هل تقبلين الاستاذ فرغلي بعلا لكي ؟

[phalsteen]

فاكرين انتوا شكل الشيخ المأذون زمان ؟
تؤتؤ
مش فاكرين
تعالوا نعرف الحكاية من الاول

اختك فتكات تبقي قارفه اخينا فرغلي في عشته
تعمل شعرها كنيش وترش بيرسول وتحط دقيق وزيت
يووووه اقصد بودرة وفنيك
وبعدين بئه اقصد ميك اب واخر شخعله

ولما الواد يتكعبل علي بوزه ويشرب اصفره او اخضرا بئه يمكن
بيشرب قشر بطيخ
ويجر ماماته وباباه من ايديهم

تعالوا نشوف الحــــــــــــــــوار

فتكات هتحضر المشويات والمقليات والمكسرات
وهتغشل وشها بميه نار عشان يحمر ويبيض
وهتفضل تاخد شاور 3 سنين

وبعدين لما باباها يسئلها هتضحك ضحكه مساطيل
وتفضل ساكته

ال بئه البت المكسوفه



واول ما يشرف البيه بئه وامها تقول دا حلو ابت
بس ابوكي مش مقتنع

تنسي فتكات الميك اب والاستيل
وتقولها نعمين يمه انتوا عايزين اعنس دنا ما صدقت وقعته
وربنا اولعلكوا في نفسي

بصوت محمود المليجي

واول ما فرغلي يقول لباباها انه جاي يطلب ايد سليله
سليله دي اللي هي فتكات يعني

هتقوم راميه العصير علي رجله
دا ضروري لزوم السهوكه
وبعد ما تطمن علي الشقه والعربية والشبكه وتطمن علي حماتها



هتلاقوا الحنجرة عليت وهي بتقول زغرطي يمه

ولما تيجي لحظه الحسم ويدق ناقوس الخطر
اقصد الخبر السعيد
ويجي الراجل ابو دفتر وعمه دا

ويقول لفتكات اتقبلين فرغلي بعلا لكي ؟؟؟؟

هترد وتقول بغل بغل يا خويا
اهو ضل راجل ولا ضل حيطه

هي دي الرومانسية يا خونا

معنا لتحسين صورة فتكات وفرغلي

[Positive]

يا نهار ابيض يا جدعان
انا نفسي اتسدت خلاص عن الجواز والاكل بمنظر المدام دي
لا بس فرغلي شياكة شياكة
قطونيل دا يا فرغلي

[فارس الله يجوزه]

هههههههه روعه

[phalsteen]

اقتباس المشاركة الأصلية كتبت بواسطة positive يا نهار ابيض يا جدعان انا نفسي اتسدت خلاص عن الجواز والاكل بمنظر المدام دي لا بس فرغلي شياكة شياكة قطونيل دا يا فرغلي

هههههههههههههه
ليه بس
دي العروسه عسل

[phalsteen]

اقتباس المشاركة الأصلية كتبت بواسطة فارس الله يجوزه هههههههه روعه

نورت اخي

[Dr. AnOosHo]

استغفر الله العظيم جبتيها منين دي هههههههههههههههههه

حلو التوبيك وبصراحه زين مختارتي ههههههههههه

[phalsteen]

اقتباس المشاركة الأصلية كتبت بواسطة دكتور نوشه استغفر الله العظيم جبتيها منين دي هههههههههههههههههه حلو التوبيك وبصراحه زين مختارتي ههههههههههه

من السوبر ماركت اللي تحت ههههههههههه
نورتي نوشه

[mony ma7moud]

بسم الله ماشاء الله
الصراحة تتقال
هما ليقين علي بعض
انا شايمة الريحة
ههههه لا بس حلوة اوي

[ناجدالجوال]

هه
__
كل فولة و ليها كيال

[حـيـــــآة ❤]

ههههههههه ماله فرغلي حد طآيل
فرغلياتكوا يامه
ههههههه عسل ي سمآآ