اقول ومن غير انفعال :)

[Dr. AnOosHo]

عايزة ارجع مصر تاني بس خايفه جدا من الخطوة دي
مش خايفه بس انا بقدم خطوة وارجع عشرين ورا


كل ما ظروفي هنا تتلخبط واحس اني مش مستقرة فيها في شغلي
بقول خلاص انا عايزة ارجع مصر

ميت خطوة بترجعني لورا

بلاقي حال مصر دلوقت شريط بيعدي قدامي
بقول حروح فين وسط ده كله
طيب اعمل شغل خاص ليا وافتح صيدليه
ارد على نفسي واقول مصر بين كل متر ومتر في صيدليه مبقاش مشروع يعني

خايفه اخد القرار وانزل وارجع اندم .. كل اللي نزل مصر بيقول ياريت نرجع تاني بلد صعب تتعاش فيها

انا كل فين وفين لما انزل مصر ممكن كل سنتين تلاته مرة ومحدود التنقلات وسط القرايب وخلاص

مش عارفة هم بيهولوا المواضيع ولا دي خطوة لازم تتاخد عاجلا او اجلا

مش عارفه امتى ابدا اخد الخطوة دي بجد
في واحده بتقولي زملتي اللي عايز ينزل مصر ميفكرش في الايام دي ينزل خالص ده اللي هناك نفسه يسيبها تقوم انتي تروحيلها

فيدوني افادكم الله مع العلم اني لا ناس ليا في مصر يعتبر لان حتى القرايب لما تكون عمرك كله بعيد مش علاقتك بيهم زي اللي وسطهم

ومافيش هناك شغل خالص لسه حنزل ادور على صيدليه وعلى شغل ليا او مشروع ابدا فيه

ححس بغربه ولا حعرف اتعامل ؟؟
ايه الصح لو حد عنده خلفيه تتعمل عشان ارتب نفسي قبل منزل يعني لو في خطوات ممكن تتعمل بدل منزل على مافيش خالص ؟؟

فعلا مش عارفة

[Aya 7ekaya]

فعلا العيشه فى مصر صعبه الايام دى والحال زى مانتى شايفه مفيش استقرار ف البلد نهائى والاقتصاد فى النازل وبردو العيشه برا صعبه بس لو هتقدرى تستقرى هيكون افضل انا ماقدرش اساعدك باى معلومات للاسف

وربنا يكتبلك الخير

[واد حبيب]

الكل بيقول العيشه في مصر صعبه
علشان مجربش العيشه في الغربه
مصر مهما كان بلد فيها الامن اقوي من اي دوله تانيه
بلد زي ****************** بلد صغيره ومن الممكن السيطره عليها حصل فيها انفجار يوم الجمعه
بما انك في ****************** العيشه في ****************** دلوقتي اصعب من قبل في ظل القرارات اللي بتصدر كل يوم
انا برده في ****************** وبفكر انزل استقر في مصر

والله الموفق

[Dr. AnOosHo]

اقتباس المشاركة الأصلية كتبت بواسطة aya 7ekaya فعلا العيشه فى مصر صعبه الايام دى والحال زى مانتى شايفه مفيش استقرار ف البلد نهائى والاقتصاد فى النازل وبردو العيشه برا صعبه بس لو هتقدرى تستقرى هيكون افضل انا ماقدرش اساعدك باى معلومات للاسف وربنا يكتبلك الخير

بالعكس فدتيني كفايه دعوتك الحلوة ... ربنا يكتبلي ويكتبلك ويكتب لكل المسلمين الخير يارب

[♥○ moOoOoOna ♥○]

هو فيه احسن من مصر ؟ ^ـ^

على العموم صلى استخاره

[Dr. AnOosHo]

اقتباس المشاركة الأصلية كتبت بواسطة واد حبيب الكل بيقول العيشه في مصر صعبه علشان مجربش العيشه في الغربه مصر مهما كان بلد فيها الامن اقوي من اي دوله تانيه بلد زي ****************** بلد صغيره ومن الممكن السيطره عليها حصل فيها انفجار يوم الجمعه بما انك في ****************** العيشه في ****************** دلوقتي اصعب من قبل في ظل القرارات اللي بتصدر كل يوم انا برده في ****************** وبفكر انزل استقر في مصر والله الموفق

عارف الفكرة في ايه ؟؟
اني مولوده فيها وعايشه عمري كله فيها اهلي اللي هم بابا وماما واخواتي فيها واخواتي اجوزوا فيها

عارف لما تحس ان هنا اتربيت وكبرت ووو وحتروح على مكان تاني في بطاقتك مصري بس انت متعرفش اي حاجه فيها ولا تعرف تعمل اي حاجه

يمكن انت حاسس بغربه عشان جاي من مصر عليها
انا مش كده وده اللي مخوفني اني مقدرش اتاقلم هناك

اكيد الوضع صعب والقرارات اللي بتطلع كل يوم بتصعب الدنيا اكتر وان يبقى لازم اقامه من كفيل لكفيل وموال وليله
وفي الاخير حرنجع مصر حنرجع

وده اللي مخليني عايزة اجرب انزل مصر بقول اجرب افتح حاجه ليا هناك
بس زي مقولتلك الخطوة دي بترعبني
انا صح والمفروض استنى لحد ما الدنيا تهدى في مصر ؟؟؟ ولا اعمل الخطوة دي ؟؟؟

محتارة بجد جدا

[Dr. AnOosHo]

اقتباس المشاركة الأصلية كتبت بواسطة ♥○ moooooona ♥○ هو فيه احسن من مصر ؟ ^ـ^ على العموم صلى استخاره

حبيبتي

[أنين الليل]

حبيبتى اينعم البلد حالها ميصرش
بس هى اولى بكل حاجه
ومفيش حاجه اسمها بين كل متر ومتر صيدليه
افتحى وحده خاصه بيكى محدش بياخد رزق حد
وربنا معاكى ياقمر

[Dr. AnOosHo]

اقتباس المشاركة الأصلية كتبت بواسطة أنين الليل حبيبتى اينعم البلد حالها ميصرش بس هى اولى بكل حاجه ومفيش حاجه اسمها بين كل متر ومتر صيدليه افتحى وحده خاصه بيكى محدش بياخد رزق حد وربنا معاكى ياقمر

ونعم بالله حبيبتي

مش عارفة والله انا قد الخطوة دي ولا لا
ربنا يعملنا الصالح والخير يارب
تسلمي على ردك وتشجيعك

[ana lola]

اول حاجه لازم تعمليها انزلي مصر كأجازه
ودوري وفكري اكنك نزلتي لمصر ومعتيش هتروحي للكويت
ان لقيتي الامور ماشيه تمام معاكي ولاقيه شغل وكدا
خلاص ارجعي للكويت وقفلي كل حاجه
واستقري في مصر