اكيد انت تعرفينهم متواجدين وقد المسئوليه كمان اكثرمايهبط كون الاداره والمراقبين والمشرفين يغيبون كثير

تمام حبيبتي
كل النقاط اللى ذكرتيها فى عين الاعتبار
المشرفين المقصرين هيتركو اقسامهم قريب
وهيتم تعيينات جديده
والكل هياخد حقه
مشكوره لاضافتك ومشاركتك معانا

[الأميرة رودي]

اقتباس المشاركة الأصلية كتبت بواسطة morshooo احم احم طيب انا ثبت التوبيك وبعيد عن فكرته الى يارب قبل ما المنتدى يتقفل خالص اشوف مره واحده طلبات الاعضاء واقتراحاتهم بتتحقق انا ليه تعليق بس على الكلمه دى شكــــــرا كثيــرا للاداره لاعطائنا مساحه تشاور لكل ارائنا واقتراحاتنا فى انتظــار ارائكم جميعا . مش واسعه شويه دى ارودى والا الصيام عامل عميله معاكى هههههههههههههه هى فين الادارة دى الى بتشكريها اصلا .

متشكره أمورشو على تثبيت التوبيك
توء توء مش واسعه ولا حاجه
عارفه انا بقول ايه
مش بقول حاجه من الهوا انا
الاداره حبت تسمع كل الناس وتعرف ارائهم وتشوف الاقتراحات وامكانيه تنفيذها
واهو كل واحد فعلا قال رأيه
وفعلا الاراء كلها عقلانيه وكلها فى مصلحه المنتدى
يعنى التوبيك ماشي صح وبيجمع اراء واقتراحات محترمه

نورتنى ياكبير
مانتحرمش من طلتك

[ساحر الأحزان]

مساء الخير

يمكن محمود اتكلم عن نقطة مهمة وهى نقطة التسجيل يعنى لما الاقى عندى نسبة تسجيل عالية دة معناة فية تفاعل حيحصل ؟

لما واحد يكتب موضوع ويلاقى نسبة ردود عالية يبقى تمام ولما نكتب موضوع نسبة الردود بسيطة

حنلوم على الادارة طب مكل واحد يشتغل من ناحيتة حنلاقى الامور اتحسنت كتير جدا

نسبة الغياب واردة علينا كلنا وكل واحد بيعمل الى يقدر علية

اى اقتراح بيتعرض وبنشوفة بيتم الرد علية واى مسابقة بتتعمل بنرد عليها

بلاش نبص بصة محبطة خلينا نبص بتفائل

وشكرا ليكى ردوى على فتح المساحة

[ParoOo]

انا ع نفسى اولا هتكلم عن تدهور المنتدى

هو فعلا المنتدى متدهوور لكن ده ميمنعش ان احنا اللى دهورنا

ولازم ان احنا نحافظ ع المنتدى اكتر من كده

[morshooo]

اقتباس المشاركة الأصلية كتبت بواسطة الأميرة رودي متشكره أمورشو على تثبيت التوبيك توء توء مش واسعه ولا حاجه عارفه انا بقول ايه مش بقول حاجه من الهوا انا الاداره حبت تسمع كل الناس وتعرف ارائهم وتشوف الاقتراحات وامكانيه تنفيذها واهو كل واحد فعلا قال رأيه وفعلا الاراء كلها عقلانيه وكلها فى مصلحه المنتدى يعنى التوبيك ماشي صح وبيجمع اراء واقتراحات محترمه نورتنى ياكبير مانتحرمش من طلتك

على فكره مقصدش انك بتقولى كلام فى الهوا
بس معتقدش ان الادارة هتقولك شيلى التوبيك دا
مع انها عملتها معايا قبل كدا لما عملت توبيك
فيه رئى الاعضاء فيهم ودخلو الرسائل الخاصه وشفوها
وحصل الى حصل وقتها عموما الحمد لله المنتدى شغال اهو دلوقتى
لما نشوف هيعملو ايه عشان يحافظو على الاعضاء الى بيدخولو .

[الأميرة رودي]

أشكرك أمجد لوجودك الطيب
محمود وعد فعلا انه هيحل مشكله ضعف التسجيل
واللى هو سبب اساسي فى قله التفاعل
واحنا فى انتظار كده