كــــذا ميــــــــزا

[شاعر الحب الحزين]

جامــدة البنــت وفيهـــا كــذا ميــــزا

أمـورة غنــدورة رقيقـة كــده ولزيــزة

بس شايفة نفسها عليا

وفاكرة إنها يعني بتملا عنيا

من غرورها حاسس هتنزل صورتها ع البريزة

يلا يا بنت امشي من هنا

انتي تغوي كل الدنيا الا انا

لو فكرتي تشغليني ثانية

بنظرة مني هشغلك سنة

أنا مش قليل ده انتي كبيرك عيل قاعد ف قهوة ع طربيزة

تشغليهم تسحريهم شيء يرجعلك

ولا يشغلني ألف منك من بعدك ولا قبلك

بأخلاقك مش بجمالك تشغليني وتخليني افكر ف حب وجيزة

غير كده مليش ف كده أنا دغري كده ودي اطباع اولاد الجيــزة



شــــــــــــــــــــــــــــــــــ . حــــــــــــــــــــــــــــــــــــــ

[العاشق الذى لم يتب]

والله عسلوة خالص
الشعنونة دى
والحلمنتشاية دى
بس انت كده شحورت الموزة خالص
وكسرت بنفسها
بينى وبينك هى تستاهل تعمل فيهاكده
مدام شايفهة نفسها
تسلم يامنورنا ديما والله
كل سنة وانت طيب

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب والله عسلوة خالص الشعنونة دى والحلمنتشاية دى بس انت كده شحورت الموزة خالص وكسرت بنفسها بينى وبينك هى تستاهل تعمل فيهاكده مدام شايفهة نفسها تسلم يامنورنا ديما والله كل سنة وانت طيب

لو سايرناهم هنعمل مصايب يا رفعت

كده احسن ههههههاي

حجم هتبقى معلم يا رفعت هههههاي

حبيبي ارفعت منورني يا غالي

أسعدتني بوجودك الجميل زيك هنا

ربنا يوفقك ويسعدك

وكل سنة وانتا طيب وبألف خير

[رضا التركى]

بأخلاقك مش بجمالك تشغليني وتخليني افكر ف حب وجيزة

جبت المفيد الأخلاق هى الأساس

يعجبنى فيك أداءك الراقى أخى خالد

واسلوبك الممتع الشيق

دائما متألق نسألله لك دوام التوفيق والسداد

دمت بكل خير وأمان ورحمة من الرحمن

تحياتى وخالص ودى لشخصك الكريم

[شاعر الحب الحزين]

اقتباس المشاركة الأصلية كتبت بواسطة رضا التركى بأخلاقك مش بجمالك تشغليني وتخليني افكر ف حب وجيزة جبت المفيد الأخلاق هى الأساس يعجبنى فيك أداءك الراقى أخى خالد واسلوبك الممتع الشيق دائما متألق نسألله لك دوام التوفيق والسداد دمت بكل خير وأمان ورحمة من الرحمن تحياتى وخالص ودى لشخصك الكريم

اقتبست السطر الأهم والملم بالمعنى

تلك هي ميزات القارئ والكاتب المميز

سلمت أخي الغالي رضا

لرقي تفاعلك ونقاء شخصك وحسن تواجدك

أسعدتني بريء الكلمة بنقاء الحضور هنا

ربي يوفقك ويسعدك