اقول ومن غير انفعال :)

[واد حبيب]

اقتباس المشاركة الأصلية كتبت بواسطة دكتور نوشه لا والله فلوس ايه بس احنا بنقبض من هنا وسددها قسط عريبه ومصاريف اقامه الفكرة مش في الفلوس والله خالص بالعكس انا عايزة ابدا حتى لو البدايه مش حيكون وراها فلوس كتير معلش انا مش فاتحه بيت وورايا اطفال او او عشان اخاف من المقطه دي .. فرصه اهلي لا مش عايزين ينزلوا الاول يعني ماما وبابا بيقولوا طول ماهو في باب رزق ليهم هنا خليهم عيشه على الاقل لسنهم اهدى من مصر وبهدلتها بالعكس يعني بابا بيقولي انزلي ابداي افتحي حاجه ودوري واعملي لنا باب للرجوع نفسي ابدا البدايه بقالي اكتر من تلات سنين كل ميحصل اي لعبكه عندي نفتح في البيت موضوع السفر والنزول وارجع اسال نفسي تاني ابدا منين

ههههههههه
ولو فضلتي طول عمرك هنا علي الوضع ده مش هتعملي حاجه
ارجعي مصر اجوزي وافتحي مشروعك
الاول انتي قاعده فين وشغاله ايه

[Dr. AnOosHo]

اقتباس المشاركة الأصلية كتبت بواسطة واد حبيب زي ما بتقولي انك عندك 30سنه ولسه بنت مستنيه الغربه تاخد منك ايه تاني بعد شبابك الصيدليه حلوه في مصر واي مشروع بيتعمل في مصر بيكون كويس انتي انزلي وهتلاقي مليون واحد هيقف معاكي في مصر علي ما تعملي مشروعك

ياااااااااااارب
ناويه بجد ناويه انزل واجرب وادوس شويه في مصر انتم معاكم حق
طول منا خايفه مش حعمل اي حاجه

[Dr. AnOosHo]

اقتباس المشاركة الأصلية كتبت بواسطة واد حبيب ههههههههه ولو فضلتي طول عمرك هنا علي الوضع ده مش هتعملي حاجه ارجعي مصر اجوزي وافتحي مشروعك الاول انتي قاعده فين وشغاله ايه

انا قاعده في حولي وبشتغل في صيدليات خاصه مش حكومة

عشان كده الحال عندي مش مستقر كل شويه من كفيل لكفيل لصيدليه شكل

لحد ما زهقتتتتتتتتتت

ارجع مصر افتح مشروعي واقف على رجلي وبعدها اجوز
بدل متركن خالص بقى ومحصل حاجه

[واد حبيب]

اقتباس المشاركة الأصلية كتبت بواسطة دكتور نوشه انا قاعده في حولي وبشتغل في صيدليات خاصه مش حكومة عشان كده الحال عندي مش مستقر كل شويه من كفيل لكفيل لصيدليه شكل لحد ما زهقتتتتتتتتتت ارجع مصر افتح مشروعي واقف على رجلي وبعدها اجوز بدل متركن خالص بقى ومحصل حاجه

هيه المشكله في الكفيل تشتغلي وتتعبي والكفيل يا خج الفلوس
انا كنت ممكن اقولك افتحي صيدليه في ****************** بس اكون بظلمك ظلم جامد
انتي مش صغيره يا.......... والعمر بيجري الحقي نفسك قبل ما تندمي علي عمرك اللي راح
انا في ****************** من 6ستين وبفكر انزل وافصل في مصر علطول
ربنا يكرمك وتعملي صيدليه وتجوزي

[big bốss]

اقتباس المشاركة الأصلية كتبت بواسطة دكتور نوشه انا فعلا مش متجوزة بس عندي 30 سنه اعتقد المرحلة دي مينفعش لسه استنى حد يعملي وده فعلا اللي بيخليني انكت كل شويه في نفسي نفسي اعمل حاجه واحط رجلي في مكان صح وافتح باب لماما وبابا يرجعوا مصر ديما في فكرة مسيطرة واكيده ان مهما عملت انا بره عمره محيكون ليا غير مصر نفسي فعلا حد يدلني على البدايه لو عايزة افتح صيدليه في مصر لازم ادور على سمسار مظبوط انا عايزة افتح في الاسماعليه احنا من سكان القاهرة بس اخدنا في الاسماعليه حسينا فيها بهدوء كبدايه عشان منتعبش وفعلا حسيت فيها براحه اجيب بقى السمسار ده مين عشان يوصلني لمكان ؟؟؟ وهل اصلا فكرة الصيدليه دي صح ولا غلط ؟؟

ابحثى فى النت عن سماسرة الاسماعليه هتوصلى

مش هقدر افيدك لانى من الصعيد

و فكرة الصيدليه جميله

كل واحد بيشتغل فى تخصصه

بالتوفيق

[Dr. AnOosHo]

