ميلزمنيش حداد ... بقلمى/حسين حمدى

[حسين حمدى]

ميلزمنيش حداد
يكفينى استشهاد
يكفينى منك دم
ولاخفت ولا بهتم
انتى الوحيده أهم
وبناقص الأولاد

عايش مع المدفع
مليون حياه أدفع
وتعيشى بالأمجاد

مين قالك إنى في يوم
فارق معايا حداد
وشريطة مالسودة
وجنازة مسدودة
بالاهل والأولاد

فارق معايا كتير
اهلى اللى حبونى
وزمايلى والطوابير
وسلاحى وهدومى
ملهمش تانى غسيل
لما الدما بتسيل
بيهم وغطونى

يوم الجنازة اوام
متخلنيش مهموم
بكفاية بزيادة
مشتاق أشوف النوم
من اول التجنيد
واقف كتير خدمات
حتى فى يوم العيد
بتوقفينى ساعات

الليلة معلهشى
اسف ورايا تمام
فى الجنة لو يمشى
العسكرى همام
جاهز وبالمدفع
تربيتى وأجدع
وسلامى ليكى
ختام

[Lamees]

شهداء عند ربهم يرزقون
وهذا يكفي ولا يهم حداد
وجنازة عسكرية وسواد

رائع جداً استاذ حسين
اسلوب مميز ومناسبة حقاً تستفز القلم

[شاعر الحب الحزين]

فعلا ميلزمش حداد طالما موجود رب العباد

جميلة جدا يا ابو حمدي وبتعكس وطنيتك وغيرتك

الجميلة النابعة من احساسك العالي

ربنا يوفقك ويسعدك

[جبل عالي]

كلمات قوية وسلسة
رغم الغصة التي بالنفوس
لكنها مشاعر متداخلة من حزن
وحب للوطن رغم كل الظروف
رائع هو العنوان والمحتوى مكمل

دمت مميز ايها الراقي
تحيتي وكل التقدير

[حسين حمدى]

دمتم بكل خير جميعا
ولا ارانا الله مروها بأهلنا
اشكر مروركم الغالى