كشف خيوط مؤامرة الزمالك والاسماعيلي لتفويت القمة للابيض

[აα∂ Ԑγεა]

أخيراً وبعد عناء قدرنا نوصل الي المؤامرة التي حدثت فى مباراة الزمالك والأسماعيلي .
وإليكم سيناريو التفويت و كشف خيوط المؤامرة ،، شاهد قبل الحذف .

ْْليل خارجي - أمام مقبرة باحدي القرى الصغيره فى إسنطبول - تركيا ْْ
يُكتب اسفل الشاشة ،،
*فجر السبت - الرابع من تموز / يوليو ( اَى قبل المباراة بـ 48 ساعة)*
*ساعة الصفر*



رجلان يبدو عليهما الحذر والترقب، احدهما يرتدي قبعة صفراء، والاخر بيضاء، كلا منهما يقف علي الجانب الاخر من الطريق. ينظران يمينا ويسارا، ثم يتقدما نحو بعضهما البعض، الى ان يتلقيا امام مقبرة.

ذو القبعة البيضاء :- طبعا انت عارف يابن عمي انا جاي ليه وعا .....
ذو القبعة الصفراء - قبل اى حاجه ،، كلمة السر ؟
:- ميلي عليا ميلي
- هَيي هَيي
:- زمالك واسماعيلي
- هَيي هَيي
:- طب سلامات سلامات سلامات
- دروايش وزمالك اخوات ،،
يحضنو بعض ويغنوا سوا*
هيلا هيلا وهيلا هيلا هووو والنادى الاهلي **** ،، مدد يام هاشم مدد ياحسين ********

- خلاص بقي يابن عمي عشان الميتين متصحاش خلينا نتكلم ف الشغل
:- اللي تشوفه يابن عمي ،، جبت الامانة ؟
- طبعا يابن عمي ،، 3 كيلو مانجا عويس انما ايه . "بيغمز"
:- اه والنبي عشان الريس الكبير محلفني مجيش من غيرهم
- بص هتقسمهم كالأتي: كيلو لباسم - وكيلو لتوفيق - وكيلو للولا معروف
:- معروف وتوفيق ؟؟ *صوت صرصور القبر* طب مانخلي التلاته لباسم، الواد بينافس ع الهداف يابن عمي.
- يابن عمي متبقاش طماع، عاوزين نحبكها ومش عاوزين حد يشك فينا
:- اللي تشوفه يابن عمي بس يعني لو ...
- مبسش .. اسمع ،، الخطة كالتالي في الدقيقه 7 خلي الولا حازم يجرى ناحية اليمين، توفيق هيرميلو الكوره ادامه، ميستلمهاش، يلعبها مره واحده، باسم هيكون مستني الكورة في المنطقة ويكون مدي ضهره للحضرى، ويستلمها بيمينه، الكورة هتنط تلات مرات ، يفوت الاولي ويفوت التانيه ، وفي التالته هوب يلف يشوط بشماله ،، اوعي ينسي يابن عمي،، يشوط بشماله ف النطة التالته ،، لازم يشوط في التالته
:- متقلقش ،، باسم احسن واحد يشوط بشماله في النطة التالته ده الخواجه بقاله اسبوع بيدربه ع الشوطه دي.
- التاني يابني عمي ،، بعديها بدقيقه، معروف يلزق جنب الخط في الشمال يستلم الكورة ويجرى ع الخط ، وعند الكيلو 15 من الملعب يبتدي يقطم لجوا ، الولا توفيق هيكون جاى من ورا ، يباصيلو الكورة ، توفيق يستلم بيمينة ، ويشوط برضو بيمينه علي شمال الحضرى.
:- طب ماتخلي طلعة معروف دي لايمن حفني، اهو ع الاقل تبقي منطقيه ومحبوكة وماحدش يشك فينا، وبعدين انا مش ضامن معروف يعمل اللي انت بتقول عليه ده.
- سيبها ع الله يابن عمي انا عارف انا بعمل ايه ،، طب ايه رايك ان الولا معروف أحسن واحد للمهمه دي، عشان كده انا هكافئه بالتالت ،
- ازاى ؟
:- في دايرة ادام الـ 18 هتبقي مرسومه بالحبر السرى، ماحدش هيشوفها غير معروف خليه يروح هناك ويشوط علي يمين الحضرى اللي هيكون متقدم عشان الجون يبقي مفتوح لمعروف.
:- ايه ده هو الحضرى معانا برضو ؟ طب لاعيبة الاسماعيلي هينفذوا عشان بيحبونا انما اللي متربي في الاهلي هينفذ مقابل ايه ؟
- طبعا يابن عمي معانا بس ده كارت تمويه وهيقعد يزعق وبتاع وكله بالاتفاق، بس هو شرطه الوحيد ان مصطفي فتحي ميجيش ناحيته ولا يقرب منه، انت فاهم موضوع زى ده ممكن يضايقه اد ايه و بيفكره بايه! ضروري فتحي ميقربببش...
:- اه طبعا فاهم فاهم ، طب والشناوى مش هيبقي ليه دور ؟
- ازاى بس ياجدع - انا مظبطله مهمتين هينفذهم كالأتي هيتشاط عليه شوطه هتيجي في العارضه ميخفش مش هتدخل احنا عاملين حسابنا كويس،وكمان كوره بالهيد في السته يارده خليه يستنااها تخبط في الارض بعدين يعد تنازلي من 3 لـ 1 وينط يطلعها من علي خط الجون، وهحاول اكترله شوية عرضيات عشان عندي دقيقتين في الماتش واقعين مني.

