الحلقه الاولى من ( رمضان يجمعنا )

[morshooo]

بسم الله الرحمن الرحيم

مزاج الخير

اهلا بيكم وبرنامجكم

( رمضان يجمعنا 2 )




طبعا التوبيك كان نزل رمضان قبل الى فات

والنهاردة هنبدء مع بعض

الموسم الثانى .

ضيفه حلقه النهاردة

عضوة متميزة جدا بس اختفت فترة طويله ^_^

والحمد لله ظهرت على الساحه مره تانيه

من الاعضاء الى بيحبو القرأءة جدا معانا المتميزة

ana lola






تعالو نشوف الحوار :


س / فى البدايه كل سنه وانتى طيبه ورمضان كريم ؟

وحضرتك طيب

الله آكرم

س / رمضان بيمثلك ايه فى 2015 ؟

بما آن الحمدلله الميه قاطعه والنور كمان هيقطع

بس أنا متفائلة خيرأن شاء الله

س / ودا عرفتيه منين يعنى ان كل حاجا هتقطع والا الطبيعى بتاعكم ؟

لا دا الطبيعى

س / ايه الاختلاف الى حصل بالنسبالك بين رمضان وانتى طفله ورمضان دلوقتى ؟

~ وآنا طفله كان عندى رمضان لعب وفانوس واصوم لحد

الظهرآما حاليآ ملتزمةة الحمدلله وعرفت قيمه رمضان عن و آنا صغيرة




س / محصلش وانتى صغيرة شربتى من وراهم فى البيت وكملتى باقى اليوم اكنك صايمه ؟

آه بس من زمان كنا مسافرين

ومقدرتش لما روحت شربت

وكملت اليوم ومحدش عرف

س / ايه هى قيمه رمضان بالنسبالك حاليا ؟

رمضان تزكية للنفس وقرب من الله ،فيه بتتقفل أبواب النار و بيتفتح أبواب الرحمة

كفاية بس ان النفسية بترتاح فيه و آنه مش مجرد

آمتناع عن الميه و الشرب





س / بتحسى ان البيت نفسه عندكم بيتغير فى شهر رمضان ؟ وجو الشارع بيكون ازاى فى رمضان ؟

آه اللمه وبنتجمع على الفطار وكدا ، فى الشارع

بلاقى عيال بيلعبوا بالفوانيس وبيبقى عيال كتيير متعرفش

بيجوا منين دول

س / قبل الفطار بساعه تقريبا بيكون الجو مختلف وتقريبا الساهه دى بتكون هى دى
رمضان ؟ وطبعا انتى اكيد بتكونى يا نايمه يا بتحضرى الفطار ؟ بتحسى ايه الوقت
دا ؟

احساسى عطششان

ههههـ لا بكون بساعد والدتى فى الفطار

دا لو لسه فى صحة

س / اخبار العزومات يه معاكم فى رمضان ؟

مش متعودين على العزومات الصراحة ،
آصل على طول رمضان بيبقى عند جدتى

س / ايه الاكله المفضله ليكى فى رمضان ؟

آلاكل إلى بيتحط بآكله مش بعترض يعنى

س / يعنى مابتحبيش القطايف الكنافه قمر الدين الاكلات بتاعت رمضان دى بتحبى اه منها ؟

القطايف آه بحبها آناا إلى بعملها

ربنا يستر عليهم من القطايف السنادى




س / بتابعى المسلسلات فى رمضان والا لا ؟ والسنادى هتابعى ايه ؟

آه بتابع .. امم السنادى ممكن مسلسل العهد

س / علقتى زينه السنادى والا مالكيش فى الحاجات دى ؟

موجودة بس لسه متعلقتش ..





س / ليكى فى الخروج من البنات بعد الفطار والا بتقعدى فى البيت ولو بتخرجى بتروحى فين ؟

لآ بيبقى الوقت متآخر وبعقد فى البيت وساعات

بروح اقعد مع ولاد عمى

س / اخبار الصلاة ايه معاكى فى رمضان وبتلحقى تختمى القرأن والا لا ؟

الحمدلله بصلى ، الصراحه لا

بس ناوية اختمه السنادى أن شاء الله

س / طبعا اليومن الى قبل رمضان بيكون فى حرب اهليه فى البيت
ومامتك صوتها الشارع كله بيسمعه عشان النظافه وتظبيط البيت
لاستقبال رمضان ؟ ها علتى دور سيده السنادى فى البيت والا لا ؟

هو البيت مش بيبقآ وحش يعنى لآن كلنا كبار

ومعندناش آطفال عشان تبوظ المكان يعنى

فـ الحمدلله مفيش حرب آهليه

كله تحت السيطرة




س / عايزك تعلقى على الصور دى ؟




بوجى ومش عارفه مين كمان

كنت بحب آسمع الاغنيه بتاعت هم إلى بتغنيها شيرين

2 /




بكار كنت بحبه لكن رشيدة لا
كانت على طول تحطه فى مشاكل ههه



س / اخيرا تحبى تقولى ايه لاعضاء المنتدى ؟


رمضان كريم

وكل سنة وانتوا طيبين

ويعود عليكم بالخير



وبكدا بتخلص حلقه النهاردة

انتظرونى وحقه جديده وضيف جديد

[سارة بنت مصر]

حلقه جميله وضيفه اجمل

[متفائله ف زمن اليأس]

استضااافه راائعه واسئله جميله مورشو
واجاباتك اروع
ana lola

تحياتى

[رآقيہ بأخلاقـى]

اهلاً بالمشاكس مورشو
طبعاً الحلقة حلوة مفيش كلآم
مع أنى اول مرة اشوفه
مشفتوش رمضان اللى قبل اللى فات
بس برنامج جميل وبيفكرنا بذكريات حلوه
ولولو كانت منوره بأجابتها الجميله
واللى مش عارفه اسمها دى يا لولو اسمها طمطم
بوجى وطمطم فى رمضان
تسلم يا احمد ع الدعوة .. وكل سنه وانتم طيبين

[حـيـــــآة ❤]

ههههه كله قاطع كده
يابنتي خلي عندك امل
منوره الحلقه وربنا ي لولو
حلقه جميله يا احمد
بانتظار الجايه

[سيناا]

مزاج النور

هههههههههههه


فكرة سوبر تحححححححححححححفـة يا كابتن



واجواء الاسئلة تمام التمام



منورة الاخت لولا بأجوبتها المميزة



نحن نجوم من بعدك طبعا مورشو

[حافظة القرآن]

حلقة جميلة
والضيفة اجمل
اجاباتها حلوة
تسلموا
فى انتظار الحلقات اللى جاية
إن شاء الله

[الأميرة رودي]

لولو منــوره المنتدى
فعلا كانت اختفت فتــره بس اكيد دراسه
الحوار جميل وايام رمضان هى الاجمل فى السنه كلها
انتى عامله زيي بالظبط اللى بيتحط قدامى باكله
مش بعترض هههههه
نورتى ياجميل
عـــوده حلوه للبرنامج يامورشو
مستنين كل الضيوف

[phalsteen]

حلو البراجرم مورشو
منورة لولو
انا للاسف بعترض ع الفطار
لاني لازم اطمن هفطر ايه
يعني ليا طقوس معينه وفي حاجات بتتعبني بعد الفطار
وانا زيك بعمل القطايف وبحبها بجنون
كل سنه وانتوا طيبين

[الملكة كيلوباترا]

حلقة رائعة جدا يامارشو
واجابات ana lola فى غاية الجمال