تعالى قولنا استفدت ايه من المسابقه الرمضانيه ؟

[CAN _ 7LM]

انا كان دخولى فى المسابقه من الأول
عشان اعرف معلومات كتير كنت محتاجها
ومن الناحيه دى انا استفدت كتير جدا
واخدت كم هائل من المعلومات
غير كده بقى بما انى كنت فى فريق
اتعلمت المسؤليه خاصة انى لو تخلفت
عن حاجه فى المسابقه او اتأخرت
مش هيضرنى انا لوحدى وخاصة انى مش عايزه
اكون سبب خساره حد
وكمان كنت عايزه اتعلم ادى كل حاجه حقها حتى
لو كانت عاديه والمسابقه ساعدتنى ع حاجه زى دى
وحاولت اضبط مواعيدى لأنى فاشله فى الحكايه دى :d
وروح الفريق كان محسسنى بالقوه وخاصة مساعده بعضنا البعض
بيشعرنا بالتعاون و نكون قادرين اكتر ع المنافسه
انا بشكر كل عضو فى الفريق ع اهتمامه
وخاصة رودى لأنى تعبتها معايا كتير
وأفضل حاجه ان كل شخص يكون استفاد يابختك ياعم أخدت ثواب كبير
انا مش بئر انا بحسد
لى عوده بتجميع المعلومات الدينيه فى أخر المسابقه

انا كنت متوقعه انك هتعمل حاجه عشان تتأكد ان هيه
مش مجرد مسابقه بست كوبى واحنا استفدنا ازاى منها
تحياتى

[Aya 7ekaya]

المسابقه بجد كانت جميله جدا ممكن يكون حصل شويه لغبطه ولسه بيحصل للاسف فى فريقى بس الافضل بقا من النهايه او التقييم او الجوائز ان الواحد لو بيكسل ف اى وقت انه يبحث عن حاجة يقرأها فـ هنآ بتيجى قدامه المعلومه وبيكون فى تشجيع انه يقرأها وفعلا الموسوعه من الحاجات الحلوة جدا اللى فرقت معايا وزآدت معلوماتى كتير جدا
ربنآ يجآزيك ويجآزى كل شخص اشترك فيها خير .. بعدد كل زائر او عضو هيدخل يستفاد منهاآ
وان شاء الله الافكار الحلوة دى تتكرر كتير ويكون عدد الاعضاء اكتر كمان ^^

[Dr. AnOosHo]

بصراحه المسابقه كانت حلوة قوي وممتعه قوي
والاحلى منها اني تقريبا 70 في الميه من التوبيكات اللي كانت بتنزل كل يوم تعتبر معلومات جديده جدا بالنسبه لي

واستفدت اني قبل منزل التوبيك كنت بقرا الجزء المطلوب مني مرة واتنين وتلاته عشان منزلش وخلاص من غير مستوعب وافهم كل حاجه فيه

تسلم ايدكم وبجد جزاكم الله كل خير على كل معلومه استفدناها من اي حد نزل حرف في اي توبك

كل سنه وانتم بالف خير يارب

[Stop Ana Eltop]

انا مبحبش الاسئله المفاجئه دى

المسابقه كنت دخلاها زى اى مسابقه عاادى بس استفدت منها الصراحه
فيه معلومات كانت عندى بس مش متأكده منها اكدتها
وفيه معلومات كانت عندى غلط صححتها
والمفاجئه بقن فيه معلومات قرأتها ومفهمتهااش خالص

المسابقه معلوماتها حلوه لانها فى محيط استخدامنا اليومى او الاستخدام المتكرر عامة
يعنى مش حاجه ممكن تمر عليا فى حياتى
لاء انا كل يوم بتوضى وبصلى وبصوم شهر رمضان والسنن
والحج فريضه هقضيها ولازم اعرف كل حاجه
والزكاه اكييد مهمه فى حياتنا اكييد
اركان الاسلاام اكيد مهمه ولازم اننا نعرفها


فى الاخر اكيد ما استفدتش بكل المعلومات الى نزلت
بس الكم الى عرفته وفهمته كويس كفايه علياا

والسلام عليكم ورحمة الله وبركاته
تسلم يامستر اجمد ع المسابقه الحلوه

ويارب تدخل الجيش عشان تعرف قيمة مااسر

[ايمان طلعت]