اقتباس المشاركة الأصلية كتبت بواسطة واد حبيب هيه المشكله في الكفيل تشتغلي وتتعبي والكفيل يا خج الفلوس انا كنت ممكن اقولك افتحي صيدليه في ****************** بس اكون بظلمك ظلم جامد انتي مش صغيره يا.......... والعمر بيجري الحقي نفسك قبل ما تندمي علي عمرك اللي راح انا في ****************** من 6ستين وبفكر انزل وافصل في مصر علطول ربنا يكرمك وتعملي صيدليه وتجوزي

والله فكرة الصيدليه في ****************** فكرت فيها فعلا بس لقيت التكاليف مبالغ فيها افتح بيهم صيدليتتن في مصر هههههه
زي ماقولتلك هي الفكرة اني ظروفي غيرك حالص انا اخواتي اجوزوا في ****************** وعايشين هنا برضه منزلوش مصر
شغلهم صعب يتفتح بيه مشروع زي صيدليه مكتب او اي مشروع من دول والنص التاني كمان بيشتغلوا هنا
فان العمر بيجري فهو حيجري هنا وهناك متقلقش
بالنسبالي هنا ميعتبرش راح لان عايشة وسط عيلتي وصحابي ومكان اتربيت وولدت فيه زي ماقولتلك دي حتحسها اكتر انت لان حياتك وصحابك ودنيتك في مصر واتغربت عنهم
انا بقى قرار مصر دي الغربه بالنسبه لي وفي نفس الوقت متاكده اني لازم حعدي عليها وعايزة اعدي عليها وانا مرتباها مش مجبورة عليها
ربنا كريم يوفقنا كلنا يارب ويعملنا اللي فيه الخير والصالح يارب

[Dr. AnOosHo]

[quote=big bốss;4786237]ابحثى فى النت عن سماسرة الاسماعليه هتوصلى

مش هقدر افيدك لانى من الصعيد

و فكرة الصيدليه جميله

كل واحد بيشتغل فى تخصصه

بالتوفيق[/quote]

تمام
حبدا فعلا ادور واتصل اسال وربنا كريم ان شاء الله
وفعلا فدتني جدا ربنا يكرمك يارب

[αЛαstoOorα]

بصي
آنا آتغربت كتير
وعاوز آقولك لو مصر آصعب من كدا بمراحل
ولو قعدت فيها عايش باكل كل يوم فول ^^
والدنيا صعبه..مش هتكون آصعب من الغربة
دا ف رآيي ..ف بلدي جربت يكون معييش
فلوس وآجيب اللي آنا عاوزه؟
جربت آكون مش شغال وباكل وبشرب
جربت آكون عيان والاقي 30 واحد بيزوروني
وبيجو يودوني للدكتور
جربت آنام ف وست آهلي ودا بكنوز الدنيا
عندي آموت م الفقر وآبقة ف وسط آهلي وناسي
وبلدي ..آنما بره جربت مشتغلش ملقيش اكل
جربت آتعب ملقيش حد يناولني كوباية ميه
جربت اعيش من غير فلوس لقيتني مليش قيمه^^
دا مش هيحسو غير اللي اتغرب بس ف سنين قصيرة
انما آنتي لو طول عمرك ف البلد اللي انتي فيها
مش هترتاحي معانا ..^^ خليكي مكانك

[حـيـــــآة ❤]

شوفي انا قعدت 14سنه غربه
ومن نفسي خدت قرار اني اجي مصر
وشايفه انها احسن رغم ال فيها
انك تبقي عايشه وسط اهلك
وبلدك احساس مايتوصفش حتى لو ف النار
ومتغربه ف جنه..
بس فعلا حال بلدنا سوده
وربنا يصلح الحال بقا
ويصلح حالك حبيبتي؛

[العاشق الذى لم يتب]

عيشت الغربة وعارف همومهاومشاكلها
والحالة النفسية للمتغرب
ومع ظروف مصرالمادية الصعبة
واضيف عليهاالحالة الآن الغيرمعروفة
ولايمكن تجدى لهاتوصيف
فقط نقول ربنايصلح حال مصرناالحبيبة
وتستقرالامور
لكن عن نفسى افضل العيش فى بلدى
مهماتكون الظروف
الغربة وحشة جدا
ومع الاهل والاحبة
نقدرنتغلب على الظروف المادية
وخاصة انك دكتورة
وهتلاقى الشغل ميسران شاءالله
معاك ربنااختى
وكل سنة وانت طيبة
بس عدلى وحطى تاءالتأنيس
فى نيمك
خليها دكتورة بدل دكتور
عارف علميا لفظهاصح دكتور
يطلق على المذكروالمؤنث
مودتى