مالـــي ببتســــم

[شاعر الحب الحزين]

مالـــي ببتســـم وعايـز اوصـف سعادتي للكل واقــول

وانا لا متواعد مع حبيب ولا كسبان جولة ضـد عــزول

شايف ورود بتفتح شايف عيون بتلمح إنها بتحبني على طول

وخايف اكون بوهم نفسي وبراضي همي يأسي بأمل معسول

لا سمعت كلمة حلوة ولا حد أهداني غنوة لحنها بالحب مغزول

يمكن جاية الأيام بخير يمكن شكل حياتي يبقى غير يمكن بعد الصبر انول

متعودتش اقول على احزاني واما ابتسم عايز بسمتي توصل كل العقول

يارب تملا السعادة كل القلوب وتبقى حقيقة طول العمر مش دقيقة وتزول



شـــــــــــــــــــــــــــــــــــــــ . حــــــــــــــــــــــــــــــــــــــــــــ

[.Lamar]

احيانا الانسان اما يضيق عليه الحال

وتتكالب عليه الهموم

يحاول يحسس نفسه انه كويس

وانه لسة فيه امل

يقول ابص للدنيا بنظرة تانية

من باب تفائلوا بالخير تجدوه

و دى اللى حسيته من معنى الخاطرة

نحاول يمكن طاقة النور تتفجر من جوانا

و تنعكس على حياتنا وتدينا دافع نصبر لينصلح الحال


خاطرة كتير حلوة و كلماتها عفوية

شكرا ليكى اخى

تحياتى

[شاعر الحب الحزين]

اقتباس المشاركة الأصلية كتبت بواسطة لمار* احيانا الانسان اما يضيق عليه الحال وتتكالب عليه الهموم يحاول يحسس نفسه انه كويس وانه لسة فيه امل يقول ابص للدنيا بنظرة تانية من باب تفائلوا بالخير تجدوه و دى اللى حسيته من معنى الخاطرة نحاول يمكن طاقة النور تتفجر من جوانا و تنعكس على حياتنا وتدينا دافع نصبر لينصلح الحال خاطرة كتير حلوة و كلماتها عفوية شكرا ليكى اخى تحياتى

عندك حق لمار وصدقتي فكل كلمة قلتيها

ساعات بنبتسم من غير أي دافع

لما نشيل الدنيا من حساباتنا وافكارنا

بتهب نسمات فرح تخلينا نحس بالسعادة

وان شاء الله تدوم السعادة على الجميع


اشكرك لمار للتفاعل الراقي كشخصك

عقلانية ممتازة ماشاء الله تجيد فهم

المعنى المرجو من الكتابة بفكر دقيق

سلمتي لمنحي ضياء تواجدك هنا

أسعدتيني لمار برقي تواجدك

ربي يوفقك ويسعدك

[M.arim]

خاطرة رائعة يعطيك العافيه

[شاعر الحب الحزين]

اقتباس المشاركة الأصلية كتبت بواسطة m.arim خاطرة رائعة يعطيك العافيه

الاروع تواجدك الجميل

نورتيني واسعدني تواجدك الأول بين سطوري القليلة

ربي يعافيكي ويوفقك ويسعدك