بالنسبالي سعدت كتير بالمسابقه دي
ليه
اولا انشغلت بحاجه مفيدة
هي صحيح بتتكلم عن فروض الاسلام
اللي احنا كلنا عارفنها يعني معلومات اي مسلم
يدركهها لانها اساس الدين
لكن فيه نقط صغيرة اغلبنا محدش ياخد باله منها
لكنها من اساسيات الفرض
النقط الصغيرة دي عرفتها واتعلمتها هنا
و صححت اخطائي سواء كانت في الوضوء
او اي فروض اخري
ذكرت الوضوء لانه فعل نفعله خمس مرات يوميا
كنت احسب ان كله فرض
لكن ادركت هنا ان الفرض في الوضوء غسل اليد و الوجه
ومسح الرأس والرجلين
كما في الايه
يَا أَيُّهَا الَّذِينَ آمَنُوا إِذَا قُمْتُمْ إِلَى الصَّلاةِ
فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ
وَامْسَحُوا بِرُؤُوسِكُمْ وَأَرْجُلَكُمْ إِلَى الْكَعْبَيْنِ
وَإِنْ كُنْتُمْ جُنُبًا فَاطَّهَّرُوا

وما يفعل غير ذلك سنه عن الرسول صل الله عليه وسلم

ثانيا كسبت ثواب كبير بنقلي العلومات دي
فاي حد يقرأها ويتعلم منها حاجه ربنا يجازيني عليه

ثالثا روح الفريق اللي كنا فيها جميله جداا
لمار اتقربت منها اوي وفعلا بنوته جميله فتعاملها وتعاونت معايا كتير
ربنا يسعدها
اما محمود بقي كان نفسي اخرجه من الفريق
لانه تعبني الحقيقه وشكله هو السبب الاساسي في خسارتنا
بس برغم شغله ودراسته كان بيدخل وينشر
وفي الاخر احنا كلنا كسبانين
مش مشاركات ونجوم لا
كسبنا ثواب كبير
وصحبتنا الحلوة طول الشهر
اشكرك احمد انك اتحت لنا الفرصه في المسابقه دي


بالنسبه للسؤال هو كويس وفيه فرصه الواحد يكتب
بس انا مبحبش الانترفيوهات المفاجئه


تحياتي

[Lamees]

السؤال كان ضروري ومهم وكان متوقع بالنسبة لي
فكرة نقل المعلومات من الموقع وعمل موسوعة فقهية في المنتدى رائعة
بكل معنى الكلمة المسابقة اجبرتني على الألتزام وقراءة الموضوعات
لكي يكون الرد عندي في مضمون الموضوع
غالباً استفدت كثيراً من كل الابواب
ولو انها بالنسبة لي معلومات مش جديدة لكن كان هناك البعض جديد بالنسبة لي
مثل ان لا زكاة على الجنين
في باب الطهارة والحمد لله معلوماتي عنه صحيحة وكان تأكيد ليها عندما قرأته
المعلومة الحقيقية الخطيرة التي حصلت عليها من باب الصيام
عن تارك الصيام عمداً كافر
وحزني كان كبيراً لأن الأمر انتشر بشدة
ويا اسفي على أمة الأسلام
التي تترك ركن هام من اركان الأسلام
ايضاً الأستفادة من باب الصلاة كانت كبيرة كـ الأماكن التي ينهى فيها الصلاة
كـ المقبرة معلومة جديدة والأهم ان سبب النهي مقبول جداً
اما باب الحج والعمرة كانت معلوماتي ضئيلة جداً استفدت بعض الشيء
ولكن وللأمانة هناك اشياء كثيرة لم افهمها صعبة ولكني على
امل ان أذهب للحج او العمرة لأتعلم جيداً
اخيراً اهم ما في المسابقة هي اننا اتجمعنا على خيراً
وساهمنا في نشر معلومات مهمة جعلها الله في موازين اعمالنا
جزاك الله خيراً احمد وجعل هذا الأمر شاهد لك يوم القيامة
بشكر جميع الفرق التي ساهمت معنا في هذا العمل الطيب
جزاكم الله خيراً
وبارك الله فيكم

[Sea Pearl]

انا عن نفسى فى حاجات كتير مش كنت اعرفها
لما قرأت التوبيكات اللى بتنزل عرفت انى مقصرة فى دينى
وانى مش عندى معلومات كفاية حتى اقدر افيد بيها نفسى
وانك تكون مسئول فى مجموعة ولازم تنزل فى الميعاد
عشان اولا مش تضر غيرك بتقصيرك
وثانيا انك تتعلم الانضباط
كانت تجربة جميلة فعلا
سعيدة انى اشتركت فى المسابقة مع انى كنت مترددة فى البداية