على نهج شعبلة:يا ريتنى أرجع عيل و أتولد من جديد

[ناجدالجوال]

يا ريتنى أرجع عيل و أتولد من جديد

يرجع أبويا الطيب و نبدأ من جديد

مرة على ساحل جمصة و مرة فى الصعيد

أمى تدلع فيا و أختى تجيب هدية

و نعمل عيش فى بيتنا و كحك العيد نشيلهم فى صوانى الحديد

و الجار يزور الجار و ناخد العيدية و نلعب فى حارة العيد

أضحك و ألعب و أتعب مع إخواتى و الصحاب و أنام فرحان سعيد

و قبل ما أكبر تانى أرجع و أبقى صغير و أتولد من جديد

__________________________________________

اللهم أرحم أبى و أجعل عالى الجنان مثواه

و التحية لأهل دمياط الذين عشنا معهم أجمل أيام العمر

و أكرمونا و أعزونا و لم رحلنا بكوا و بكينا بدموع الدم

[الأميرة رودي]

جميله والله وعفويــــه
فعلا ياريت كل حاجه ترجع زى زمان
جمصه دى جنبنا ودمياط فيها اعز الناس
اهلا بيك نورت المنتدى
بالتوفيق ان شاءالله
وفى انتظار كل جديدك

[Lamees]

ذكريات جميلة
وايام زمان عمرها ما تتعوض
جميلة الكلمات وسهلة من القلب

منور اخي

[Dr. AnOosHo]

جميله جميله جميله بجد
عفويه وصاطقه وتدخل القلب
والله قشعرت وانا بقراها
الله يرحمه ويغفرله وتكونله ولد صالح يدعوا له
قول للزمان ارجع يزمان

[phalsteen]

عجبتني الطريقه الكوميديه اللي طرحت بيها الفكرة الخفيفه
احسنت اخي
تدوم الابتسامه

[فارس الله يجوزه]

ابداااااااااع فى كلمات
جميلة جدا

[Positive]

حلوة علي فكرة
هييييييييييييح رجعتنا للذكريات
تسلم ايدك

[ناجدالجوال]

الأميرة رودى
أطياف الماضى
دكتور نوشة
نفرتيتى
فارس الله يجوزه
positive
__________________
أقول ليكم إيه
أيام لا تنسى و الله
لن ننسى أيام مضت
عشناها زمان أوى
فى مدن و قرى و بلدات مصرية
ما زال القلب يهفو و يرف و يحن للماضى الجميل
الكنافة القطايف العيدية حارة العيد الغيط و البطاطا و الفلاح
و الترعة و زفة ليلة وقفة العيد المدرسين المخلصين العلمونا
بابا الله يرحمه ماما الحنونة الجيرة الطيبة سوق دمياط السينما
المولد و حلاوة المولد و كتير أوى أوى يمكن نقدر نرجعلو