فضائح المطبخ ....2

[big bốss]

اهلآ و سهلآ بيكم يا عساسيل

فى تانى حلقه من برنامج فضائح المطبخ

و معانا النهارده

سوار الياسمين
عضو سوبر







اهلا بالعضوه الجميله المعجبه منه

فى برنامج فضائح المطبخ

اهلا بيك يانور علي فكرة انا مش معجبة انت مصمم بردو ربنا يستر بقي


1- انتى بتعرفى تطبخى و لا لا ؟ و مين علمك ؟

اة اكيييد ومين مش بيحب المطبخ انا بحب اتعلم كل حاجة جديدة وبحب اجربها مهما كانت

مهما كانت الخساير فى الاواح دى مجازفه


2- بتحبي المطبخ و احساسك ايه انتى و دخلاه ؟

(بحس باية هو انا هتجوزة ) باحس اني عايزة اعمل كل حاجة مش مش عارفة اعمل حاجة

خايبه


3- ايه هى الاطباق و الوصفات الى بتعرفى تعمليها ؟

يااااااااااة كتير يابني زي امممم الارز بجميع انواع اللحمة وخصيصا المشويات ياااااة اللهم اني صائم انت هتفطرني في البرنامج دة ياعم انت انا اسطورة يابني انا مش قليلة علي فكرة


4- ايه اكتر فضيحه عملتيها فى المطبخ ؟

استغفر الله العظيم ياارب فضيحة والله اة افتكرت كان في رمضان وماما قالتلي اعملي الكنافة علي اساس اني بعملها حلوة يعني المهم اتعملت وكان شكلها جمييييل اة والله دخلت الفرن جنب بنت عمتها الفراخ اللي ماما عاملها احم احم نسيتها وروحت اتفرجت علي المسلسل مبقتش كنافة بقت صينية بتنجان اسود انا مش زعلانة غير علي المكسرات

5 - ايه سبب ان الاكل بيتحرق منك ؟

نعم يتحرق انا لن ولا ولم اسمح بحدوث هذا الشئ الشنيع في ببخي اقصد مطبخي اعم الحج انت هو انا عشان حرقت الكنافة يبقي الاكل كلة بيتحرق مني


6 - لما تتجوزى هتعيشي على الدليفرى و لا هتتنيلى و تتعلمى الطبخ ؟

لا هتنيل اطبخ اقصد يعني هطبخ في المببخ انا مش بقتنع بحكاية الدليفري دي اعم انت ( مش بقولك هتفطرني النهاردة )

لما نشوف يا مببخ

7- الطبخ ميزه فى البنت و لا مهاره و لا مش مهم ؟

لا اكييد الطبخ هو اللي بيمز كل بنت عن التانية اذا كانت تقدر تحمل المسؤلية وتكون ست بيت شاطرة ولا تعنس طول حياتها

شكلك مش هتعنسي

8- فيه حد اتعزم عندكم و اتعرضتى لموقف محرج قبل كدا ؟

مفتكرش لا يابني انا بحسب كل ختشواتي انا مش بتاعت الكلام دة

10 - سؤال للاذكياء ازاى تخلى البطاطس تقرمش و مش تبقى تريه ؟

بوص انا الطريقة دي عرفتها من برنامج كان جي في التلفزيون
انك هنقطع البطاطس عادي وبعدين هنحطها في مية مغلية وعليها خل ثواني ونشلها نكهربها اقصد يعني نصدمها بمية بثلج وبعدين تتجمد في الفليزر وبعدين نقليها هتبقي مقرمشة من برة وطرية من جوة بس كتة

كل دا دانتى بهدتلى البطاطس
و مجوبتيش صح
حد فاضى يحط فى التلاجه و يطلع عن ابوها ما قرمشت يا شيخه

واتمني يعني اني اكون ضيفة خفيفة علي القلب وكل سنة وانتم طيبين وادعي عليك باية يانور معرفش

و انتى طيبه يا ست منه

نورتينى

ادعى عليا ربنا يخلينى ليكوا و افضحكوا كمان و كمان

و كل سنه و انتوا طيبين

رمضان كريم

[ana lola]

عسوله و كويسة في المطبخ
ودمها خفيف
حلقة جميلة
تسلم ايدك

[ParoOo]

جميله الاستضاافه شكرا نووور ^_^

[big bốss]

ممكن حد فيكم يسالها فى الطبيخ عادى يعنى

نشوف شطارتها *_^

[ParoOo]

مااشى يا نوور

منه مكونات عمل كيك بالشوكلاته

حاجه سهله اهى ^_^

[أنين الليل]

حلقه حووووه عن الببخ بتاع منه منوره الدنيا ياقمر
نور لاء طبعاً

[واد حبيب]

اسمع مني انا يا نور
البنت دي فاشله اوي في المطبخ
والدليل ان جوزها بيسبها وباكل بره
بتقول طباخه
بطلو كدب بقا ملبتو البلد كدب

[سندس]

اهلا اهلا منة
شكلك جامدة في المطبخ
علمينا مما علمك الله اختك ضايعة
و مش هرحب بيك يانور طبعا انت ناطط لنا في كل حتة اصلا

[big bốss]

اقتباس المشاركة الأصلية كتبت بواسطة سندس اهلا اهلا منة شكلك جامدة في المطبخ علمينا مما علمك الله اختك ضايعة و مش هرحب بيك يانور طبعا انت ناطط لنا في كل حتة اصلا

طالما فى الضيعون كدا يبقى هستضيفك يا معلم

[big bốss]

اقتباس المشاركة الأصلية كتبت بواسطة واد حبيب اسمع مني انا يا نور البنت دي فاشله اوي في المطبخ والدليل ان جوزها بيسبها وباكل بره بتقول طباخه بطلو كدب بقا ملبتو البلد كدب

و انت عرفت منين يا ابو اياد