للعقول الراقيه

[اندرسون]

سلام عليكم

الشعب والأجهزة الأمنية صاروا في مواجهة بعض خلاص .. المعركة دي محدش بيطلع منها منتصر

الشرطة بتصفي في الشعب .. والشعب بيصفي في الشرطة .. وأصحاب السيادة قاعدين في قلاعهم الحصينة بيتفرجوا ..

اللي بيحصل ده بيفكرني بموقف حصل واحد
عنده ٧ سنين ..

كان في تانية ابتدائي ..
وكان ف مدرس قاسي جداً على التلاميذ .. بيضرب بوحشية .. بيعلق العيال ع الباب .. وله أساليب تربوية غريبة شوية ..

كان عنده حصة في فصل ٦ ابتدائي .. وادالهم مسألة جمع ٣ أرقام مع ٣ أرقام ..
واختار ٣ عيال علشان يحلوها .. ماعرفوش

فحب يعاقبهم عقاب جديد غير الضرب المتوحش اللي ما جابش نتيجة معاهم .. وكان العقاب الجديد هو الإذلال !!!

قال لهم هاجيب لكم تلميذ من ٢ ابتدائي يحلهالكم ..
وكان صاحب الحظ التعيس الواد صاحبنا..
بعت له .. ورح الفصل .. وقال له حلها .. فحلها .. وبراءة الأطفال في عينه
وفجاء بيه بيقول له بلهجة لا تحمل ذرة هزار

عايزك بقى يا شاطر تضرب كل واحد من ال ٣ دول بالقلم على وشه

(قالك انا بجد حسيت الأرض بتدور بيا .. أنا .. وأضرب دول بالذات ..)

نسيت أقول لكم ان العيال دي بالذات ما ينفعش حد يرفع عينه في عينهم أساساً .. فضلاً عن إنه يحتك بيهم .. فما بالك بإنك تضربهم بالقلم .. انتحار طبعاً ..

المدرّس زعق له وهدده.. صاحبنا اضطرب وقرر يقرب منهم .. ويمشي ايده بكل حنان ورقة على وش كل واحد .. وابتسامة محبة يرسمها على وجه ..

لكن الموضوع ده ما بياكلش مع المدرس .. أقسم لي بالله غير حانث أنه لو ما سمعش صوت القلم بيرن .. هيضرب صاحبنا ٣ أقلام محترمة على وشه..

ساعتها غمض عيونه وقال المعوذتين في سره ..

وقل لنفسه: كدة ميت .. وكدة ميت .. موت بكرامتك أحسن !!

وبكل القوة التي أودعها الله في طفل عنده ٧ سنين .. نزلت بكف إيده على وش كل واحد فيهم .. وكا بيختلس النظر للمدرس علشان يتأكد ان الصوت وصله .. لقيت عينه بتلمع من السعادة ..

اللي حصل له بعد كدة يا محترمين .. انه بقي يدخل المدرسة ويطلع منها وهو خائفٌ يترقّب .. وفي كل مرة متوقع كمين معمول له من العيال الضحايا ..
وحمد الله في نهاية السنة انهم انتقلوا للمدرسة الإعدادية .. وإلا كان هيكمل تعليمه ف البيت

‫(‏المدرس_أصحاب_السيادة‬)
(‫صاحبنا_الشرطة)‬
‫(الشعب_ال_٣_عيال)‬
..... اتمني انه تكون رساله واضحه ......
.....للعقول الراقيه......

[نورهان.]

الله يامن كل بلد ا الله

[طهر]

ربي يسلمك ويسلم قلبك على روعة طرحك
رآآق لي جدآ موضوعك جزآك ربي كل خير عزيزتي
وجعل طرحك بميزآن حسنآتك يآرب
كوني دومآ بهدآ آلتميز وآكتر
مآننحرم من جديدك
ودآدي لك

[uobabylon]

بارك الله فيك النشر الواعي