:- طب سؤال اخير معلش ، انت ضامن ان الـ 18 لاعيب بتوعكوا مفهومش واحد نفسه يروح الاهلي ويطلع يكشفنا ويفضحنا في كل مكان بعد كده.
- عيب عليك ياجدع انت تقول الكلام ده، من امتي واحنا لاعبيتنا بتروح الاهلي،

صوت "إستهجاني" غريب وجماعي طالع م القبور*
فـ يطلعوا يجروا هما الاتنين*


كتب :
Italian Zamalkawy

[الفيلسـوف]

ههههههههههههه المقال ده حكايه

والله وحشتنى اخبارك داخل القسم

بالرغم من اختلافنا الكروى اللى انته عارف انى بحترم عقليتك جدا

وبالرغم من محاوله كل زملكوى برده بقلبى وحياتى افديك يااهلى

نورت ياحوده عودا حميد

[۩۩ elMagic ۩۩]

يلا ي عم خلى الناس تنبسط
الدوري كده كده معروف رايح لمين من فتره
مش مشكله الكبار هتعديهاله المرادى

[سارة بنت مصر]

اولا ان شاء الله نحتفل بالدورى بعد فزنا او تعادلنا مع الاهلى

لان الزمالك يستحق يكسب الدورى والاسماعيلى واللى بيقول تفويت الماتش بلاش احسن امال مختار مختار يبقى ايه مفوتش الماتش باين واحنا مش واخدين بالنا

[Sea Pearl]

هههههههه
اللى اعرفه ان الزمالك اللى هتاخد الدورى
التوبيك كان عن ايه بقى ؟
حلو المقال

[აα∂ Ԑγεა]

خلاصة القول
الزمالك اقوي فرقة في مصر حاليا والاحق والاجدر بالدوري بلا منازع بشاهدة الكل
بطولة الدوري منتهيه من بداية الدور الثاني والفائز معروف للجميع
والزمالك مش محتاج تفويت من حد علشان يكسب !

حتي الاسماعيلي الطبيعي انه يخسر من الزمالك في الفترة الحالية لظروف الفريقين
وفرقة خسرت بنفس النتيجة من انبي واتعادلت مع الرجاء والنصر المفروض تكسب المتصدر ؟
مع انه حتي ف ماتش الذهاب اللي انتهي سلبي كان العدل 4-0 مش 3-0 لولا معاندة الحظ !

ولو في حد اختصاص تفويت فهو المدرب الشيخ اللي مفزش علي فريقه القديم ابدا
واللي دايما وابدا بيتهزم بنتائج كبيرة منه بالاخص لو محتاج فريقه فرق اهداف ,
اما عن طارق يحيي فهو انضف من نوادي كتيرة تتدعي المثاليه وهيا ابعد ما يكون عنها !
طارق يحيي نفسه كان سبب مباشر في ضياع الدوري من الزمالك في 2011
بالاضافة للتحكيم وقتها طبعا :d
لكنه بفوزه علي الزمالك وقتها كان سبب في ضياع الدوري
فلو كان اختصاص تفويت زي البعض كان الاول يفوت من وقتها !
علشان متطولش فترة غياب البطولة عن فريقه المفضل بما انه في باله تفويت !

جينات التفويت بتجري في دم اولاد بعض الاندية لكن مش في اولاد الزمالك
بعض الاندية اللي خرج لاعبين سابقين ليها واعترفوا بوقائع تفويت سابقة علي الهواء
بعض الاندية اللي خرج لاعب في لعبة جماعية عندهم واعترف بتفويت الماتش لفريق اخر
لعدم فوز الزمالك بالدوري وقتها
اما عن ابناء الزمالك وللي هما بلا منازع افضل مدربين في مصر علي مدار السنين
واللي كانو بيحققوا الفوز علي فرقتهم مهما كان وضعها واحتياجها للماتش
فدول اكبر من اي كلام من ناس مش لاقية حاجة تقولها تبرر اللي حصل الموسم دا

وف الاخير كلنا عارفين انه جماهير الزمالك مبرراتية، وبيعلقوا فشلهم على شماعات،
وعندهم عقدة اضطهاد ونظرية المؤامرة مسيطرة عليهم !
ومع اول موسم خسارة للدوري لقينا بريزنتيشن والحكام ومرتضي والتفويت ظهروا ف الصورة

[محمود الصاروخ]

معروف من زمان مين الاقوى الموسم ده ومين بطل الدورى
الدورى زملكاوى وهارد لك لكل المنافسين اللى عاشو ايام سعيده .
بعد خسارة المارد الابيض من المقاصة

لكن بعد سحق الزمالك لـ أقوى تانى نادى مصرى بعد الزمالك بالثلاثيه
تلاشت أحلام بعض الجماهير الذين يتمسكون بالامل

تقبلو الحقيقه وتقبلو الواقع
تقبلو الهزيمه كما تقبلناها من قبلكم

الزمالك بطل الدورى


منور من جديد ياحوده