فضائح المطبخ ....3

[big bốss]

اهلا و مرحبا باعضاء المنتدى نلتقى فى حلقه جديده

من برنامج " فضائح المطبخ "

مع الشيف الجامد

Mind language
Ultimate aşk

اهلا بالعضوه ببنت بلدى اميره

فى برنامج فضائح المطبخ

اهلا وسهلا بيك ياعم نور

1- انتى بتعرفى تطبخى و لا لا ؟ و مين علمك ؟

ولله الحمد طبعا دى اتفه حاجه فى حياتى والدتى واخواتى البنات

2- بتحبي المطبخ و احساسك ايه انتى و دخلاه ؟

بموت فيه جداً أحساس كدا عامل زى مايكون نازل
تشترى طقم العيد حاجه كدا تحفه فوق الوصف
ببقى مبسوطة قوى بس لو ولدتى دخلت معايه
بدايق قــــــــــــــوى

بتحبي تستفردى و محدش يعدل عليكى

3- ايه هى الاطباق و الوصفات الى بتعرفى تعمليها ؟

بعرف اعمل كل حاجه بشوفها بتتعمل قدامى من اول مره
بوفتيك اللحمه والفراخ صنيه البطاطس بالفراخ باميه لحمة
رز شوربه ميكرونه بشاميل سمك صنية سمك الفليه فى الفرن
مسقعة كفته رز معمر الخ الخ الخ
كيك الكاكاو والتورته بسكوت جوز هند بسكوت القرفه
بيتى فور لنكشير الخ الخ الخ

الله اكبر عليكى خمسه و خميسه يا بنتى

4- ايه اكتر فضيحه عملتيها فى المطبخ ؟

يوم ما غسلت اللحمة بالبريل بتاع الاطباق
وعملت فرخه مخلتش منها ولا اى شوربة
لعميل الملوخيه
وحرق الباميه والبطاطس والخ الخ الخ
محدش بيتعلم بالساهل

5 - ايه سبب ان الاكل بيتحرق منك ؟

انا برجح انه يكون غباء من الاخرين
مايمكن الاكل متحرقش وهو لونه كدا ؟؟
ليه محدش يفكر انه دا لونها الطبيعى
بس غالبا السبب هو انى بنشغل عن الاكل
بالموبيل او الكمبيوتر او فيلم او مسلسل هندى

الطبيعى للاكل الحرق يا مصيبتى ياانا يا اما

6- صورينا صورة طبق انتى الى جهزتيه ؟

اتفضل
طبق كشرى



ودى صنيه بطاطس بالفراخ



ودى كيك الشيكولاته




7 - لما تتجوزى هتعيشي على الدليفرى و لا هتتنيلى و تتعلمى الطبخ ؟

ع حسب ظروف جوزى لو لسه قابض والفلوس معاه كتير
هنجيب ديليفرى طبعا اما لو لسه مقبضش هتنيل اطبخ
يعنى هعمل ايه ؟؟!!

هتمشيها حسب الميزانيه

8- الطبخ ميزه فى البنت و لا مهاره و لا مش مهم ؟

بص انا دايما بقولها لوالدتى كل ما تقولى اتفرجى ع الشيف
فلان او علان بقولها انا ابص على دا دا هو اللى يتعلم منى
وبعدين الاكل فن ومهاره داخليه تنبع من داخل البنت لذلك
سمى النفس بالنفس ف الاكل وهكذا تمضى الايام

9- فيه حد اتعزم عندكم و اتعرضتى لموقف محرج قبل كدا ؟

هى مش عزومه كانت زيارة واحده صحبت اختى جايه تزورها
فروحت عشان اعمل ليهم العصاير ذوقيا ادى الضيف الاول
روحت اديت اختى الاول راحت اختى قالتلى شكرا يا اميره
بس الضيف هو اللى بياخد الاول ومن ساعتها مش
ناسيه الموقف دا ابداً

10 - سؤال للاذكياء ازاى تتعمل شربة لسان العصفور ؟

لا اله الا الله دا بردوا سؤال تجيبه لشيف زى بص اعمنا
انت تجيب شوية عصافير وتقطع لسانهم وتحطهم فى
حله دا كان تفكيرى فى شوربة لسان العصفور قبل ما
ادخل المطبخ كنت فاكره انها بتتعمل كدا ^^

هتجيب حله وتحط فيه شوية زيت قليلين جدا وتجيب
كيس الشوربة لسان العصفور وتكب ع الزيت شوية
بمقدار نص كفت اليد او ع حسب انت بتحبها كتيره
تكتر بس هو لو شوية صغيرين هيؤدى الغرض
وتلقلبهم بسرعه فى الزيت لحد مايبدأوا بحمر لونهم
كلهم توطى النار وتاخد من شوربة الفراخ او اللحمه
وتكب عليها تملها لحد ربع الحله الاوالانى وكل ما
تشرب ميتها ترجع تزودها تانى لحد ما تلاقى اللسان
بدأ يستوى هتزودها لحد اخر الحله او القدر اللى انت
عايزة من الشوربه وتسبها تغلى حركة عشر دقايق
وتنزلها من ع النار كدا شوربتك جاهزة ^_^


فنان يا معلم

شكرا ليكى يا اميره

و نورتينا

و الى حابب يسال اميره يتفضل

على فكره هى مش مرتبطه

و رمضان كريم

[واد حبيب]

منوره المطبخ يا اميره
اخبار الاكل المحروق ايه
وده برده سؤال يا نور بتعرفي تعملي شربه لسان عصفور
طيب قولها مكرونه بلحمه المفرومه
نورت الحلقه يا ام احمد
في انتظار باقي الحلقات يا نور

[ana lola]

الله عليكي يا اميره
استاذه
حلقة لطيفه
تسلم

[حـيـــــآة ❤]

لسان العصفور بيتعمل ازاي ياختي
حلقه عسل ودمها خفيف
تسلموا

[۩۩ elMagic ۩۩]

فضايح مين ي عم
دي الشيف اميره
منوره ادفعه اكيد في الاول بتبقى الدنيا صعبه
بس خلاص بعد كده كل شئ بيبقى تمام
وطبعا ست البيت الشاطره بتريح كتير
تسلم نور لمجهودك
بالتوفيق دايما ي معلم

[morshooo]

منورة اليوميات
وواضح انها مابتعرفش تعمل اى حاجا فى المطبخ ^_^
ةعجبنى تصوير طبق الكشرى بصراحه
تحس كدا انها عامله زوووووم على المكرونه ^_^

[big bốss]

اقتباس المشاركة الأصلية كتبت بواسطة واد حبيب منوره المطبخ يا اميره اخبار الاكل المحروق ايه وده برده سؤال يا نور بتعرفي تعملي شربه لسان عصفور طيب قولها مكرونه بلحمه المفرومه نورت الحلقه يا ام احمد في انتظار باقي الحلقات يا نور

ما هو يا محمد من كتر ما فقدت الامل فى البنات

مش رضيت اصعب السؤال

[Mind language]

ثانكس يانور ع الاستضافة
بس متخليش حد يحسدنى
انا بنت بلدك بردوا ^^

[Mind language]

اقتباس المشاركة الأصلية كتبت بواسطة واد حبيب منوره المطبخ يا اميره اخبار الاكل المحروق ايه وده برده سؤال يا نور بتعرفي تعملي شربه لسان عصفور طيب قولها مكرونه بلحمه المفرومه نورت الحلقه يا ام احمد في انتظار باقي الحلقات يا نور

انا عارف ياعم قوله شكله مشفش طبخى قبل كدا
النور نورك يا حبيب تسلم ^^

[Mind language]

اقتباس المشاركة الأصلية كتبت بواسطة ana lola الله عليكي يا اميره استاذه حلقة لطيفه تسلم

تسلمى ياعلا نورتى التوبيك ياقمر بردك الجميل ^^